Рет қаралды 5,433
Isroil Bosh vaziri Benyamin Netanyaxu 7-oktabr voqealari ortidan G'azoda urushni boshqarish maqsadida tuzilgan kabinetni tarqatib yubordi. Kabinetning nufuzli vakili Benni Gantz 9-iyun oqshomida bu kabinetdan chiqib ketishini ma'lum qilgan edi. Uning ta'kidlashicha, Isroil bosh vaziri Benyamin Netanyaxu siyosiy iqtidorda qolishni milliy manfaatlardan ustun ko'rmoqda. So'rovlarga ko'ra, Isroilda saylov bo'lsa, Gantz Netanyaxuni osonlik bilan mag'lub etadi.
Gantzning aytishicha, Netanyaxu rahbarlik lavozimini boy bermaslik uchun urushni davom ettirish va otashkesim takliflarini rad etishni talab qilayotgan hukumat koalitsiyasining ultra o'ngchilar qatlamiga quloq solmoqda. Gantz uch kishilik urush kabinetining uchinchi a'zosi, mudofaa vaziri Yoav Gallantni ham o'z ortidan kabinetni tark etishga, hukumatni kuzda saylov o'tkazishga chaqirgan edi.