Рет қаралды 2,760
იტალიის პრემიერ-მინისტრი ევროკავშირის ინსტიტუტების ხელმძღვანელ პოზიციებზე შერჩეულ კანდიდატურებს დიდ შეცდომას და ევროპელი ამომრჩევლების უპატივცემულობას უწოდებს. ჯორჯა მელონიმ ბრიუსელში გამართული სამიტის შემდეგ განაცხადა, რომ ევროპარლამენტის არჩევნების შედეგებზე დაყრდნობით, ევროპული ბლოკის ინსტიტუტების ლიდერებიც უნდა შეცვლილიყვნენ. იტალიის პრემიერმა, რომლის მემარჯვენე პარტიამაც ევროპულ არჩევნებში გაიმარჯვა, აღნიშნა, რომ შერჩეული კანდიდატები ევროპელი ხალხის ნებას არ ასახავენ. ბრიუსელში გამართულ სამიტზე ევროკავშირის ლიდერები შეთანხმდნენ, რომ ევროკომისიის პრეზიდენტის პოსტზე ურსულა ფონ დერ ლაიენს მეორე ვადით დაასახელებენ, ევროპული საბჭოს პრეზიდენტის თანამდებობის დასაკავებლად კი პორტუგალიის ყოფილი პრემიერი ანტონიო კოშტა შეარჩიეს, ჯოზეფ ბორელის პოსტს კი ესტონეთის პრემიერ-მინისტრი კაია კალასი დაიკავებს.