Рет қаралды 1,431
Kirtanmadhuripathshala@gmail.com
Lyrics and Composition:Traditional Pushtimargiya Ashtasakha Kirtan
Vocals: Jidnyasa Gore
Video Editing: Jennifer Michael (Vrundavan)
श्री जन्माष्टमी बधाई (आशिषका पद)
1) राग देवगंधार ॥ सावरो मंगल रूप निधान ।
2) राग आसावरी ॥ तुमरे भागि सुनौ मेरी गोपी ।
3) राग धनाश्री ॥ रानी तेरो चिरजीयो गोपाल ।
4) राग कान्हरो ॥ यह धन धर्महीते पायो ।
5) राग सारंग ॥आज नंदरायकें आनंद भयौ ।
1)
★ राग देवगंधार ॥ सावरो मंगल रूप निधान ॥ जा दिनतें हरि गोकुल प्रगटे दिन दिन होत कल्यान ॥१॥ बैठी रहौं श्याम गुन सुमरौं रैन दिना सब याम । श्रीभटके प्रभु नैन भर देखौं पीतांबर घनश्याम ॥२॥
2)
★ राग आसावरी ॥ तुमरे भागि सुनौ मेरी गोपी भयो ऐसौ लाल हमारें । अब तुम्हारीचिरजीवौ भागि सबनके खेलो मेरे तुम्हारै ॥१॥ हों सुख देखों तुम सुख देखो प्यावो दूध मल्हावो । मेरे लालकी तुम सब भाभी उबटि न्हवाय बैठावो ॥२॥ तुम लेहु गोद लगावो छाती मुख चुमो और खिलावो । श्रीविठ्ठलगिरिधरनलाल को गंगा करन सिखावो ॥३॥
3)
★ राग धनाश्री ॥रानी तेरो चिरजीयो गोपाल ॥ बेगि बडो बढ़ि होय बिरध लट महरि मनोहर बाल ॥१॥ उपजि परयो यह कुंखि भाग्यबल समुद्र सीपे जैसे लाल ॥ सब गोकुलके प्राणजीवन धन वैरिनके उर साल ॥२॥ सूर कितौ जीय सुख पावत हैं देखत श्यामतमाल ।। रज आरज लागो मेरी अँखियन रोग दोष जंजाल ॥३॥
4)
★ राग कान्हरो ॥ यह धन धर्महीते पायो । नीकें राखि जसोदा मैया नारायन व्रज आयो ।।१।। जा धनको मुनि जप तप खोजत वेदहु पार न पायो । सो धन धर्यो क्षीरसागर में ब्रह्मा जाय जगायो ॥२॥ जा धनते गोकुल सुख लहियत सघरे काज संवारे। सो धन वारवार उर अंतर परमानंद विचारे ॥ ३॥
5)
★ राग सारंग ।। आज नंदरायकें आनंद भयौ । नाचत गोपी करत कुलाहल मंगलचार ठयौ ॥१॥ राती पीरी चोली पहरें नौतन झूमकसारी चोवा चंदन अंग लगाये सेंदुर माँग सँभारी ॥२॥ माखन दूध दह्यो भरि भाजन सकल ग्वाल लै आये । बाजत बैन पखावज महुवरि गावति गीत सुहाये ॥३॥ हरद दूब अक्षत दधि कुंकुम आँगन बाढ़ी कीच । हँसत परस्पर प्रेम मुदित मन लागलाग भुज बीच ॥४॥ चहुँ बेदध्वनि करत महामुनि पंच शब्द ढमढोल । परमानंद बढ्यो गोकल में आनंद हृदें कलोल ॥५॥
#kaunrasikwheinbatanko #pushtimargiyakirtan #Janmashtamikepad #kirtanmadhuri