جديد - البت الغلبه - يسري صلاح
Рет қаралды 1,684
موال
مرتاح كيفن ....
والتعب اتمدد نيل ومدى
شققت خلاوي البال فتيش
لا هلا غناك لا رنا صدى
اتبنت دروب الرجعة...
طير الالفة معاكا شدا
ركت فوق الروح سلواك
عمر الفرحة الليلة بدا
واتشابكنا ...غناي والنيل
اتجابدنا الموية...هدى
عزمتك يا مطلوق اشواق
جلسة شاي ومقيل وغدا
انا ناديتك كم مرات
ما خليت في الساحة ندا
شفتك شاقي دروب البوح حفيان
لابس طعم الغنية ردا
وما هاميك في العالم شيء
طاشي تقول... خلقوك كده
🔥🔥🔥🔥🔥
🌹🌹🌹الاغنية🌹🌹🌹
يا بت مالك كترتي الغلبة
بقت الحالة شديدة وصعبة
وكنت رخيت البالاك تالاكي
بال مدود والروح زي سلبة
كلما جيتك كملت مويتك
والفجاج شحدنك حطبة
واتعلقت معاك في خاطرك
شلة عطالة.... وشلة طلبة
قمتي غمتي النيل في عبك
وفي ايديك ...تتقافز عنبة
اديتينا ملاح بي خدرة
كسرة حنينة وقعدة عتبة
لما الشارع شما خطاكي
هلل وغنى حريرة ودهبة
لمى الناس عربان واهالي
بت حمرية.. وبت الحلبة
الزغريت واليوي اندالق
بشر افندي..وهزوا الكتبة
انا شديتك خيل مطلوقة
نمة حنينة وشمعة ولهبة
وانا ختيتك دوا لي بكرة
للمكشوف ..والجوة معبى
الواثق عبدالرحمن
الحان وغناء : يسري صلاح الدين مناع
السنيو اللحني والقايد : عبدالخالق ابراهيم الحسن
@use-nawai1984 2 жыл бұрын
فيديوهاتك دي مفروض أقل شي يكون فيها مليون مشاهدة.
@حسبويحيى-س1ع 2 жыл бұрын
انت مدرسة فنية استثنائيه وصلت الميس يارئيس
@use-nawai1984 2 жыл бұрын
عمر الفرحة معاكي بدأ.......
@حسبويحيى-س1ع 3 жыл бұрын
عندك اكتمل الابداع بكل الفهم والقياس
@حسبويحيى-س1ع 3 жыл бұрын
لاحت لي بوادر مدرسه جديدة في خارطة الاغنيه السودانيه مزيدا من التفوق والتقدم
@3zmiesam236 3 жыл бұрын
ياااخ ابدااع
Oscar's Funny World
Рет қаралды 48 МЛН
sudan youtube
Рет қаралды 1,7 М.
الكروان يسري صلاح الدين مناع Yousri Salah Manna
Рет қаралды 6 М.
الكروان يسري صلاح الدين مناع Yousri Salah Manna
Рет қаралды 1,3 М.