Jaceuq-eu Dawq hawr-eu Guiqlanq shar eu /ภาษาแห่งการสรรเสริญและการอธิษฐานวิงวอน (10/01/2024)

Dawqbav bav-eu tsawrhaq-aq tsawrhaq-anr ngaeqcawq-eu maqngeur-a. Miqyaer-anr ngaeqcawq-eu mae. Aqjeq mirnae aernar-aq tsawrhaq tiqghaq-iq aqyawf ngaeq-eu dawq-anr maq ghovshaw nya-a. Aerkhawf aqyawf saflar-euq lafkhoer zaftaq-euq deuq ngaeq-eu mae
(‭‭1 Gawrliqtu‬ ‭14‬:‭2‬ ‭)
Ghaqkhaer deuvma 10 euq lafkhoer Beqtuvluv gorneqlir-euq nymr-anr maeqluf ngae miqyaer-euq yaerbof lafkhoer heulof-aer, aertaq-euq mae “Beqtuvluv dawq heudeuq ngaeqluf ngae…aqyawf-euq dawq narhaq luf-eu tsawrhaq dawqtawv luf-euq khoertav Yawshawr Saflar zafka le-euq mae. Aqcawq tsawrjeuq tsawrca-euq khoertav khawf Miqyaer Yawshawr Saflar-euq lafsawq shaevdav naeq-euq mirnae Beqtuvluv naeq-aer lar-euq bawkhov maeqdzaq yaeq-euq jan-eu tsawrhaq khoerdeuq[yurdavtsawrhaq] yamawr ngae zanqler-euq mae. Aqjeq mirnae aernar-aq tsawrhaq heudeuq yawqjeq yawq-euq dawq [maqsiq nya-eu dawq bavbav-aer Miqyaer-anr ciqhuiq ciqmanr-eu gar yagaq yamawr-euq mae.
(‭‭Ghaqkhaer‬ ‭10‬:‭44‬-‭46‬ ‭)
Lafov caev yawmuiq paq-aer hawnar-tsawrhaq khoer deuq aqyawf maf yawjeq yawq-eu dawq nae (miqyaer-anr ciqhuiq ciqmanr luf-eu mae ) Nawr miqyaer-anr Nawr-eu saflar nae khoerlof jaceuq nar-aq miqyaer-euq yawshaef khanqsaer nawq-eu gharduq bi dovlar mae (Ghaqkhaer16:25 lafkhoer aertaq-euq Pawrluv hawr-eu siqlav guiqlanq shar-awr miqyaer-anr jaceuq-eu cardawq carcar-aer jaceuq lufngae kuv-euq lafkhoer zanqler paq-aer ghae-eu jeq pyeuflar-euq mae
Khoertaef-aer maqngeur-eu nawr dawqbav bavbav-aer guiqlanq sharngae jaceuq-eu jeq hawr-eu miqyaer nae panmaeq-eu jeq pyeuf-eu uqtaf dawqkhoer deuq tiqdawq nav nawq-eu saflar paw nae guiqlanq shar-eu jeq dovle nya mae Aermawf-eu nar-aq nawr khoerlof-aer sharluf ngae Nawr tighaq nav-anr maqngeur nar-aq tiqdeuq nav-anr guiqlanq sharcaw luf-eu jeq pyeuf mae Nawq-eu meuq nawq-eu pu hawr-eu nawq-eu uqduq tanqnymr-anr sharcaw-eu jeq khawf pyeuf nya-eu mae
Ghawqmyav pov dawqbav bav -eu dawq-anr nae saf awlawv lawv-aer ghawr-awr maqaer dov nya-eu tersar nae manrdov lef nya-eu mae khoer-aq Nawrguiq lanq sharluf-eu teu aqje-anr aermawf-eu nga laer Yawshawr saflar nae maqpan maeqnaeq nar-aq
Nawr maq ghovshaw nya-eu jeq pyeuf mae Nawr dawqbav bavluf ngae ghawqmyav jeq pyeuflar nya-eu mae Miqyaer guiqlanq-anr jaceuq ma
“Guiqlanq Shardawq “
Aqda miqyaer-or ngamaf nawq-eu guiqlanq-anr jaceuq ma Aqjeq mirnae aernar-aq jaceuq gar geux-eu ghaq-aq nawr tiqghaq jawr-eu tsaef mae Nawq-eu guiqlanq yawdzanr hawr-eu nawq-eu gaq-eu jeq-aq li-eu maqbaw ni jav-awr maqaer jircor ni jav-eu mae aqda miqyaer-or nawr-eu lafkhaq caer-eu jeq bawle zale-awr muiqlar sanrlar-eu jeq mirtsaq khoertav jav-eu meuq yawqmeuq navluf-anr uvlanr luf-eu mirnae guiqlanq huiqma. Yeqsur Kali tsawrmyanr lafkhoer nae sharma Aqmeq
Heugar guilanq nya mae
1Gawrliqtu 14:2-4/ 1Gawrliqtu 14:14-15 / Erpersuv 5:19
#คริสเตียนอาข่า #คริสเตียนอาข่า #อาข่า #เพลงคริสเตียนอาข่า #พระวจนะแห่งความจริงอาข่า #อาข่าในประเทศไทย #อาข่าในเกาหลี #อาข่าผู้น่ารัก