金式森林丨郭晉安不回應前妻網上言論 專心跟陳曉華發展忘年戀

金式森林丨郭晉安不回應前妻網上言論 專心跟陳曉華發展忘年戀
郭晉安、 陳曉華 郭柏姸 何依婷 陳星妤 羅子溢 同 何廣沛 等一眾演員盛裝現身，為新劇《金式森林》拍攝慈善舞會嘅戲份，Regina反串同陳星妤跳舞上陣，表現得似模似樣。過埋暑假，安仔嘅仔仔就要到英國升讀音樂，志願係成為指揮家，兼且準備考法國號嘅演奏級。
早前跟歐倩怡宣布結束18年婚姻，對於Cindy向傳媒透露喺2019年時身體不適未獲人及時照顧，安仔指唔回應唔係事實嘅事，而仔女明白父母係公眾人物，言論會受關注，自己會多加跟仔女溝通轉導。至於前妻玩交友app，佢就指唔清楚亦唔會評論。佢形容跟Cindy係朋友關係，平時會短訊傾仔女事宜，若果夾到時間都會一齊出席仔女活動。
星妤同Regina喺劇中都需要性感上陣，兼且拍攝大量親熱戲，Regina就話同廣沛、子溢合作非常舒服，因為佢哋好體貼，事前做足溝通點拍。星妤就話舞蹈都唔算太難，而反串嘅Regina就覺得好有新鮮感，因為好少着男裝。
Hera同安仔劇中發展忘年戀，首度合作就有唔少埋身戲，不過對於Hera壓力最大係劇情經常要佢一個人面對視成班演員。羅天宇首次飾演司儀角色，需要背誦大篇對白，而子溢同廣沛就話呢場慈善舞會場口，好似有種睇台慶表演一樣嘅感覺。
#郭晉安 #歐倩怡 #不再回應 #並非事實 #轉導 #英國 #升學 #金式森林 #郭柏姸 #陳曉華 #何依婷#羅子溢 #何廣沛
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@YuntatLee-wm6ef]

何依婷🎉🎉❤

[@martinkwok7928]

與其繼續回應，不如慳番啖氣，賺夠就淡出演藝界幫家姐打理藥廠生意!🤑🤑🤑🤑🤑🤑🤑