Рет қаралды 0
जल्दापाडाको प्रसिद्ध होलोङ फरेस्ट बंगला डडेर खरानी
अलिपुरद्वार: अलिपुरद्वार जिल्लाको जलदापाडा राष्ट्रिय निकुञ्जको जंगलको बीचमा रहेको प्रसिद्ध होलोङ फरेस्ट बंगलाहरूमा ठूलो आगो लागेको छ। यस घटनामा फरेस्ट बंगला पूर्ण रुपमा जलेर नष्ट भएको छ । मंगलबार राति झण्डै ९ः३० बजी भएको उक्त घटनाले क्षेत्रमा व्यापक आतंक मच्चिएको छ । आगलागी कसरी भयो भन्ने अझै खुल्न सकेको छैन । अलिपुरद्वार, फलकाटा, हसिमाराबाट धेरै दमकल र कर्मचारी घटनास्थलमा पुगेका छन्, आगो नियन्त्रणको निक्कै प्रयासमा भइरहेको छ। वन विभागका उच्च अधिकारी पनि घटनास्थल पुगेका छन् । यसैबीच, फरेस्ट बंगलामा अचानक आगलागी हुँदा वन विभागका अधिकारीहरू पनि अचम्ममा परेका छन् ।
उल्लेखनीय छ कि होलाङ फरेस्ट वाङ्लो वन विभागको एक सरकारी फरेस्ट बंगला थियो जुन राज्य वन विभाग अन्तर्गत थियो। यो पर्यटकहरुमा धेरै प्रसिद्ध र चर्चित मानिऩ्थ्यो। यहाँको बुकिङ करिब वर्षभरि नै भरिपूर्ण रह्यो । वन विभाग स्रोतका अनुसार अहिले पर्यटकका लागि वन प्रवेशद्वार बन्द गरिएको भएपनि घटनाका बेला बंगलामा पर्यटक थिए वा थिएनन् भन्ने खुल्न सकेको छैन । यो समाचार तयार पार्दासम्म यस विषयमा वन विभागका अधिकारीहरुबाट कुनै प्रतिक्रिया आएको छैन ।