Рет қаралды 7,257
ಮಗುವಿನ ನಾಮಕರಣದಲ್ಲಿ ಮೊದಲು ಗುಂಡು ಕಲ್ಲನ್ನು ತೊಟ್ಟಲಲ್ಲಿಟ್ಟು ,
ಅದಕ್ಕೆ ಹೆಸರನ್ನಟ್ಟು ತೂಗಿ ಜೋಗುಳ ಹಾಡುವ ಪದ್ಧತಿ ಹಿಂದಿನಿಂದಲೂ ಬಂದಿದೆ .ಹೀಗೆ ಮಾಡುವುದರಿಂದ ಮಗು ಗಂಡುಕಲ್ಲಿನ ಹಾಗೆ ಇರುತ್ತದೆ ಅನ್ನುವ ನಂಬಿಕೆ.
ಜೋಜೋ ಜೋ ಜೋ ಜೋ ಗುಂಡ ಲಂಡ |
ಮಂಡಿಗಿ ಕಣಕ ಮದ್ಧರಿಸೋ ಗುಂಡ ಜೋ ಜೋ||ಪ||
ಬಾಲ ನನ್ನ ಗುಂಡಪ್ಪ ಎತ್ತಾಡಲ ಹೋಗ್ಯಾನ |
ವಾಲಿ ಇಟ್ಟವರ ಮನಿಯಾಗ ||
ವಾಲಿ ಇಟ್ಟವರ ಮನಿಯಾಗ ಗುಂಡಪ್ಪ |
ಹೂರಣ ರಬ್ಬಿ ಬರುತಾನಾ ||೧||
ಮತ್ತ ನನ್ನ ಗುಂಡಪ್ಪ ಎತ್ತಾಡಲ ಹೋಗ್ಯಾನ |
ತಪ್ಪಲಿಟ್ಟವರ ಮನಿಯಾಗ ||
ತಪ್ಪಲಿಟ್ಟವರಾ ಮನಿಯಾಗ ಗುಂಡಪ್ಪ |
ಚಟ್ಟಣಿ ರುಬ್ಬಿ ಬರುತಾನಾ ||೨||
ಅಜ್ಜಂದಿರೈವರು ಗುಜ್ಜಂದಿರೈವರು |
ಗೆಜ್ಜಿ ಬಿಂದುಲಿ ಮಾಡಿಸಿ ತಂದಾರು ||
ಕಾಲಿಲ್ಲ ಕೈಇಲ್ಲ ಎಲ್ಲಿಡಬೇಕೆಂದು |
ನಾರಿ ಅವರವ್ವನ್ನ ಕರೆದು ಕೇಳಿದಳೂ ||೩||
ಜೋ ಜೋ ಜೋ ಕೃಷ್ಣ ಪರಮಾನಂದ
ಜೋ ಜೋ ಗೋಪಿಯ ಕಂದ ಮುಕುಂದ ಜೋಜೋ ||ಪ||
ಪಾಲಗಡಲಿನಲ್ಲಿ ಪವಡಿಸಿದವನೇ |
ಆಲದೆಲೆಯ ಮೇಲೆ ಮಲಗಿದ ಶಿಶುವೇ||
ಶ್ರೀಲಲಿತಾಂಗಿಯರ ಚಿತ್ತದೊಲ್ಲಭನೇ|
ಬಾಲ ನಿನ್ನನು ಪಾಡಿ ತೂಗುವೆನಯ್ಯ ಜೋಜೋ ||೧||
ಹೊಳೆವಂಥ ರನ್ನದ ತೊಟ್ಟಿಲ ಮೇಲೆ|
ಥಳಥಳಿಸುವ ಗುಲಗಂಜಿಯ ಮಾಲೆ||
ಅಳದೆ ನೀ ಪಿಡಿದಾಡೆನ್ನಯ ಮುದ್ದು ಬಾಲ|
ನಳಿನನಾಭನೆ ನಿನ್ನ ಪಾಡಿ ತೂಗುವೆನು ಜೋಜೋ ||೨||
ಯಾರ ಕಂದನೊ ನೀನಾರ ನಿಧಾನೀ|
ಆರ ರನ್ನವೊ ನೀನಾರ ಮಾಣಿಕವೋ||
ಸೇರಿತು ಎನಗೊಂದು ಚಿಂತಾಮಣಿ ಎಂದು|
ಪೋರ ನಿನ್ನನು ಪಾಡಿ ತೂಗುವೆನಯ್ಯ ಜೋಜೋ||೩||
ಗುಣನಿಧಿಯೇ ನಿನ್ನ ಎತ್ತಿಕೊಂಡಿದ್ದರೆ|
ಮನೆಯ ಕೆಲಸವಾರು ಮಾಡುವರಯ್ಯ||
ಮನಕೆ ಸುಖನಿದ್ರೆಯ ತಂದುಕೋ ಬೇಗ|
ಫಣಿಶಯನನೆ ನಿನ್ನ ಪಾಡಿ ತೂಗುವೆನು ಜೋಜೋ ||೪||
ಅಂಡಜವಾಹನ ಅನಂತಮಹಿಮ|
ಪುಂಡರೀಕಾಕ್ಷ ಶ್ರೀ ಪರಮಪಾವನ||
ಹಿಂಡು ದೈವದ ಗಂಡ ಉದ್ದಂಡನ|
ಪಾಂಡುರಂಗ ಶ್ರೀ ಪುರಂದರ ವಿಠಲ ಜೋಜೋ ||೫||
🙏ಶ್ರೀಕೃಷ್ಣಾರ್ಪಣಮಸ್ತು🙏
Maguvina nāmakaraṇadalli modalu guṇḍu kallannu toṭṭalalliṭṭu,
adakke hesarannaṭṭu tūgi jōguḷa hāḍuva pad'dhati hindinindalū bandide.Hīge māḍuvudarinda magu gaṇḍukallina hāge iruttade annuva nambike.
Jōjō jō jō jō guṇḍa laṇḍa |
maṇḍigi kaṇaka mad'dharisō guṇḍa jō jō||pa||
bāla nanna guṇḍappa ettāḍala hōgyāna |
vāli iṭṭavara maniyāga ||
vāli iṭṭavara maniyāga guṇḍappa |
hūraṇa rabbi barutānā ||1||
matta nanna guṇḍappa ettāḍala hōgyāna |
tappaliṭṭavara maniyāga ||
tappaliṭṭavarā maniyāga guṇḍappa |
caṭṭaṇi rubbi barutānā ||2||
Ajjandiraivaru gujjandiraivaru |
gejji binduli māḍisi tandāru ||
kālilla kai'illa elliḍabēkendu |
nāri avaravvanna karedu kēḷidaḷū ||3||
jō jō jō kr̥ṣṇa paramānanda
jō jō gōpiya kanda mukunda jōjō ||pa||
pālagaḍalinalli pavaḍisidavanē |
āladeleya mēle malagida śiśuvē||
śrīlalitāṅgiyara cittadollabhanē|
bāla ninnanu pāḍi tūguvenayya jōjō ||1||
Hoḷevantha rannada toṭṭila mēle|
thaḷathaḷisuva gulagan̄jiya māle||
aḷade nī piḍidāḍennaya muddu bāla|
naḷinanābhane ninna pāḍi tūguvenu jōjō ||2||
yāra kandano nīnāra nidhānī|
āra rannavo nīnāra māṇikavō||
sēritu enagondu cintāmaṇi endu|
pōra ninnanu pāḍi tūguvenayya jōjō||3||
Guṇanidhiyē ninna ettikoṇḍiddare|
maneya kelasavāru māḍuvarayya||
manake sukhanidreyatandukō bēga|
phaṇiśayanane ninna pāḍi tūguvenu jōjō ||4||
aṇḍajavāhana anantamahima|
puṇḍarīkākṣa śrī paramapāvanna ||
hiṇḍu daivara gaṇḍa uddaṇḍa|
pāṇḍuraṅga śrī purandara viṭhala jōjō ||5||