駿業街遊樂場 - 工業區之中嘅一個小綠洲~~駿業熟食市場

拍攝位置駿業街遊樂場-工業區之中嘅一個小綠洲～駿業熟食市場
Tsun Yip St. , InPARK, Tsun Yip Cooked Food Market
繼續順着上一段影片嘅行程，喺茶果嶺海濱公園沿住海旁行到觀塘碼頭然後再轉返入駿業街，去到乳酸里就會到達呢度。
最原本想影嘅係熟食市場，但係去到呢個公園覺得幾特別所以一開始就一轉公園先～
喺城市當中有草地有藝術品，好似喺忙碌中有個唞唞氣嘅空間。
公園裏面你會見到大型衣車, 線嘅交織，地方唔算大，但係有篇草地總係感覺好舒服。
之後就返去駿業熟食市場，其實自己都未嚟過，但係就知道裏面幾多有特色嘅舖頭，日本嘢、素食、車仔麵、小炒等等都有。可惜今日到來嘅時間大約4:00 ，午市完結、晚市未開始，一個尷尬嘅時間，所以見到裏面冇乜運作中嘅跡象。
不過相信呢度都係觀塘人解決食lunch嘅一個重要據點。
繼續前行就會去到駿業街嘅一個地標Walking East，簡單一個銅像，晚上着燈之後又有另一種睇法。喺韓國都好似見過，不過就唔知有冇關係啦～順帶一提，呢個三角位置唔知點解會好大風，着裙嘅女士請小心。
最後一段小小嘅直路因為一首二次創作嘅歌曲，而變得出名～駿業里～
原歌曲係樂隊Dear Jane「哪裡只得我共你」，經KZbin channel試當真二次創作變成歌曲「哪裡只塞駿業里」，最後喺試當真周年演出嘅時候仲邀請埋Dear Jane演唱。
二次創作嘅歌曲，令人有迴響嘅原因係駿業里好多貨車上落課，令到繁忙時間嘅呢個位置好多時都嚴重塞車。
2024Feb
#觀塘 #駿業街 #乳酸里 #駿業街遊樂場 #藝術裝置 #製衣 #工業 #草地 #球場 #Hea #駿業熟食市場 #𨋢 #美食 #lunch #熱門地帶 #飯堂 #安盛金融大樓 #銅像 #駿業里 #塞車 #二次創作
仍然努力周圍行，仍然會見到得意嘢影吓拍吓，有冇特別位置想見吓？有就留言話俾我知啦~你有8分鐘嘅時間～
Still travel around Hong Kong~
To see something interesting, will take video or snapshot.
Is there any special place you want to see? Leave a message and let me know~ You have 8 minutes~