Рет қаралды 3,647
Në emisionin "Autokton" të autores Anila Ahmataj u trajtua jeta dhe vepra folklorike e Hamdi Pulo nga fshati Tragjas i Vlorës.
Hamdi Dervish Pulo erdhi në jetë në vitin 1941 në Tragjas në një familje me baza atdhetare dhe patriotike. Ai u rrit në një vatër ku dashuria për vendin dhe për njerëzit ishte ushqim i përditshëm. Nëna e tij Rabo dhe babai Dervish, dy prindër me shumë mundime dhe sakrificë, lindën dhe rritën 5 fëmijë, 4 djem dhe një vajzë. Numan Bala, kacaku i dëgjuar i atyre anëve ka qenë paraardhës i tij. Hamdiu, një pjesë të fëmijërisë e kaloi në fshatin Tragjas në atë shtëpinë dy katëshe prej guri, me shkallë prej guri dhe me një avlli ku para të shfaqet peisazhi i një parajse. Hamdiu u largua nga kjo shtëpi në moshën 5 vjeçare për t'u shkolluar në Tiranë ku xhaxhai e strehon dhe kujdeset për të. Fillimisht Hamdiu futet në kopshtin ditor të shkollës së “Kuqe” dhe më vonë në shtëpinë e fëmijës në Laprakë. Pas mbarimit të klasës së katërt trasferohet në Vlorë e më vonë pranë familjes në fshat ku mbaron aty shkollën 7 vjeçare. Më vonë Hamdiu me bursë të shtetit shkon në shkollën ushtarake “Skënderbej’ një vit në shkollën e bashkuar “Enver Hoxha” dhe një vit tjetër në shkollën e oficerave ku edhe u emërua punëtor operativ në Sarandë. Në vitin 1969 diplomohet jurist dhe emërohet hetues në Gjirokastër ku punoi deri në vitin 1975, pasi u lirua dhe u vendos ne Vlorë. Kjo ishte një goditje e fortë shpirtërore për Hamdiun, e cila e ligështoi jashtëzakonisht