( جانا المطر جانا - كلمات/ راعي الهدلا - اداء/ مستور الشمراني )

( جانا المطر جانا )
1يا راكب اللي جاهز ٍ للمكاشيت
جانا المطر جانا تلاحق حلاته
2 نوّ ٍ تقافت من وراه المقاليت
ويفرّح إعيون الملا من سقاته
3 من قو سيله فالشعايب مناحيت
إيحكّر الماء لين تظهر صفاته
4 خل الكسل والنوم واطلع من البيت
قُوام قبل الليل يرخي عباته
5 الحيّ من يحييك والمَيّت إيميت
واهم شي في كل مسلم ثباته
6 من جلسة ٍ وسط المنازل مساكيت
وكلّ ٍ بجواله يتابع قناته
7 وخذ من محاويج المعاميل ما شيت
وإمن الزهاب اللي خفيف ٍ كفاته
8 الجوّ جوْ ما يحتمل كيت ٍ وكيت
ما عاش من لا ينبسط في حياته
9 للنفس حقّ ٍ فيك بعض المواقيت
وللقلب سجّه لا تخيّب رجاته
10 والا المشاغل حلّها عود كبريت
في عود طلح ٍ منكسر في خلاته
11 يصلح عليه إدلال كيف ٍ مثابيت
من فوق جمر ٍ ما حَلا من سواته
12 في صحصح ٍ شوفه يبيح التناهيت
وإيجلّي الخاطر ويلقا دُواته
13 نكسر جدار الصمت بأعلى التصاويت
في موطن ٍ نجده معانق سراته
14 ومعانق ٍ شَرقه معا غَربه الصيت
ديرة معزّي عقْب وحّد شتاته
البر الكشته مكشات السعوديه سيل سيول الشاص راكب اللي شيله قصيده ابيات السراه نجد الشمال الجنوب قبيله القبايل قبايل الحطب النار شب الضو
a.top4top.io/m...
بدون ايقاع
c.top4top.io/m...

[@user-hg2do7jw2s]

صح لسانك والله يذكرك بالخير يا أبوهديل وأنعم وأكرم عزالله إنك من خيرة الرجال و الزملاء الي زاملتهم في النعيرية ولا هو قصور. في باقي الرجال

[@Ra3e_ALhadla]

تسلم يا ابو دانه تسلم وحي الله العزيز الغالي، والله ماتحب الا اللي يحبك نفداك، والشاهد الله انك من الوافين والذربين جعلنا مانبكيك، والله يذكرك بالخير ويرعاك الله

[@user-nv4gx8bn1m]

صح الله لسانك وبيض الله وجهك ياراعي الهدلا

[@Mothaker4747]

راعي شيمه. وراعي نخوه. واليوم جديد للترفيه عن النفس وطلعت البر والمكشات. وفقك الله 👋🌹

[@Ra3e_ALhadla]

تسلم تسلم يابوعلي لاخلا ولاعدم منك، ولا نجي الا من بعدك نفداك

[@sootshomran]

🤙🤙🤙

[@525.di1]

صح لسانك يالمطلَللق .

[@user-bc8vj2kq9k]

🎉🎉🎉🎉🎉🎉🎉🎉🎉🎉🎉🎉 يامرحبابك🎉،م م محمد مرحبا الف الله يسعدك

[@user-ql6ip9ys6o]

اقلك عبدالله بن منجيه اخوك؟

[@Ra3e_ALhadla]

حياك يابن العم، ابو راكان عبدالله بن منجيه ، عمي قفى.