【集結! 野營24時間🏕 EP3】幕前深度對話｜Pomato 小薯茄

藉住呢次機會，同大家分享一啲內心感受……
3月12日起 一連四集
逢星期日晚10點出片
場地贊助：牧緣田里
食物贊助：Re.born Catering
#小薯茄 #Pomato #團綜 #綜藝

[@Jefferykwan]

多謝各位小薯茄嘅用心留言，每一個我都有睇晒㗎，多謝大家畀力量我哋💛 P.S. 我冇搞錯A同O呀～

[@0041323666]

J哥恭喜你🥹

[@llsunny77]

@@0041323666 A1就唔好講恭喜⋯⋯😢

[@dfghgjyy]

雖然都唔知有冇O一年…….祝福J哥早日揾到可以長久既伴侶😢

[@Longstoryshort1031]

我未睇哂但留個言先 J 真係睇到你進步左好多架！做自己💪🏼你其實好得意好笑架

[@ncl0212]

加油J哥👍真係做得越黎越好

[@candycheung1362]

To 朱mic&肥蚊： 見到你地喊真係好心痛... 你哋要知道，而家已經越嚟越多人鍾意你哋，你哋嘅定位都唔再界限於你哋嘅身體。 你哋兩個諗到咩都可以講出嚟，咁先可以show到你哋嘅真性情，放膽講就啱架喇❤ 由一個素人到公眾人物真係唔簡單，要突然積極面對一堆腐皮係一件內心好強大先可以做到嘅事。做唔到唔緊要架。嗰啲只係為咗令你唔開心嘅人都有佢哋嘅諗法，你哋睇到唔開心嘅，咪唔好睇落去囉～自己開心先最緊要呀❤

[@kimoben6046]

小薯茄唔係兒童台，係善良台❤ 全部人都好純真好善良

[@zentumaisle5925]

兒童台先至好，現實生活已經夠成熟了

[@checklee2654]

我35歲，經歷過好多好差嘅經歷，我亦唔係做正行嘅人，但我中意睇你哋，係因為你哋擁有嘅童真，可以帶比我回憶自己後生嘅時候係點樣同朋友開心咁玩，同埋你哋唔係扮兒童台，係你哋嘅骨子裡有嗰份童心，加油👍🏻

[@becky4298]

有好多人都支持肥蚊朱mic，佢哋都唔係加入左好耐，都仲要時間摸索，唔好俾太大壓力自己，最緊要開心！ 程人富一直都照顧其他演員，我估佢都有唔少壓力，希望呢個重擔唔會令佢太辛苦。 希望阿J下一段感情長長久久幸福快樂！

[@becky4298]

@@annyau7226 已改～～

[@Snakelvin]

我睇左小薯茄幾年，好似真係無乜點留言過，但睇完哩條片，好想留言下支持大家💪🏻 睇住你地office由一開始細細間，變到宜家甘大，老土啲講好似有一種睇住你地成長嘅感覺。 平時睇到小薯茄搞笑嘅片，我都會推薦比身邊屋企人同朋友，大家都只知道我係小薯茄fans，但其實無人知道背後原因。我本身就唔係一個成日笑嘅人，早幾年仲有抑鬱，嚴重到真係係街可以無啦啦喊個種，但你地陪伴住我慢慢離開哩個困境（雖然你地唔認識我），我可以講小薯茄係唯一一個可以令我笑嘅頻道，睇小薯茄嘅時間可以令我暫時忘記所有生活嘅煩惱，可以盡情甘笑，所以我都好想推薦比身邊嘅朋友，希望佢哋都可以放鬆心情。 老實講，一開始肥蚊同朱mic加入，我都會有大家講個種排外情緒，會覺得做乜無啦啦多兩個人，但後來都對你地改觀，睇得出你地嘅努力，特別係六周年it’s party time見到朱mic打鼓，同你地扮女仔等等，係為左小薯茄做出左好多大膽嘅嘗試同努力。所以唔需要唔開心、唔需要喊，做好自己，觀眾就一定會睇到！ 雖然唔知你地睇唔睇到我嘅留言，但好多謝你地幕前、幕後嘅每一個人，祝你地快啲60萬、70萬，甚至100萬訂閱！🎉

[@Snakelvin]

我仲想補充下，我試過推薦比朋友，然後佢話：兒童台你都睇，話比其他人知，等佢地笑下你先。。 我心諗就算係兒童台，so what? 自己鍾意睇，自己開心咪得，我就唔信你youtube開出黎全部都係成熟穩重嘅片啦！拎人喜好去笑，你先係兒童吧！ 結果佢宜家咪又係有睇小薯茄，所以笑人個班人，根本無資格去笑，佢地甚至從來都無睇過，無了解過，就跟風話兒童台，合理咩

[@JoeyfulJoey]

好同意你話睇小薯茄嘅時間可以令人忘記所有生活嘅煩惱，盡情咁笑～你願意打咁多字去表達對人嘅支持同欣賞，一定係一個心地善良嘅人💝希望你都繼續開開心心🥰

[@Snakelvin]

@@JoeyfulJoey 多謝🥰 各位都要開開心心！

[@YvoonTse]

同感👍🏻 我地係呢個現實的社會係特別需要小薯茄的笑來治癒心理，感激，加油

[@alanchan6931]

小薯茄代表住香港一班 好乖既 貼地 善良 但又唔係站起道德高地 講野抵死 有正義感 要加油 支持你地

[@lobo8217]

肥蚊搞喊咗我😢 我想講，小薯茄係一個團隊，唔係因為某一兩個人去follow ，欣賞係因為你哋成班人一齊好努力去追一個夢。 加油呀，你哋真係好叻，無一樣嘢可以滿足到所有人，最緊要隨心而行，繼續自己嘅步伐去繼續進步💪🏼

[@Alankuo20606]

我好鐘意肥蚊XD 有一種吸引力

[@dlo5733]

鐘意肥蚊+1！

[@user-vb1zi9hm6y]

肥蚊加油！堅持✊🏻一定會有更多人見到你架💪💪💪

[@ningchan4123]

@@Alankuo20606 +3 特別係同童童合病嗰一集

[@casstielm2921]

🥹🥹🥹 肥蚊

[@Little1PIG2]

見到咁多潛水友忍唔住分享，我都忍唔住嚟一次，記得上次留言好似已經係庖丁解童貴價魚蛋，之後已經幾個月啦，可能又會再潛水默默睇，好啦，廢話陣間再講，首先嚟個時序先～，之後再嚟正文。 時間軸(中間眾人有穿插對話，強烈建議由頭睇晒一次先)： 0:25【幕間時間】 0:55 - 全死角美少女廚房- 1:15 - 直擊男子組換衫 - 2:14 -阿J親吻程人富?! - 2:20【幕前深度對話開始】 2:44: - 最唔鍾意邊條片 - 2:53 高Ling, 4:36 阿J, 8:42 麗英 ( 5:56 被無視的童童, 7:34 偷笑的阿冰, 10:56 11:21 憤怒的麗英 ) 11:51 - 小薯茄=兒童台? - 14:49 努力常被輕輕帶過, 16:05 承認兒童台係抵死嘅 ( 13:26 15:24 童童的「經典對白」, 16:23 敬程人富的兒童色情台 ) 16:30 - 不要歧視廣告片 - 17:50 長大的壓力 18:36 - 印象最深刻嘅負評 - 18:48 朱MIC, 20:15 肥蚊, 23:20 朱MIC, 25:02 阿冰, 26:56 麗英 ( 21:17 高Ling和阿J 解釋, 22:49 朱MIC的面試片, 23:34 X程人富, 24:44 高Ling的期望, 24:53 肥蚊的Reels, 27:21 高Ling和童童的說法, 28:11 手下留情, 28:25 演員的難處 ) 29:30 - 童童形象的變化 - 30:47: - 阿冰的鏡頭前後分別 - ( 31:02 麗英的懷恨在心 ) 32:12 - 阿J的形象 - 34:44 長大了的阿J 35:35 【幕前深度對話結束後】 (有眾人的醉後反應) 36:21【預告】 如果想睇更多人小薯茄訪問了，推薦一個我都不時睇嘅playlist，小薯茄頻道外成員參與影片：kzbin.info/aero/PLlT4x_bK8ipHITAzrPbD4q73W_Dfeqm9s ---------------- #長文注意 以下係正文，不過今次就唔整合意見啦，感言應該要親眼睇先至係最好，希望台前幕後都唔會覺得我哋太長啦，呢個太長的話就直跳到最後感言啦⋯⋯ 首先， 最初3年前用咗三個月煲晒咁多小薯茄嘅片，再由第二間office睇住搬入上一間柴灣角街嘅再到依家新office，雖然達人問卷挑戰都只係狂熱薯茄。由一開始睇劇場戲劇，再到綜藝，之後一次過由舊翻睇晒，特別提咗好多次嘅五秒定律😂重有所有直播live同幕後behind the screen，之後再睇番晒頻道外訪問，再然後就係tg group，其他channel，乃至連登⋯再有就係之前嘅其他訪問，好似香港故事聲光路上、黃viu、藝文青嗰啲咁，依家得閒就㩒返之前小薯茄嘅片嚟睇，都係隨機就睇，多多少少可以講對小薯茄都有個全面了解。 講咁多其實都係一句，見證住小薯茄呢個人嘅成長，越做越大，希望可以健康咁成長，期間遇到嘅各種問題同背負嘅壓力其實或多或少都見到者估到，正如高Ling所以，背後重有一大班觀眾支持你哋、留意你哋、關心你哋，唔好唔好意思咁怕講出嚟會有壓力有影響，喺適應嘅時候我哋觀眾都可以Support返你哋㗎，不論直播又好Deep talk 節目都好，你撐我撐你啊嘛！ 之後， 高Ling同家富，由兩位帶領同大家一齊合作而長大嘅小薯茄，睇完六週年的表演，就知道不用擔心，兩位清楚明白小薯茄嘅定位，只有一句：加油！保持初心繼續做大落去。 另外，反而睇咗其他嘅留言，見到好多都係好似我呢種咁平時唔知講咩好只係默默睇片，突然有個劇本諗法想提出，可以拍出嚟講下留言同無留言嘅人的想法，例如睇Show的10種人、奧運的幾種人等等，或者唔識同陌生人傾計嗰種，又或者另外有其他新方式，期待期待！ 富哥，雖然今次你分享比較少(唔知拍咗無剪定點啦…)，但好明顯喺氣氛調節同互動乃至自嘲都係咁正，勁啊，台柱之名的程柱，實至名歸。而且作為Finally 唱歌擔當，之前已經感覺到你嘅努力，依家更加出色，雖然未去到話歌手級數咁勁，但接受程度明顯高咗，祝你可以完成到歌手夢，出到一隻派台歌，期待喺的士聽到你把聲😂同時都唔好唔記得你嘅棟篤笑啊！ J哥，A0定A1都唔緊要，保持自己嘅自信！由小薯茄前期到呢家個改變真係好大，而且感覺到喺你channel片第一條Q&A入面各位講嗰種鏡頭下面更加自然同搞笑，依家個效果好正，keep落去啊！好charm啊你🤣 肥蚊，有時好搞笑好正，但有時又捉唔到個punch line有啲位尷尬，有時又難接到個位，同埋感覺好似高Ling咁講好似有啲怕所以放唔開，有啲似最初初嘅J哥咁樣尷尷尬尬咁，捉唔到嗰位，但又有小小唔同，感覺有啲似夾硬扮自信，太生硬太用力，所以睇落有啲尷尷尬尬同唔肯定，真係可以向阿J取下經點樣表現自己又唔會太過over同自然啲，不過同初開始已經好咗好多，依家不時有啲閃光位好笑位，係正嘅，加油啊💪🏻！最後，記住呢一句：你絕對無連累到公司，反而幫小薯茄增添更多元化嘅戲劇元素同歡笑效果，加油，支持落去！ 朱mic，感覺你慢慢捉到定位放開咗去演，個vibe已經好咗，雖然有時都重係有啲奇怪嘅尷尬位同表情生硬，不過就已經慢慢可以，有進步啦～加油💪🏻支持！ 童童，怕羞童同火爆童一樣咁好睇！無論鵪鶉定自在嘅階段，演技都係咁精湛，眼神好有戲啊！祝願你可以上演多啲唔同嘅角色，除咗主持重可以登上電影院大銀幕同埋上電視台拍劇，變化越嚟越多，越嚟越shiny！🎉 而多才多藝嘅麗英，我相信你可以喺歌手同演員兩條路上行得更遠！加油！ 阿冰保持自己繼續對抗富哥就好好笑啦，btw一人婚禮好靚啊！恭喜第一次做女主角，可以喺演員路上越走越遠！ 可能講得唔太多，因為我見好多留言其實都有好多值得一睇嘅相似點，加上時間有限，想畀大家快啲睇到…所以…明啦~.~ 絕對唔係因為我懶！ 最後， 辛苦晒咁多位台前幕後，喺觀眾睇唔到嘅地方默默付出，換咗個再大啲嘅大海柒船喺未來開住薯茄號，靜靜哋避開風浪，繼續帶畀我哋歡樂同笑聲！❤️ 期待小薯茄出返六週年舞台劇加記錄片！！！再喺日出康城行紅地毯💓舉行柒榜柒事頒獎典禮 一> 七週年柒人柒事大賽！ #你撐我撐你 #proudtobepomato #由簡單創出不平凡 #呢幾年都攰啦

[@chorsee]

人生第一次見到youtube 留言可以咁長:😯😲 我都有睇晒，好感受到你對小薯茄嘅愛，想幫你push!!! 😸感覺小薯茄好正面嘅 #做得好好 態度，可以令呢度留言區咁多欣賞（又唔係冇內容盲撐），令到咁唔似一般網絡世界嘅氛圍，好神奇啊，謝謝小薯茄～❤

[@yrokwai]

作為一個40歲嘅男人，小薯茄係我喺眾多大台中追得最貼嘅一個，的確身邊同齡嘅人都會覺得我點解咁鐘意睇兒童台😅😅 首先我自己真係唔覺得你哋呢種叫兒童台，只係你哋鐘意將好正面嘅訊息帶俾大家，好鐘意你哋呢種活力同大家庭嘅感覺 然後老實講，我覺得朱mic同肥蚊係有努力嘅空間，但你哋絕對有你哋嘅個人魅力，可能只係喺呢個channel入面未搵到一個適合嘅方向，加油努力，希望公司都俾多啲嘗試你哋發揮。 童童比起以前係好唔同，不過你做返自己就已經係最好，我個人更加鐘意而家嘅你😂。 喺我身邊嘅人對於麗英嘅評語係最極端，一係好唔鐘意，一係好鐘意，我係屬於後者，喺小薯茄入面我覺得最能夠多面發展嘅人係你，所以要更加努力去多方面嘗試！！ 阿J拍拖恭喜晒，但話晒都係公眾人物，有啲嘢好似自己爆咗先好過俾人發現再解釋就好麻煩。既然個個都唔信你出pool，就將呢樣嘢拍條片出嚟話俾人知你出pool，但係冇人信嘅，可能會work😛㗎😛。 加油加油，小薯茄全部人都要努力，會一路支持你哋！！！

[@sakae341]

我都有同感，我都是剛40歲和已婚的男人。 很喜歡小薯茄，因為正面，短片有訊息，不只是胡鬧，並有養分。

[@yoring6122]

呀J話自己而家A1... 其實真係要好有勇氣,唔好提可能會好D吧

[@pikpikchannel]

🥹🥹🥹小薯茄都是好真誠的人❤❤❤

[@duckyouxixi4032]

我係一個幾十歲嘅退休人士，都好鍾意睇小薯茄嘅節目，係因為見到你哋開心活潑，你哋嘅化學作用係其他台睇唔到，各有不同，不可替代，無需比較，信心就係你哋嘅本錢，加油👍💪

[@ricotsui]

J哥，我一路都好鍾意睇你，頭先睇到你有拍拖，我就難過咗一陣。但係一聽到你係A1，我就仲難過，希望J哥快啲收拾好。

[@chengshk]

想問下…係A1，定係O1？

[@ricotsui]

@@chengshk J哥嗰段係32:12開始，而講A1係34:47

[@cyntinglam6661]

哈唔 笑死

[@rachelllyc227]

J哥係好多series上都係暖男，恭喜出Pool!

[@edithng4631]

聽到J哥最後講a1, 個心都唔舒服，希望J哥ok

[@_d_d.d_d__]

小薯茄同愛小薯茄嘅大家都係善良的人❤ 小薯茄真係唯一一個channel我係會睇會追 只要小薯茄仲係小薯茄，唔係小土豆西紅柿，我都會一直支持💪

[@paigeturnah927]

簡而言之就是為了一隻狗跟一台車從第一部殺到第四部 youtubeeem.com/DP2bbxqymnA 跟魅力无关、整体来说山野莽夫更有个性但短命、体制内不需要个性、但整体稳定更细水常流。

[@elvisho187]

幾時可以有得再睇你幫小薯茄整嘅MV

[@Mankit615]

睇左好多年。。。今次機會聽到你地深情說話，我也被打動了，你們心酸真的不易受，我決定今天起加入會員，少少支持！各位繼續加油努力。謝謝你們！！大大力支持肥蚊，朱mic

[@genius_elffo]

富哥真係一個好好嘅人，好多時有綜藝都會錫住啲crew同埋其他幕前，例如ChingPing 行完上東京鐵塔都無叫阿冰行落去。睇左小薯茄大約兩年，我就留意左富哥兩年，佢一路都咁搞笑、貼心同埋咁玩得。 其實富哥都唔係咁醜樣，話説有一次我阿媽突然同我講：其實程人富同Ian （陳卓賢）都幾似樣。 備注：本人Hellos一名，雖然唔係好知點解我阿媽咁諗，不過，希望富哥越來越搞笑！ （P.S. 好似無試過comment咁長Siu4）

[@moyan0411]

富哥做主持一流，又識執生，又有急才，又尊重人

[@tsaigraygray]

yes like 富哥 tooooo

[@genius_elffo]

@@moyan0411 真

[@I-d-f_c]

富哥係對眼差少少姐😛，其他唔錯ga wor

[@genius_elffo]

@@I-d-f_c 都真都真，係我唔識欣賞

[@6anchor287]

好認同 唔好變呢個單純既你地 係所謂大人世界既一片淨土 多謝你地 由我讀大學 陪伴我呢幾年出黎做野 好鍾意你地真誠既分享 respect 期待下一集 和 你地呢段最真摯既友誼

[@JimHH]

見到大家特登留言俾肥蚊朱mic真係好感動，我都愛你們BTW❤ 多謝小薯茄嘅各位幕前嘅用心，你哋嘅熱情、敬業同進步觀眾一定都睇到、感受到，所以大家先至鍾意小薯茄！未來嘅新幕前(s)亦都加油，加入到小薯茄已經好叻，預祝你(們)一切順利😊 同埋多謝辛苦嘅各位幕後，因為有你哋用心製作每一條片（含廣告），我先可以每一次都笑得咁開心❤

[@Dan-bv6qk]

小薯茄係惟一一個可以讓我和太太小孩一起睇到開懷大笑嘅channel 其實你地唔係兒童台 你地係合家歡台 加油

[@user-ec2gg8yb2k]

睇見肥蚊同朱mic喊到咁犀利我都眼濕濕🥹其實仲有好多人睇到你地既努力！ 雖然難免既係 新人加入果陣 無論係觀眾 定係新人自己 都需要適應期 但至少喺我心目中大家都做得好好 希望唔好覺得自己連累咗小薯茄 至少我到而加都有keep住睇你地！ 同埋兒童台果方面 我都係同果班前輩一樣諗法 希望小薯茄唔好因為話題性而做啲嘩眾取寵既行為 因為我係純粹睇得開心、舒服 先至會keep住睇小薯茄 相信做得subscriber 粉絲既 大家既taste多多少少會夾先至會keep住睇 果啲毫無建設性既留言真係唔使理 focus翻支持你地既人會開心啲～ 最後 要多謝各位幕前幕後既努力 喺香港地都做出咁多有質素既內容 小薯茄加油❗️🤎❤

[@hkfrichard]

多謝Manco, 你拍的綜藝真係好出色，好好睇。 飲左酒大家講嘢都放啲，感情容易釋放，好鍾意呢種vibe. 童童在幕前表現確係變化好大，特別係早期的「片尾與你」，童童帶點怕醜和人富的不知醜好有化學作用，到現在童童以經成為火爆童，連唱歌跳舞都handle得好好，呢啲係好大嘅進步！ J哥你真係變左A1? 咁唯有先恭喜你再安慰你啦！ 其實以你除了身高🙊，計外表係唔需要做下把嘅，本來小薯茄個下把位係小明嘅，他離開了之後你都好努力去做下把，再漸漸找到自己的定位，表現有目共睹。 富哥我諗唔到你有乜主要嘅負評（眼細條眉唔對稱果啲係事實，唔算負評），你一向都係咁親民入屋，見到你半邊面（帶住口罩）就已經想笑，希望你終有一日搞得成棟篤笑，等住睇！ 阿冰你係唔係女神並非由你自己決定，你係有果種氣質，不能只計樣貌身材，總之一個整體嘅阿冰就係有女神嘅感覺，咁多年嚟嘅觀察和感受，知道你好humble亦好愛錫fans，欣賞！ 麗英我由最初不是你嘅歌迷，到宜家我playlist 內最多歌的歌星就是你，見證住你的歌藝和歌路由校園歌唱比賽feel（帶住Martin) ，到宜家係一個不折不扣上吒叱上chill club嘅專業歌手，但同時在拍drama和綜藝時又保留果份天然呆和膠味，難得！💪 肥蚊我係老薯茄，睇住你離開再回歸小薯茄；論演技、論轉數快、論歌喉你都係好有實力嘅，初初回歸時好像未控制到個「力度」，宜家慢慢掌握到喇，不用太在意惡意的負評，做好自己便能發光，我以老薯茄嘅身份保證，你絕對沒有拖累小薯茄，相反，有左你嘅回歸，小薯茄在drama和綜藝變得更多元化，係加乘，係value added! 👍 朱Mic，初初加入時確係有少少唔慣，咁高咁靚仔我作為麻甩佬點都會妒忌，慢慢認識到你的材華，打鼓跳舞都叻，和其他演員熟落後，無論在drama/綜藝/6週年show現場表現已經有好大進步! 👍💪 🪵高Ling 你和阿富作為co-founders，兩個都係平易近人老闆feel（最少在鏡頭前係），你吔經營小薯茄到現在嘅規模，唔容易呀，不平凡是肯定的了，希望能夠繼續簡單啦！btw, 高Ling應該在youtube加入你自己嘅emoji，好想用。

[@kekeya2941]

冇乜點留過言 決定今次要表心聲 哩半年真心覺得肥蚊同朱MIC進步搞笑左好多 睇得好開心 你地2個要繼續加油❤支持你地！

[@lyc8136]

好多謝小薯茄既各位 我係外國讀書既時候覺得好孤獨好悶既時候都係睇你地既片渡過 到依家出黎做野都仲好中意睇 小薯茄既各位比我既感覺係好真誠同用心 睇你地既片好舒服 可能d人話係兒童台係因為大家都好善良同真誠 拍出黎既片比人感覺到好似返左以前細個開心可以好簡單既時候 而呢種感覺係長大之後係現實生活比較難去感覺到 所以我想講你地d片真係比我感覺到咩係簡單創出不平凡 唔需要介意呢個標籤☺️ 而我想講你地d廣告片拍得好好睇 唔到最後真係唔知係廣告 真係睇得出係好有心思諗過 好欣賞👍另外好想同肥蚊朱mic講句加油 相信大家都睇到你地既努力 肥蚊比多d信心自己！💪 最後希望小薯茄越做越好！💕

[@kkkcclll]

真心講句，阿J呢排係形仔咗和有男人味咗，自信強咗好多👍👍

[@hingsang1206]

肥蚊，我好鍾意睇你嘅片，你好叻用自己嘅聲音去變化、演繹，例如蚊爸，例如阿爸聲控同姑媽問你拍拖未嗰兩條雪櫃冷笑話，都睇得好開心。高ling講得啱，你嗰份charm同搞笑好獨特，加油呀，期待睇你更多演出。😊

[@Cstt000]

真心佩服J哥同觀眾講由A0變A1嘅勇氣😢相信你會變得更好的 其實一直都好注意到肥蚊同埋朱mic，坦白講一開始見到兩個陌生面孔一定會有啲反感 但係見到肥蚊其實玩綜藝好搞笑，朱mic打鼓玩音樂真係好charm 變咗小薯茄無可取代嘅兩個人❤ 富哥就唔使講啦大哥哥開解員 我覺得阿冰其實係真心靚，真心女神但係佢又有內涵又有料 真係唔係花瓶，係真係靠實力 麗英一開始嘅時候成個傻女咁樣，而家出嘅MV越嚟越高質，是一個真歌手。 童童一開始真係好怕羞，成日匿匿埋埋，但係而家講嘅嘢成日都會帶到笑位 成條片係有趣咗好多❤真的可以看見每一個人的改變，繼續加油❤❤❤❤🥔🍅

[@YT.Y]

肥蚊同朱mic加油呀！🦾🦾🙈你地加入左之後為小薯茄帶黎左好多新鮮感，同多左好多新方向。所以，我都係因為咁睇多左你地嘅片🤣超鍾意你地🧡🧡 兩位作為忙內，後期加入嘅人。期待你兩個都會有自己嘅一個系列/節目🙈作為顏值最高 同 高份量嘅人🙈🧡

[@chloew852]

最壞二人組真係好有默契💞童童冇人理嘅時候阿冰即刻救佢, so sweet !! 肥蚊同朱MIC都辛苦了! 明白你哋加入之後有好大壓力, 因為之前5位幕前打咗個好好嘅底, 有人會抗拒你哋, 但都會有人睇到你哋嘅努力架! 朱MIC本身多才多藝大家都睇到; 肥蚊係做任何嘢時都好努力好投入, 最記得係Finally學跳舞個條片, 即使底子唔夠其他人勁, 都會投入百分之二百心機去學, 比起好多人已經好叻! 加油呀睇好你哋💪💪 另外就係恭喜J哥大個仔!! 🎉🎉🎉同埋都覺得咁多幕前之中, 變化最大就係阿J, 以前真係覺得佢雖然係努力, 但一直都係做戲有D生硬、咬字又有懶音, 同埋唔太識得表達自己, 但係呢幾年見到佢真係一路一路咁進步, 係慢慢腳踏實地咁累積返嚟, 而家已經可以以過來人分享經驗畀肥蚊同朱MIC👍👍都好開心佢有咁大嘅轉變!

[@mienchau5215]

以前曾經睇過肥蚊做的舞台劇，已經覺得佢係一個好有趣 好Charm的演員！ 我相信其實有很多好似我呢啲睇片不留言的人是很喜歡你們的加入！！希望可以快啲找到定位，放膽做好自己，加油肥蚊！！💪🏻💪🏻

[@cheunga_a]

8:44 麗英你之後一定會更加好,亦都一定會keep住進步,因為你對音樂有熱誠 9:44 加油🔥 11:22 真🥺 12:50 保持初心 20:00 我都有聽過身邊有睇小薯茄嘅人話覺得肥蚊個人唔整齊唔企理,朱mic靚仔only,但係我覺得一開始你哋兩個可能都唔係好知自己喺pomato入面嘅定位,真係唔能夠單純睇個幾條片就認定你哋只係點點點,但係宜家各有各發光的地方。 22:52 wow #ItsPartyTime #CLSS

[@marcusma8927]

到ep3，終於忍唔住要留言！完全感覺到呢班人有幾friend，幾有heart。 好多旁邊嘅人嘅小動作/表情，台前幕後都留意到，都即刻highlight翻。 好warm，好搞笑，好團結！ 另外阿冰真係好善良，見到童童同J哥舉杯，但係J哥無留意到，就即刻輕描淡寫地同童童碰杯。 So Sweet！ 好羨慕佢哋能夠係人生嘅呢一個階段遇到彼此，同埋一齊為理想奮鬥拼搏！

[@mxxxyxx01]

首先想同小薯茄既各位臺前幕後講聲：加油呀！🎉 希望你地記住：Haters always hate.千祈唔好太介懷果d惡意批評。正如高Ling所講： 唔好在意果d心腸壞既人，倒不如多聆聽關心你，為你好既人，因為果d人先值得你地去花時間同心機。當然善意既提醒同惡意既批評你地一定識得分辨，所以真心無需為果d嚮鍵盤後信口雌黃既haters傷神。 阿冰，你係一個好可愛既女孩子，根本無需要理會果d不負責任既人身攻擊，批評你既人自己都一定係好核突兼猥瑣；肥蚊，我好鐘意你做事認真同好能夠帶起氣氛，我最鐘意睇你做童童daddy；朱Mic，你係一個陽光大男孩，好有才能，我估唔到原來你唱歌打鼓都咁掂！麗英，你唱歌真係好好聽好用心呀！好欣賞你！J哥，恭喜你脫單成功🎊🎊🎊由今年初開始已經覺得你唔同咗，好有自信同表演放開咗好多，原來有愛情滋潤！ 一直以來睇住小薯茄成長，今集睇到我好感動。我同仔仔都好鐘意你地。小薯茄各位臺前幕後，加油！❤️

[@PMPAKO]

小薯茄嘅幕前，我全部都鍾意。 希望大家可以繼續做落去， 2019之後，我quit晒FB、IG， 電視都冇睇喇， 小薯茄係少數我會追住睇嘅channel， 如果都冇得睇， 咁就真係笑唔出喇。

[@mybigmansion]

呢集真係大癲😢睇完真係會徹底愛上小薯茄團隊❤

[@karenlam7874]

❤真心好欣賞你地每一個，你地所帶黎既正面影響力真係好大❤ To麗英：我鍾意你既除左係你既歌聲，更加係你既努力同勇氣，雖然你經常自嘲，但我想講你既才華同創意真係好突出，而且你亦好靚好charm，俾多啲信心自己❤ To肥蚊：你絕對唔會係連累而係加分，你既出現造就小薯茄可以有更廣闊既發展同題材，我相信你要做幕前並不容易，但你確實已經帶黎好大感染力同歡笑，多謝你❤ To程人富：你無論做主持做演員做綜藝都好有趣好有效果，而且亦好帶動到人，相信你亦係位好前輩，小薯茄有你真好❤ To阿冰：雖然你覺得自己唔係女神咁靚咁charm，但喺我心目中你係女神既原因除左因為外貌，更加係因為你既善良、爽朗、貼地、有正義感等等❤ To阿J：我欣賞你係一個好肯突破自己既人，我相信大家都睇得出你既改變同投入，正因為你經歷過先能夠明白其他人既困難可以成為佢地既幫助❤ To童童：無論係以前既可愛怕醜，定而家既傻氣兇狠，你都好有個人特色同埋吸引力，好開心你可以喺度有安全感可以放膽去做自己❤ To朱mic：一開始係被你既靚仔樣吸引，後來發現你咁有才華更吸引，但最令我驚喜既係原來你做諧星真係好搞笑❤ To高Ling&幕後：好多謝你地每一位既堅持/努力/創意/合作/慎重/考量，為香港帶黎咁高質既KZbin channel，我真係好自豪能夠成為一位小薯茄粉絲❤❤❤

[@wingtam9062]

想講一樣野, 睇左小薯茄咁多年既觀眾其實都見證住大家既成長同改變 J哥A0; 阿冰女神; 人富搞笑 呢D設定玩左咁多年，值得思考下有冇需要keep, 觀眾唔洗咁悶呢 度橋既時候都可以試下唔同角色設定, 換下人配搭拍劇情片 唔洗話下下愛情片就一定係J冰/富童，女上男下(把)，有身體接觸就係J/富課金咁 例如J媽家庭係我覺得一個好成功既例子，可以再出多D呢類組合，帶多D新鮮感比觀眾

[@sykam47]

大家都話兒童台唔係一件好事，但我就係因為小薯茄唔使靠性感粗口嗰啲世俗嘢都拍得咁好睇，所以先咁鍾意小薯茄。 我成日都會推介身邊嘅人一齊同我睇小薯茄，因為見到你哋好似一家人咁，好正面又好真誠，呢個就係我鍾意睇小薯茄嘅原因。 同埋睇開你哋啲片都知道你哋係對自己有要求嘅人，欣賞你哋作品嘅時候我可以好放心，唔會俾你潛移默化某啲唔好嘅價值觀，因為我自己真係好唔鍾意睇啲嘩眾取寵又唔健康/冇營養嘅Content，感謝你哋一路幕前幕後嘅付出🎉比我地哩d毒L有歇息嘅空間lol Btw講開朱mic同埋肥蚊岩岩加入果陣，我係有份覺得佢哋兩個格格不入嘅，但係見到佢哋而家透過自己嘅努力加上其他成員嘅幫助，果種違和感已經消失得無影無蹤，呢啲全部都要加油呀！辛苦你哋一直支持過來🎉 最後最後廣告片來講我覺得你哋Channel嘅廣告文本已經係算非常之有誠意而且寫得好好，唔hardsell又自然，any肥 好少留言但係都想鼓勵下你哋，因為真係好驚冇得睇你哋啲片，我會少咗好多樂趣😢

[@hoyujma]

富哥真係小薯茄嘅大哥哥，又會幫大家，又會俾大家笑，好照顧好愛小薯茄大家庭

[@profhong]

俗稱老屎忽😂 對眼又細、條眉又唔對稱、食飯又唔俾錢、去廁所又唔沖廁....既老屎忽😂

[@fatfatsunny428]

感謝大家的幽默和搞笑，在好多生活的艱難磨練中，睇下你地嘅片開心下，好多癲野唔係個個敢做，見倒你地為搏觀眾一笑，為自己夢想，都好努力做得好好。這幾年一直見証大家成長進步，到這集聽倒大家深深的一句，真心感動到喊左，呢D片真係只可以在夜䦨人靜先睇。大家都做得好好，各有唔同專長。hater嘅角色在我們平常人生活中都有，就當是一種動力，哪怕是拍劇情片需要一滴淚時，他們的說話可能都有丁點用處。大家都加油，恭喜J哥脫單。

[@JamesBond-rl5lz]

其實大人曾經都係一個兒童 呢一個兒童台做得咁好，老少咸宜 不同嘅年齡層睇到某啲笑位，大家都會一齊笑出嚟 我阿媽今年都差唔多六十幾，睇咗你哋上次嗰條口罩片笑得勁開心 佢好耐冇試過笑得咁開心 你哋繼續要堅持做落去💪🏻 我哋就會繼續撐落去❤

[@abby82799]

睇咗咁多年小薯茄今次第一次留言～好難得可以聽到你哋deep talk講關於自己嘅感受，談何容易～好羡慕你哋有一班咁真誠嘅朋友，熟絡到好似屋企人咁樣。正正係呢個氛圍令到你哋同觀眾都好似朋友咁樣，其實唔需要阿冰係完美女神，童童唔使溫溫柔柔，我哋都鍾意睇真實嘅你哋～要出多啲發達大計，最鍾意你哋串串口收嗲🤓 話麗英唔識音樂嗰條磨轆，總有啲人鍾意貶低人，唔使理佢，用心聽你音樂嘅人會知道你嘅努力同埋進步◉‿◉(btw超鍾意《全死角美少女戰士》) 肥蚊同豬mic入咗唔算好耐，但隨着時間觀眾同你地都會熟絡咗，大家都會認識深左，肥蚊好搞笑做效果一流，豬mic除咗靚仔都多才多藝，你地兩個都係小薯茄重要嘅成員~ J都開始見到你有character~戥你開心呢，J媽做到入型入格添😂做下把位都唔易做㗎！仲有恭喜你有拖拍～希望你之後都搵到個適合嘅人 富哥一直都好欣賞你嘅急才😃真搞笑擔當，你都好成功令到大家都好搞笑 高Ling～我由第一條薯茄party game開始，我有睇齊咁多集party game你係愈做愈進步的，綜藝效果都越做越好，高老闆要帶住小薯茄發達！ 希望之後小薯茄接多啲廣告，多啲Money去繼續拍高汁嘅片～forever support Pomato 🫶🏿

[@miraclevp9971]

小薯茄係唯一一個我會追既channel，無論係廣告片、會員片定劇情片總之有新片我就會睇而且有d仲會翻睇添。小薯茄係一個溫暖既大家庭，可能因為之前好多活動成日見到佢地，不知不覺間其實已經當左佢地係一班認識既朋友。喺我最低落既時候，因為有小薯茄陪我先可以共渡難關，所以就算小薯茄將來變成點就算無人睇都好，我都會一直睇落去追落去，咁先算係你撐我撐你。小薯茄一路走到呢一步其實係一個好勵志既故事，正正做左一個人版比年輕人睇勇於追尋夢想既例子，能夠走到呢一步確實係唔容易。即使今集睇到大家真情流露，但我相信背後所付出既辛酸係遠超過觀眾們所睇到既。希望小薯茄可以越做越大，一路陪我地走落去！！ 08:47 麗英唱歌一路都咁好聽，大家快d去聽佢首新歌全死角美少女戰士啦！ 20:16 肥蚊搞到我都眼濕濕，完全明白佢嗰種明明好努力但又唔討好觀眾既感覺，但其實肥蚊係一個好好既男人，好識照顧女仔同細心體貼，大家可以睇返之前d片，肥蚊對小薯茄既貢獻係遠超於幕前既工作，希望觀眾們會多d欣賞佢好既一面而唔係淨係識批評！肥蚊加油！！ 33:22 恭喜阿J成功出pool

[@SH-rr9xy]

其實你地所謂被標籤成「兒童台」，係因為你地夠真。亦都係呢份真令到你地有甘多人支持！而呢樣嘢亦都係令到你地可以stand out 同埋長遠行落去嘅能源。希望你哋可以繼續保持住呢份真！我由有睇好多個唔同channel，變到主要都係睇你地！大家加油！

[@sammiyan5373]

6年老觀眾雖然前好少留言 但係一直都撐你地🎉感謝一直陪伴香港人 見證你地每一個既進步 繼續努力加油💪🏻 #繼續做自己一直覺得自在既事

[@user-wh1lb7ox5t]

27:31 好認同童童講嘅呢句! 由fb見間唔中見到小薯茄嘅片到依家越做越好，尤其喺covid期間 係你地嘅片帶左歡樂俾我。由一開頭因為富哥童童而睇小薯茄到依家係為左小薯茄呢個團隊而睇。 睇肥蚊同朱mic個段睇到眼濕濕，肥蚊同朱mic都有佢地喺幕前唔同嘅定位，由啱啱加入都依家都睇到佢地好大嘅進步，同其他幕前亦多左默契。 多謝小薯茄嘅正能量同幽默陪住我度過呢幾年，無論喺綜藝定劇情片都見到你地嘅努力同進步，尤其係童童喺綜藝嘅表現 阿冰同J哥喺演技方面， 富哥喺搞笑同帶話題方面，麗英喺唱歌同好中point嘅搞笑位 都越黎越好。 衷心希望小薯茄嘅成員可以繼續做落去，我地呢班觀眾亦都會一直支持你地👍👍

[@mhmh__623]

喺平時啲片 見到小薯茄咁多位幕前永遠都好似好開心咁，呢一集見到佢哋嘅另一面😮 btw 聽肥蚊講嘅嘢之後，想講聲 我永遠都支持你㗎 add oil💚

[@LeungAsh-wy4cv]

我未試過睇完一條片咁想留言，事實我都唔係成日睇KZbin，你哋係唯一一個我會追睇嘅channel，就係因為你哋嘅善良同真，令我睇得好開心，簡單咁笑，睇得好舒服，唔需要哇眾取寵，唔需要刻意色情暴力粗口，請繼續keep住份初心，做自己！ 富哥：你真係一個好溫柔細心嘅人，好照顧每個人嘅感受。 J哥：你諗嘢成熟咗好多，欣賞你嘅付出。 冰：你唔止係女神，係天使，我係女仔都好鍾意你。 童童：鍾意你嘅爽朗，睇你d片好爽！ 麗英：你對音樂嘅熱誠令我好佩服！ 朱Mic、肥蚊：好開心見到你哋加入，希望你哋放開包袱，好快投入呢個大家庭！ 高Ling：感謝你重視、珍惜每一個員工，同埋你嘅努力！ 大家加油！希望好快慶祝100萬訂閱🎉

[@ttwily4961]

多謝你哋嘅堅持🎉 麗英嘅進步真係好明顯❤ 撐🔥 #麗英世一 btw 31:16 麗英好搞笑 係咪飲大咗😂

[@avatar1567]

近排都無咩留言 其實只係覺得你地係到做自己中意做既野 我又默默咁一睇你地D片 咁我feel comfortable 其實你地講既野 作為觀眾既我地或多或少都會睇到同feel到 但都好開心睇到你地呢一面 好真好正白既一個對話 一句作結: 批評 你地係要睇 只係為左更好既作品 但請記得 覺得真係好唔店 好唔開心既時候 都望番我地呢班更大更多 一班一直會支持你地既小薯茄s

[@tomaslau__]

其實小薯茄喺youtube channel嚟講算係好勁，開初我由151.45條片睇起，嗰陣都未算好出名，直到而家連我媽唔睇youtube，都經由facebook認識咗「你收嗲啦」，仲主動介紹返畀我聽🤣 所以你哋真係唔需要太在意一啲惡意留言，最緊要係繼續努力做落去，亦要緊守youtube呢個位置，唔好出去做起咗就放棄youtube市場，期待有一日你哋規模大到可以有定期節目🫡 ps J哥加油 愛一個上一課 下個會更好💪🏼

[@PoPo-ch9vg]

肥蚊加油 由舞台劇跳到去螢幕 係好唔同嘅事 既然老細肯簽你 你就一定有值得被欣賞 被肯定嘅地方 記得所有愛你嘅人 記得佢地嘅說話 暫時仲睇到你身上嘅拘謹 但相信只要你慢慢放開呢啲枷鎖 放膽去做好小薯茄 你一定會係一個好好嘅幕前 期待你嘅進步 搵到自己定位 最後一句 有肥蚊嘅小薯茄先係小薯茄

[@samcheung5408]

想講你哋係第一個亦暫時係唯一一個令到我會join會員既channel☝🏻 係你地既熱誠同衝勁，令我覺得你哋係值得支持既。拍片唔係下下要食煙飲酒講粗口，露胸露腳又露腰先叫好睇既，”兒童台”呢個稱號真係得啖笑，最緊要係你哋可以自在咁做返自己，自己舒服睇既人都會感受到。 但係另一方面，其實都想睇到另一個既你哋😂一個唔會俾道德框架束縛住既你哋🤫放低”Pomato”既身份，可能又會別有一番風味🤔期望你哋由KZbinrs變做真正既演員🎥

[@michaelcheung4853]

一班後生仔女，做youtuber最重要唔係外表，而係個心，有無一個想做好節目既心，一個面對負面留言都唔動搖既心，而加比你既壓力，係幫你將來成長，所有野都可以正面面對，加油

[@szeyuenli9146]

肥蚊你好叻呀！內心承受住咁多負面諗法但仍然好努力去拍每段片 出每個show! 慢慢將負面諗法放低，盡情將自己獨有嘅能量散發出黎啦！我知道要時間，我地每個觀眾都會陪住你 & 每一位小薯茄去成長😝加油加油

[@jeannawong6401]

我先生介紹我睇小蕃茄, 開頭都唔明白點解要加朱Mic 及肥蚊, 但近來睇多左Finally, 欣賞左他們2個. 睇埋拍一日拖(麗英及朱Mic 果集), 我更喜愛朱Mic. 另外, 我係一個80頭出世的人, 睇小蕃茄=睇小丸子, 令我在現實煩重工作中可以回心微笑及放鬆自己. 最鍾意睇Party game, 第一次睇小蕃茄就係睇Party game, 覺得好amazing 點解情人富咁博學多材, 令到我都要放工都要進修下, 做一個有墨水的人. 感謝小蕃茄各人, 加油!

[@applechan-cr2di]

感謝你地每一位，令我踏入40歲既我搵到難得既歡樂。 你哋幾個人一齊比觀眾既感覺好舒服，你地幾個人都比人感覺係好認真，好善良，呢個係好難得。 呢個世代，有好多人講嘢好刻薄，以為講野好mean就好好笑，但無形中傷害好多人。 對於你嘅既haters，如果有建設性既批評，就要記住，惡意中傷既，你哋就一笑置之吧。 見到你哋咁團結，好為你地開心。 特別想同肥蚊講，你要努力，做好自己，唔好比自己傷心落去，同時唔好塑造自己成一個可憐人物，一個失敗者。只要你努力，大家會見到既，同埋.. 其實有時你都幾搞笑，做得好好架，比d信心自己啦！ 最後，多謝晒你哋！ 努力唷💪

[@fanskeung5874]

Be yourself！人哋㸃叫你哋係一件事，是否兒童台不要介懷。我個女都十幾歲，你哋係唯一channel 我呢幾年keep 住睇，觀眾要時間與每位成員培養感情，各位加油！（Finally真係好好笑）

[@camelofiesta3497]

多謝你地咁真摯嘅分享🥺🥺🥺特別係肥蚊同朱mic同J哥。新加入固然會有舊觀眾唔鍾意轉變，我都有睇過啲類似話想keep返本身個組合嘅comment，睇到嗰陣都有少少唔想俾你哋見到啲comment，因為唔想你哋更加收埋自己🥺🥺其實小薯茄好多觀眾都仲好支持你兩個，所以加油努力❤知J哥有拍拖其實我聽到嗰下好開心，因為一直都覺得J哥好deserve有個伴，但聽到A1嗰刻心又沉咗沉🥺相信你都係ready先同我哋講，但我都依舊想多謝你願意分享✨ 辛苦晒咁多位，再次恭喜你哋50萬訂閱！🎉🥔🍅

[@yeunganthony6786]

其實點會唔明 公司越搞越大 邊有得唔commercial d 要養咁多人 但係同小薯茄走過呢六年 真係覺得你哋舒服咁做自己同埋成長進步真係做得好好！！

[@hoyujma]

唔明香港人會覺得創意係免費，創意係有價，更何小薯茄係值得擁有更多

[@shirleylau9435]

我平時好少會留言，但睇到你地個個講到喊哂😢，我想留個言支持你地。💪🏻我覺得你地已經好叻，面對批評、自我懷疑係每個人出黎社會做野都會遇到既事，但係本身係素人既你地成為幕前之後要面對既可能係一般人既十倍、一百倍，其實真係好難好從容去面對，所以朱mic、肥蚊你地有咁樣既情緒好正常🥺。我相信過多一段時間，你地都會好似富哥同麗英佢地咁識得去搵出令自己可以積極面對負評既角度💪🏻 覺得唔開心既時候就抖一抖，建議你地私底下都可以得閒deep talk 下，互相排解下大家既煩惱同壓力❤ btw 有睇你地六週年show，睇得出你地好想做好channel，努力令自己唔變質既火。繼續努力，支持你地💪🏻💪🏻💪🏻

[@glorial8156]

我響外國住左一段時間，真心對香港youtube channel 冇咩興趣，但你地真係做得好好，先吸引返我去留意香港節目。鐘意你地夠初心夠單純，帶俾人好多快樂，我都好耐冇睇到會笑到標眼水😂😂😂😂😂 繼續加油🎉支持小薯茄❤

[@happychan5247]

咁多位，你哋好，我從來未試過留言，但睇完呢條片之後，好想比你哋知，你哋已經做得好好，但係都要繼續努力，吾好鬆懈，加油

[@littleichiban]

衆口難調。只要各位做好自己！兒童台就兒童台，依然有五十萬訂閲。 雖然呢集富哥好少出聲，不過我覺得富哥一直係小薯茄中最有才華而又最可以帶動氣氛既臺柱，一定要繼續加油！希望可以見到更多肥蚊同朱Mic既演出，千祈唔好因爲hater而受挫同埋沒你地既天分。J哥當然都唔少得，有段時間見到你游戲節目一直輸，不過你係我女同事心目中係最可靠既男人。 其他各位靚女幕前，應該大把正面留言，我就留返比其他人寫喇。 少咗任何一位都成就不了今日的小薯茄。各位都要加油！！

[@uruhaxtion]

第一次留言🫶🏼 我覺得肥蚊同朱mic好好🫶🏼 多左你地大家之間個chemistry都多左變化，你地嘅表現觀眾係睇到，只用first impression就抹煞大家努力嘅人係唔需要理，因為佢地根本唔識得點樣去欣賞一個人。小薯茄係唯一一個我可以同屋企人一齊睇嘅channel👍🏼 老少咸宜，唔洗驚自己係咩兒童台，你地有你地嘅風格💜💜

[@RabeeaYC]

我28歲都仲睇緊小薯茄 咁其實依個兒童台都冇咩咁負面姐❤ 有去睇6周年show令我印象最深刻既係朱mic 比多啲信心 你同肥蚊都好好睇架! 覺得其實要做幕前好難 要好多好多既勇氣先可以放自己比大家睇 所以其實你地住部人都好叻 當然仲有幕後其實都好辛苦 當我有唔開心既時候小薯茄就帶到好多正能量比我 多謝你地每一位❤️ Btw依種deep talk片好好睇！

[@ericwong2779]

🥲一真心話時間就有眼淚。 加幕前係會有唔習慣，但肥蚊做嘅童童爸爸帶嚟嘅感動，同朱Mic帶高咗顏值，其實都令channel 可能性闊咗好多。 支持。

[@NL-fz6ff]

🎉🎉🎉🎉🎉見到每一個嘅進步 好欣慰 真係慢慢發現每一個人嘅角色 認識每一個嘅性格特質到優點 依家真係 八仙過海各顯神通 鍾意你地每一個❤❤同時都想多謝小薯茄呢個大家庭帶俾我嘅快樂🎉😂200k 開始嘅🥔❤🍅

[@checklee2654]

我35歲，經歷過好多好差嘅經歷，我亦唔係做正行嘅人，但我中意睇你哋，係因為你哋擁有嘅童真，可以帶比我回憶自己後生嘅時候係點樣同朋友開心咁玩，同埋你哋唔係扮兒童台，係你哋嘅骨子裡有嗰份童心，加油👍🏻

[@adam_reading]

我有同朋友講小薯茄架，不時share你地啲片出去。我睇左你地唔係好耐，但欣賞你地對拍片、演戲既熱誠。講真，廣告片其實明顯睇到有用心度橋，去諗點樣唔hard sell。平時睇有啲channel，明知係廣告片會唔睇/skip廣告部分黎睇，但你地既廣告片反而我有興趣。一黎，好多時睇睇下先知係sell緊咩；二黎，好開心你地有廣告，有廣告收入，我地就有得繼續睇你地。真心講，六年真係唔容易，而家仲養住30幾個家庭，18:09 都睇到高ling既壓力。😢 我以前其實都做過幕前，面對過一啲惡意批評，曾經好難受，唔想再做；後來，都有正面面對。對於有建設性既批評，會諗點樣改善；人身攻擊既，就只能改變自己既心態。不過，相信你地講得出黎，其實都成長左，至少而家回望返，唔會再好似以前咁傷心、咁痛。 肥咪、朱mic：講樣野俾你地知，我早前睇睇下小薯茄channel，發現 咦 點解好似冇乜點見到你地咁既，我就專登去副channel搵你啲片睇😉你地係有人支持架🫶🏻！你地係有人支持架🫶🏻！你地係有人支持架🫶🏻！ 多謝你地每一位台前幕後，我相信，每個人都有佢地既優點。願你們繼續發光發亮，做更好的自己。❤❤ 希望大家都工作得開心，超過50萬個小薯茄撐你地！ P.S. J哥出左pool 好戥你開心 要幸福啊

[@johnmchon7604]

大大力恭喜阿J岀pool啦🎉🎉🥳 真心有啲眼濕濕… #CLSS

[@cowcowyik6974]

咁有深度嘅兒童台，萬中無一啊！超鍾意你哋，真誠自然善良聰明！❤️❤️❤️💛💛💛

[@944__56]

以前一直會覺得小薯茄嘅幕前笑聲令我覺得好relax，因為我一直都覺得KZbin係一個娛樂嘅工具，而當下就係為我造就relax嘅時刻，所以我唔會去定義「兒童台」定點，最主要就係你哋啲片讓我有機會喘息。而且，係你哋嘅片同你哋係viu tv訪問，讓我揾返btw什麼叫開心。好多時我覺得，身為幕前，面對冇意義嘅留言，其實係一個好好鍛煉自己EQ嘅機會，而有建設性嘅留言更加能夠幫助小薯茄改善，以便做得更加好（雖然我已經覺得你哋啲片做得好好xd）。程人富句：你去J阿冰好好笑xd~ fighting！

[@chickEn0v0]

平時好少留言 通常都係睇完like咗條片就完🫣 但今次好想留言同朱mic同肥蚊講： 其實你地做得好好呀！2個都好有自己特色 亦都睇得出你地越嚟越融入到個vibe 證明你地真係好比心機好努力去做🫶🏻🫶🏻加油呀❤

[@Smiling1228]

小薯茄入面我最鐘意就係朱mic &童童 朱mic你要加油呀！就算而家再睇返我都會支持你！❤好愛你喔🫂🫂永遠撐住你🥺要一直留係小薯茄唔好走喔🥺🥺走咗會好唔捨得你😭小薯茄係一個好啱你嘅平台認真😳🥰係條見到你喊我都會一齊喊⊙︿⊙ 朱mic加油ehhhh(灬°ω°灬) 有好多好多人十卜你的😘😘 Fighting ！！！(=^▽^=) ❤❤❤❤❤❤

[@mspru]

因為Finally 先開始睇得多d小薯茄 估唔到肥蚊朱mic係新加入 因為一睇就已經覺得你地同大家係一體，好夾好好笑 可能係有一d因為先入為主而唔鍾意你哋嘅人 但放心啦，你哋繼續努力一定會吸引更多新fans，佢地先應該係你哋嘅目標，加油！支持Finally!

[@ezekielcheung913]

睇到其他人既留言都想講，以前覺得留左言無人睇，又唔想為留言而留，所以都好少留言 （當然知道大家會睇時，就慢慢多左留言） 所以由麥樂雞一路默默咁follow，睇到依家，但好想表達既，係小薯茄都不斷經歷進步，成長 所以好想回應既，係無論你地將來加幾多個幕前都會支持 坦白講一開給肥蚊同朱Mic加入時都有少少唔慣， 但同時見到兩位既努力同進步，睇Running時都知道新成員加入係需要時間磨合同搵自己既角色同定位 所以想表達既，係由最初你地加入時就有留言話，其實好開心見到你地加入 加入得就係一份子，係一份子就支持同埋會等待你地成長！（小薯茄都有起步成長既時期） 特別六周年見到肥蚊舞台劇上控台既能力，朱Mic撈鼓既震撼同埋偶然害羞既反差萌， 你地既努力大家會睇到架！加油阿！ 同埋麗英唱歌上既努力係明顯，由以前把聲好薄，到依家把聲慢慢變厚返，再到舞台劇時唔同曲風既演繹，變化 一個無學過唱歌既人用幾年時間去到依個狀態，真係好明顯有付出有努力！ 好長氣，好似有啲偏心佢地3個XD但原本既4位以前講太多唔重覆啦XD 但見到4位元老接納新成員再幫佢地磨合，都見到大家都係好善良同好Warm，唔會有啲公司咁蝦新仔既野 同埋最後既最後（太多野想講，要下省字數啦） 鐘意你地既一點都係你地個份善良，搞笑，相處時既個份溫暖，所以無論有無討論度， 依50萬followers就係證明左你地努力做好自己，謹慎處理同埋進步，依啲都係吸引人支持你地 特別係面對依家既香港，好多時抑鬱，焦慮發作時，你地既影片都陪伴住唔單止我，仲有好多既香港人渡過 明白一定有Hater，但好似高Ling咁講，希望每個支持你地既人都能夠同樣比你地有力量行落去 你地陪伴支持我地，我地同樣會支持你地 低調既小薯茄仔上 #你撐我撐你

[@tinnnieee]

其實好少係youtube上面留言，但睇完呢條片又更進一步了解左小薯茄，有種講唔出嘅感動同感慨，話咁快就由我13歲睇到宜家18歲啦🤣🤣！！作為一個老觀眾（都算老掛😛）都忍唔住要留言啦🤣🤣🤣。 - 好老實講一開頭見到肥蚊同朱mic加入小薯茄大家庭都會有種感覺，好驚佢地融入唔到，變到唔再係我平時送飯，每次睇都笑到gapgap聲嘅小薯茄。但！經過呢半年，發現呢兩個男孩子都有佢地各自會發光既地方！❤❤ - 肥蚊：真心覺得鏡頭前嘅你好搞笑！係真架！🤣🤣睇得出你每次都比盡心力演譯好個角色，記得我認識你係拍《男兒don't入樽》嘅你！直到宣佈你新加入小薯茄個下，我都第一時間心諗：咦？呢個咪男兒don't入樽嘅肥仔！見到宜家嘅你比起以前放左好多，更加容易係鏡頭前面表達自己，尤其是玩綜藝嘅你！真係帶左好多歡樂比我架！今日透過呢條片了解左你更多，知道你一直覺得自己做得唔好，會拖累左小薯茄，就好想話比你知，其實你做得好好！🫶🏻🎉🎉所以比啲信心自己，我地小薯茄會一直係背後撐你架！加油肥蚊🧡🧡🧡 - 朱mic：一開始見到你嘅加入已經同人講你好靚仔🤣🤣🤣，又打鼓！真係好charm好有型！🤩🤩要講到覺得你好charm嘅個個剎那絕絕絕對係你同麗英拍嘅拖手時機！不得不說男神形象建立得很好，真係勁oppa勁心動hehe❤呢排見到你無論係ig reels定拍綜藝都開始會做自己，特別係今次條片，見到你咁多粗口真係嚇親🤣🤣🤣，比我感覺呢個男仔唔單止係sell靚仔，仲好玩得，onon居居咁！希望你黎緊係小薯茄繼續發光發熱做自己鐘意嘅事，我相信有雪亮眼睛嘅咁多位小薯茄一定會見到你嘅進步！❤❤❤❤❤ - 致我最愛嘅其他小薯茄成員們：話咁快就50萬訂閱，時間真係過得好快呢！🎉🎉🎉咁多年過去，到到宜家小薯茄真係我唯一一個會堅持睇落去嘅channel，無論係食飯，定放假係屋企hea都睇緊🤣。見到小薯茄拍嘅片越黎越多元化，請嘅嘉賓越黎越豪華，我都好凳你地開心！要講唯一一點美中不足嘅話，就係-----------搶唔到show嘅飛==。不過！我會用其他方式繼續支持你地！我愛你地！💛💛💛🧡🧡🧡

[@pomatomemes_]

你哋已經做得好好🫶🏻 真心睇到大家嘅進步 亦都睇得出小薯茄係一班好善良嘅人 support you guys~ #proudtobepomato

[@siucookcheung5383]

以前一路都睇過薯茄大大小小長長短短嘅嘅片 呢條片相信係有史以黎最juicy最fruitful最具代表性嘅話題作 好老實講 以前睇過嘅咁多條片幾乎每條都係跳住黎睇 因為覺得每條片總係有啲位係悶悶地可以skip 今次呢條片係第一次完全睇哂冇跳過 因為每一個moment都係好real 每位成員都係呈現最真實嘅一面 講哂自己喺鏡頭後嘅世界 感覺呢條片簡單直接咁闡述左呢個channel係deserve 值得50萬個訂閱

[@Chiwai322]

我作為一個46歲既大叔細個睇開430穿梭機同閃電傳真機黎講，小薯茄既主持設定可能係兒童台，我自己鐘意睇小薯茄既原因係有 兒童台歡樂既設定但成人向，最少大叔我笑得出，每條片都有笑位，哩個可😂點解小薯茄由小朋友同大朋友都鐘意睇既原因，可能你地未必清楚430穿梭機同閃電傳真機當年有幾歡樂同幾多小朋友睇，但相信依家睇小薯茄既大人既我地，或多或少都係攞返哩種歡樂既感覺睇小薯茄。 所以可能係兒童台既設定但成人向得黎大人都睇得開心。加油

[@qqball3007]

追左好耐但都冇留過言，睇完呢集之後都好想留言以作支持。睇完呢集發覺j哥好成熟，好似成長了唔少，有好多好獨到嘅見解，希望有更多人更留意欣賞你。另外見到富哥一直做照顧人嘅角色，喺咁回應人地，但好似忘記了將重心放落富哥到，令佢冇機會分享佢個人內心嘅想法然後其他人回應。希望你唔會太唔好受，我覺得每個人有機會被聆聽+回應都好重要～anyway 大家繼續保持善良，堅持，越做越大，但同時唔好逼到自己好大壓力，最重要係保持初心！！！好鍾意你地嘅真🥰🥰🥰會一直一直支持🖤🤍

[@ellam9068]

做咗三年小薯茄，一直默默睇片、默默follow你哋幕前+部份幕後嘅ig，睇你哋嘅日常，就好像睇緊一個大家庭裡面嘅兄弟姊妹咁，個個都好識嘴炮對方，但又會好care對方咁，依種快樂、溫馨嘅氛圍，令到自己都好似係依個大家庭嘅一份子咁。依三年好多謝小薯茄陪伴，特別係防疫措施解除之後，親人嘅離開令到我好難過，完全唔想同人社交、日日以淚洗面，好想有人可以救番我出嚟。好多謝你哋創造左party game同冰戲富，睇完你哋嘅片，你哋嘅快樂帶領我慢慢走番出嚟，亦都多謝肥蚊同朱mic，你哋嘅reels真係好有創意，好幽默，令到我可以係難過嘅時候笑一下。小薯茄逐漸上正軌，嚟緊要面對更加難嘅挑戰，希望小薯茄可以繼續按住自己嘅步伐一直向前行，你撐我撐你！

[@chrisron9751]

支持小薯茄全體人員～ 由第一個office睇到宜家～你地一班追夢既人～睇住你地一路壯大，亦都成為左我追夢既動力！兒童台就係善良既代名詞！童真係最原始既快樂～ 呀J: 係我最中意既成員，見住佢既努力，各成員入面佢係比較平平無奇，但就係宜份平平無奇，而佢既不斷努力加進步令我好敬佩。to win a game, just remain in the game。繼續努力，一定會發光發亮～ 肥蚊同朱mic~都要繼續加油～繼續grinding,一定會成為你地所想自己的模樣! 冰&童&麗英:你地已經做得好好～繼續keep going~人身攻擊係最廢既說話，因為對方根本無用過腦先講得出果d說話! 人富：你都一樣，繼續向棟篤笑進發，勿忘初心！ 各位幕後：繼續保持童真～敬兒童台！

[@igakikeiki7609]

18:25 真心respect富哥

[@JoeyfulJoey]

😭唔捨得睇完⋯⋯ 小薯茄岩岩出嘅時候我好鍾意睇，條條片都睇，後來覺得自己大個咗😂開始無乜點睇。跟住近排比你地嘅綜藝吸引咗睇返，真係每一條我都笑到gap gap聲，真係睇得好開心，所有Party game我都煲返哂，覺得有埋肥蚊同朱咪先係一個完整嘅team，大家嘅性格同表現方式係互補，所以我最鍾意睇你地齊人拍嘅綜藝～～

[@grape3118]

我以前都覺得小薯茄係兒童台，但隨住你地越黎越多嘗試，覺得你地真係按住自己channel特色不斷進步，咁多年都吸引到我去繼續睇繼續讚。請繼續保持自我地進步，你地之間ge化學作用就係成功ge關鍵，加油。(利申：中意睇庖丁解童)

[@user-sl5tn8hu3g]

其實睇住阿J進步 覺得佢之前一直想表現自己而做多左好易尷尬 而宜家佢有種自在 做番自己 有時爆一兩句都好笑 有時明明做多左但個人感覺鬆左 即使做多左都係尷尬個個種尷尬又幾好笑喎😂😂 加油❤❤

[@hoBB1207]

其實兒童台又點，我就係欣賞你地e份單純，我好認同高ling所講，唔一定要爆粗，賣弄性感先可以吸引到人去睇。反而你哋片嘅幽默，搞笑，形象正面健康，小薯茄係我唯一一個會介紹畀朋友同屋企人睇嘅channel（我個囡6歲都好鐘意睇，好鍾意麗英姐姐，仲成日問我幾時有新一集party game😂。） 我都好鍾意麗英，亦都曾經喺ig有dm你，你都有覆我，超開心❤繼續懂得欣賞自己💪🏻 小薯茄嘅台前幕後每一個人嘅努力都好值得我哋欣賞， 繼續加油，勿忘初心，繼續簡單創出不平凡。

[@Prettyjasmine428]

你哋好呀，我係11歲嘅小朋友其實我好鍾意你哋㗎。肥蚊同埋朱mic加油呀，你哋喺到我更加想睇呀！加油!

[@Chingcccc]

認真做事嘅人都好Charm❤每一個幕前同幕後嘅努力都唔應該被抹去被忽視，繼續支持你哋每一個，繼續支持認真做本地製作嘅每一個人🫂唔知可以講啲咩，只可說聲加油💪總會有人看到的❤️唔好放棄！！！

[@hillcalf]

至善良既小薯茄仝人 香港係一個極端M型社會 善良同邪惡既人, 就好似有錢同窮既人, 都非常極端 善良唔需要同邪惡既人鬥爭, 但要保護自己, 而邪惡既人總會有報應既時候 做自已該做既事, 咁多年, 你地都做得好好!!! 加油, 唔好忘記仲有好多善良既人中意你地

[@francisyuen5104]

我睇左小薯茄幾年，好似真係無乜點留言過，但睇完哩條片，好想留言下支持大家💪🏻 睇住你地office由一開始細細間，變到宜家甘大，老土啲講好似有一種睇住你地成長嘅感覺。

[@nicolasio3800]

我唔係fans, 認識小薯茄呢個channel只有年半左右，小薯茄既片我都好鐘意睇，令人好輕鬆既感覺，每位成員都好睇，而且感覺方向好一致好正面，我想講肥蚊好好睇，好有喜感，有種親切感，肥蚊同朱mic一加入就係佢哋好小薯茄，而且多咗新鮮感，支持你哋每一位

[@eric07141]

一樣米養百樣人，呢個世界咩人都有 唔好比班hater影響到你地既努力，一路睇住你地進步，希望你地愈嚟愈好💪🏻

[@enillien0831]

恭喜J哥。 小薯茄嘅活潑、青春形象、氛圍由五幕前建立，新加入嘅肥蚊、朱mic感覺成熟、有才華，就好似新移民/新族群，同小薯茄格格不入，惟有做住配角，keep住試唔同嘅角色，準備好自己迎接機會。如果小薯茄要補充/維持活力，除咗招募年輕幕前，可考慮搵小朋友客串，我好鍾意睇表弟客串。 現時麗英嘅低音的確比高音動聽，明明單身最開心、矮妹正傳、freerider、東京一轉都偏低音，我都較鍾意，全死角美少女戰士嘅高音位仍有點刺耳，如果聲底因先天限制無辦法改善，不如避開/降key。 四天王太完美，冰童由怕醜可愛轉型做最壞二人，各有各吸引；富哥、J哥多年用心塑造形象，定位鮮明，從簡單創出不平凡。

[@cecichanlw]

初心不變💪🏼 由零嘅Follower做到而家 將快樂放進你的心底裡 勤力過 胡亂錯 未驚過 撐起我哋 撐起呢個page💪🏼 你哋繼續拍片，就繼續撐❤ Love you all

[@henrycheung4859]

自己未去到周星馳level，可以隨口噏到小薯茄嘅對白/片，自己都係小薯茄開台冇耐就開始睇嘅觀眾 慶幸自己由讀書到出嚟做嘢，人生中開心唔開心都有小薯茄陪伴 認同覺得有段時間好多廣告，多到睇到某啲位/見到片名就聞到陣除；有段時間的確覺得有啲片悶咗少睇咗 但有啲片係某啲moment/心情真係會loop完再loop；所有片even廣告其實都盡咗好多努力 小薯茄對自己嚟講好似一位老朋友，適當時候會出現，唔經唔覺陪咗自己成長 亦好開心見到channel規模變大咗，幕前都成長咗，特別係J哥，一直覺得你係一個好真，敬業，但有時唔知點表現自己嘅人。從唔知幾時開始到今次deep talk見到你變得更成熟穩重，搵到自己嘅pace, 更難得係背後其他人願意幫你feel good, 一齊做得更好。 與其話小薯茄係兒童台，不如講係家庭台，因為入邊好有愛，連觀眾都感受到❤

[@bee8027]

兒童台咁又點，最緊要啲野有人啱睇，大家上網唔係就係想睇令自己開心既野咩？ 喜歡你哋既純真同堅持，亦明白你哋現實會面對既問題，要繼續加油呀！ 另外朱mic同肥蚊你哋依家都做得好好，絕對係小薯茄既要員！❤❤❤

[@user-jh5iw4zn3g]

真心，小薯茄一直都比我正能量，我係會每段片都搵黎睇，我本身個人抑鬱底，身邊亦無乜正能量既人😢你地既片會比到我能量的❤

[@Alankuo20606]

你地係由零開始一步步咁行過黎, 好多野都好似BB咁邊跌,邊學,邊喊,忍住痛咁向四周探索, 由唔識,唔知,唔明咁去闖蕩呢個新網絡世界, 其實係好勇敢嫁, 邊個會一開始就識哂d野丫~ , 邊做邊學,自己有進步就好, 睇左你地咁多年都仲係咁吸引到我去睇, 新舊人我都係咁鐘意, 惡意留言就唔好理啦, 衰人做既野就係賤嫁啦, 你地要加油呀 小薯茄!!!

[@yoring6122]

我由小薯茄開台就睇到而家，不過真係好少留言 最多都係係有童童既片度留: 童童好可愛~~ 話曬都係因為童童先開始睇 真心好希望而家既組合可以一直落去 香港已經失去左太多野....如果小薯茄有人離開就唔係果種味道 祝你地長做長有，你地既片永遠都睇得好舒服，真係唔需要為左有位比人討論而做咩出位既事情，做翻你地自己就足夠！ 其實以前會感覺人富好似食住呀J咁，曾經都覺得呀J一直好努力但表現都唔好，然而而家覺得佢都搵到自己既位置，呢個家庭唔可以冇左J哥 甚至真係覺得J哥真係好勁，唔係個個都做到J媽既味道lol 你地要繼續努力啊!!