Рет қаралды 14,840
.
بيرق عوال مفلح
شيله مهداه في زواج سعد محمد الفهري
الشاعر ذيب عبدالله الفهري
اداء جفران بن هضبان
تنفيذ بصمة الابداع
.
كلمات الشيلة :
كل ما ادبر من الليل ثلثين استفاق
استفاقة حلم مدري مسابر تجربه
الواكد اني تحملت شيء مايطاق
لو تعرض قدمي السالفه ما انتبه
لكن القانع بحظوة لايمكنّه .. يضاق
ماندب حظه لو ان حظه اللي يندبه
متكل بالله تعالى وواهب الارزاق
كافلاً العبد والخير فاللي يجلبه
واستكن البال من بعدها والجو راق
وقمت اخايل فكرة مالها ند وشبه
مثل غر المزن لانشت وشعش البراق
يتخايلها بدوي .. مرتعه فالدبدبه
وانا واهسي مايرصده خالد الزعاق
ولا يشعفه الا ابلجً فعله يجذبه
يدفعه لمداعب القاف لهفه واشتياق
خل عنك اللي يقول اعذب الشعر اكذبه
نكتب اللي مابعد طار ذكره فالنطاق
والعرب على اثرنا بعد مانكتبه
ماستعرته مثل غيري عليّه بالطلاق
غير ورثن من خوالي وبصمه موهبه
لجل ابن عمي بوقف على ركبه وساق
يبشر بماقف يجمل وماقف يعجبه
احتزم بي ياسعد فالجلال وفالدقاق
محزمن فالضيق يا سِعد من هو يكربه
ياصليب العظم دمث المروه والاخلاق
يارفيق(ن) كل ماجوب طيب(ن) ينتبه
بينه وبين المراجل معاهد وميثاق
ماقصر يمناه عنها ولا ارخى منكبه
مرحبا باسمه تراحيب عزاً ماتلاق
غير في عيون النشامى لها قدر وهبه
مرحبا والبن والعود فالمدخن يساق
ومرحبا على فقارى الحشو والموجبه
مرحباً باسماء عزاوي تردد فالافاق
عزوة الشهبان واهل الطروق المتعبه
يوم للخيل دبكه والرماح لها فتاق
حزة فيها الضعيَف .. ماشلته اركبه
احتمينا (بيرق عوال مفلح ) فالملاق
دون بيرقنا المشيّد ياكم طار ارقبه
افتخر في ذخر جدي الى يوم الفراق
يوم كل معرب(ن) يفتخر في منسبه
كان للجودات والطايله معشر عشاق
فـ حن ضنا حارث مراده وغايه مطلبه
وحن موردت البواتير في عرض الاعناق
وحن كبار بخوت مثل النجوم المرقبه
وكل فهري .. للجمـايل ولـناله سباق
وكل وقفة يحتميها وفي سد شنبه
كم زبيننً عدنا يوم ضاق به الخناق
مثل سيف طارق بن زياد فاتح قرطبه
جودنا ينجاد منه ويبلي الارياق
فالسنين المثمره والسنين المجدبه
..
للتواصل والاستفسارات :
الحسابات الرسمية لـ قناة بصمة الابداع .
Official Whatsapp :
الرابط محادثة الواتساب المباشر :
wa.me/message/...
+966562778026
Official Twitter :
/ aliaaaq
Official Instagram :
/ 2.q76
Official Snapchat :
/ ms3d.505
ـــــــــــــــــــ