Рет қаралды 368,834
للحرب جسام صارت زفته ديوان الدموع الزينبيه/ج٣٤
والسيوف اشموع والدم حنته
........................................
ياعرس جسام مامثله عرس
السيوف اشموع واجفان اللبس
المنصه الكاع والكله الشمس
راح للميدان وأمه نادته//
تكله ريضلي ورجع لمه الولد
بس وصيه وياك ضلتلي بعد
أرد أطلبك بالربه وهز المهد
وبلبن صدري الرضعته ودرته/
من التعب ذاك التعبته ما اريد
روح ضحي الروح لحسين الوحيد
خل اشوفن حنتك دم الوريد
أمك لهاليوم زودك ضمته/
ضمتك وتريد حك ذاك الحليب
كوم صد الكوم عن وجه الغريب
المثلك تربي يجسام ماتخيب
بالدمع رمله الحزينه زتته//
زتته رمله الحزينه بالدموع
للحرب زفوه وارماح الشموع
يشبه العباس لوطب للجموع
طشر العدوان حلوه صولته/
طشر العدوان من طب الصفوف
ياوسافه ايطيح مابين الألوف
ضل ابو السجاد يصفك بالجفوف
من تعنه وشاف طبرت هامته/
شافه أبو السجاد بالهامه انطبر
صاح ضهري عليك يوليدي انكسر
ياشباب الماتهنه بالعمر
من وكت عالكاع صارت نومته/
.........................................
الهوسات
............
المن ناصبه الكله وبنيتيه
يرمله على الرمل مطروح راعيهه
طفي شمعته والحنه ضميهه
واجفوفه من الدم حناهه//
محضره حنته وتحنه من دمه
طاح على الوطيه والتقه بعمه
سمع صوته وجاه ينوح أبو اليمه
مهضوم يون لبن عضيده//
من شافه انهدم ثلثين من حيله
وجاسم عالصواب الحار يوميله
يبس كلبي يكله وبعد يشجيله
وحسين شكال الله يعينه//
شكال احسين الله يعين كلب حسين
عطشان الولد يسقيه ماي العين
شاله للخيام يسيل دمع العين
خليهه تون خل تبجيله/ /
خل رمله تجي لوليدهه تشوفه
من دم الصواب محني اجفوفه
باجر عالتراب تروح وتعوفه
للكوفه الكوم يودوهه//