jalal malaksha جەلال مەلەکشاە
Рет қаралды 553
3 жыл бұрынپرسیم : دایه من کێم و چیم؟
خەڵکی کام شار؟
کام مەلبەندی سەر رووی زەویم؟
وتی: رۆڵە تۆ کوردی و دیلی و هەژاری
نیشتمانت کوردستانه
بەڵام ناوی نیشتمانت له سەر نەخشەی
جیهان نییه بێ نیشانه
*
وتم: دایه باوکم کوانی؟
بۆچی هەرگیز دەستی حەزی نەگوشیوم؟
به کام تاوان من هەتیوم؟
وتی: رۆڵه! رۆژێ داگیرکەران
شاریان سووتان تفەنگی مافی کرده شان
رووی کرده ئاسۆی سەربەستی
لێزمەی خوێنی گەشی به سەر
لێوی تینووی خاکا پژان
*
وتم: دایه
ئەی براکەم
شەپۆلی خەم ئاوی ماتەم
گۆمی چاوی پەڕ کرد له ئەستێرەی فرمێسک!
وتی: رۆڵه!
له کازیوەی وەرزی رەشا
لاشەیان کرده نیشانه
سەری کاسی خەمەکانی برده ژێر خاک
گیانی پاکی کرده فیدای سەربەستی ئەم کوردستانه!
***
وتم: دایه ئەی من چی بکەم؟
هەستا سەر پێ
تفەنگێکی بڕنو کورتی
بزمارڕێژی دایه دەست
وتی: رۆڵه!
ئەی هۆی ئاوات و مەبەستم
دەیان ساڵه له چوار لاوه کوردستانم
دیلە یەخسیره
دەست و پێ زەنجیر کراوه
رێبازی خوێن بگره و بڕۆ
دۆعای گەلی چەوساوەی کورد له پشتی تۆ
سنوورەکانم بۆ بشێوێنه
کوردستانم بو بێنەوه
با به دەوریا بسووڕمەوه
کوردستانم بۆ بێنەوه
تا دانیشم لەته لەته
وڵاتەکەم بدوورمەوه
« جەلال مەلەکشا》
@avesta_jamal 3 жыл бұрын
دەستت خۆش
@najisianawi4112 3 жыл бұрын
زۆر سوپاس و ودەستی ئێوەش خۆش 🌸🌷🌸🌷
Diplomatic
Рет қаралды 9 М.