Рет қаралды 95,437
لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" سنابي "
/ u511a
مهداة الى
*مالك الإبل *
عياد بن محمد بن وسيمر السليس
كلمات : محمد الرويبخ
سماحة الخاطر وفا وإقفاية الضحكة صدود
والله ولا نفسً ترجى الناس عند انصافها
مع كل يوم العمر ينقص ياللي تحسبه يزود
والموت ياقف بين خلق الله وبين اهدافها
لايتعب المسلم يدور له على الدنيا وجود
الا على سجادةً دمعه يبل اطرافها
الارض كنه كل ما كبر وحول للسجود
تبا تضمه من مشاعرها ما بين اكنافها
معاند الدنيا غثا وملاطم الحاجه يكود
والخيل ما تعرق ولا تلحق تحت من رافها
ان زانت الدنيا ف حنا ماختلفنا ي حمود
ون شانت بتلقا لها قلبً ماهوب يخافها
خير اللحا اللي تنطق بهرجً يثمن فالردود
وخير الصدور اللي مايدرى وش يدور خلافها
وخير الفعول اللي ليا طري ما يبغا له شهود
وخير الرجال اللي مدايحها على ميقافها
اسلم وسلم لي على مضواح تاريخ الجدود
ع سواقي مجده الابيات يثمر قافها
عياد ي حياك من هامة ويا حياك عود
وحي الله قبابً مناويج الثنا تطافها
عودً لا طق الراي بالاريا غدت صيحة ثمود
مع رايه الالسن تساوق والسكوت لحافها
شاهر عتيبه طامي الفزعه وبراي اللهود
وقمةً ثناءً حتى مصابيح السما مشرافها
تضرم له ابيات القصيد اللي قرايحها تجود
وتفرح به اللي يفني الاموال دون سخافها
وضحً لا طق لها اللبيد وناحرة خشم النفود
قام يتمزع زبد افاميها بروس اشعافها
ع غواربها صريخ النود كنه في حيود
من زود دجرتها تسمْار العجاج خلافها
كن في قللها يسمر البراق وتدن الرعود
من كثر ما تفضخ رقاب العشب تحت اخفافها
امضريً عجله ورمانه ع عشب الحدود
وينبيك عن صالح مشاتيها لا جا مصيافها
في ضف ابو شارع سنا برق السعايد والسعود
ومطنيً بنات رمان السليس اوصافها
عزلً تفتاق الوبر فيها تقول انه معقود
اتضيع كفك كل ما علقتها ف اكتافها
ارقابها كنها على ما قيل بالعةً عمود
وهزعً يبين ف زود ممشاها وفي مهيافها
اللي ما ياخذ من طنو رمان لو انه قعود
يشره ع ابله في مماشيها وفي ميقافها
اليا احتدم مزع المعاشي وحتدم نده الورود
كن الاراضي تنحذف حذف العصي خلافها
طوح بصوتك ي ابو شارع ي عسى عمرك يزود
واسهج بسهاجه ي راعيها ويا ميلافها
مع بدو عتبان الجزيره مفحمة غيب السدود
بدوً من اوايل معامقها وروس اسلافها
البدو ترعى العشب والعتبان رعاية اكبود
بعلطً تذراب الكبود السود مع طرافها