Исламға қатысты маңызды Сұрақ - Жауап 18. Ұстаз: Омар Теміртас

20-Сұрақ: Дәреттің қандай парыздары мен сүннеттері бар?
Жауабы: Дәреттің алты парызы бар. Аллаһ Тағала Құранда: {Ей, иман келтіргендер! Егер намазға тұрсаңдар, жүздеріңді, шынтақпен қоса қолдарыңды жуыңдар, бастарыңа мәсіх тартыңдар және аяқтарыңды тобықпен қоса (жуыңдар)} , - деді. Бұл аятта дәреттің парыздары айтылған. Олар:
1 - Жүзді бір рет жуу.
2 - Екі қолды шынтақпен қоса бір рет жуу.
3 - Басқа түгелдей бір рет мәсіх тарту.
4 - Екі аяқты тобықпен қоса бір рет жуу.
5 - Дәретті тәртіппен алу.
6 - Ажыратпау, ол - алдыңғы жуылған ағза кеппейінше, кейін-гісін жуу. Пайғамбарымыз ﷺ біреудің аяғының арт жағынан дирхемнің мөлшеріндей жеріне су тимей қалғанын көріп, оған дәрет пен намазын кері орындауға бұйырды. Хадисті Ахмад пен Әбу Дауд жеткізген.
Осыдан қалғандары - сүннеттер, олар: Мисуак қолдану; дәретті бисмилләмен бастау; дәрет алдында екі қолды үш мәрте жуу; ауыз-мұрынды шаю; бет жумас бұрын ауызды мұрыннан бұрын шаю; ораза емес кезде ауыз-мұрынды толық шаю; ауыз-мұрынды оң қолмен шаю; сол қолмен сіңбіру; қалың сақалды және саусақтарының арасын саусақтарымен аралап сулау; құлаққа мәсих тарту; оң жақтан бастау, ағзаларды екінші, үшінші рет жуу; беттегі қалың шаштардың астын жуу (қас пен мұрт, сақал емес); дәрет ағзаларын ысқылап жуу; дәретті өзі алу; дәрет соңында дұғасын айту. Дәреттің сүннеттерін әдейі тастаса да дәреті есептеледі.

[@姓名-v5y]

СубханалЛах АльхамдулилЛях Аллаху Акбар

[@As_masur]

Аллахумма барик Аллахумма амин бауырым

[@Atyrau84]

Ма ша Аллах

[@Boz.Bala.B]

Дәретке ниет етіп аузы мұрнымды шәйіп ағып жатқан суға түссем дәретім саналама?

[@КокаКола-г7у]

Аллах пайдалы білім берсін соған амал кылатындай