Рет қаралды 24,334
قلته وانا لي لابتً ماتخيبي
بني عطيه من عريبين الانساب
بني عطيه بالنهار المشيبي
بفعالهم تارد على الموت ماتهاب
يوم الفقر شح الزمان العجيبي
لـ سمن من فوق المفاطيح صباب
لا يامحمد يالفهيم اللبيبي
ياسيفنا وانصار بالجو ضبضاب
يصاحبي لو شفت قلب الهليبي
يزيد به ويلات يوم القمر غاب
سبايب الي معترض له صويبي
كحل العيون وتوه اصغير الشاب
الجادل الي بالوصايف عجيبي
زايد حلاها بجملة الخلق بسباب
لمت شعرها طاح كنه سبيبي
خيلً تدابك في ميادين تلباب
رمحه صويب وبالملاقى عطيبي
لاح وتمكن في ضمير الحشى ذاب
ماني حبيبً له ولا هو حبيبي
مير ان حطيته بجفني والاهداب
ابسبته بين الاوادم غريبي
لو شفتني مابين ناسي والاحباب
بيحت سدي غصب ماهو بطيبي
لو كان مسكانه ثمانين دولاب
عطني جوابك بالملف ي نديبي
ولا عويت اليوم في راس مرقاب
الشاعر . سعود عبدالله الهلبان العطوي .