Рет қаралды 12,509
ضع لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" لمتابعة شيلات الروقي عبر السناب "
/ u511a
شيلة " رد ثناء" مهداه الى سعادة الدكتور /
مشعل بن صقر السيحاني
الشاعر /
مهند بن ناصر الجمل
المنشد /
جفران بن هضبان
الليل لا قلط مناديبه على صدر الحزين
مزًع معاليقه قبل لايمزع النور الظلام
ولو ردني برد الشتاء لمزايم الجرح الدفين
اسري على ضوحك واذم الليل يابدر التمام
كن النسايم تستفز الصمت ويبيح الكنين
وانا على اسوء مايرا ماني على افضل مايرام
رد السوالف يامحمد واذبح العذر السمين
انته الرفيق اللي حروفه ديم ولسانه غمام
ان ماحييت الضحك في وجهي مادام الضحك زين
اطفيت نارٍ من ورا صدري لها عشرين عام
سولف عن الماضي وعن مايحتوي ظلم السنين
وعن حيلة عيال الاكابر والمشالح والرخام
وعن قلة الحاجة وما يفرق عزوم الطيبين
وعن كثرت اماني النفوس اللي تواليها ملام
حظ الموفق ماتفوقه خطة العقل الرزين
ان ما ضمن تيسير ربه راح بنيانه حطام
وان شفتني كثرت تناهيني وجريت الونين
ادر ان قلبي راح بين يدين زاهية اللثام
قلبٍ معافيه الله المعبود رب العالمين
ضرّه رهيف الحس زين الوصف ممشوق القوام
يابنت ، ريح الضيق ماحرّك عروش العاشقين
وانا جروحي منك ماتنخاط وطعونك كلام
ما تنحصر مشاعر الشاعر على الدر الثمين
يصرف ذهب وتسولف عيونه عن احساس الغرام
مدي معاذيرك ونا روحي على مثلك تلين
دام الغلا وافر بزودك ود واعيشك هيام
واليا انقضى ليل السهارا مع غياب الفرقدين
تسللي من طارف ذراعي على ريش النعام
وراي علمٍ تشقر الاعذار قدمه شقرتين
بكحل عيون الرجال فعول واشد الحزام
وين انت يالشوباش يا لاهد كبود الحاسدين
سمعني صوتك يا ذهول البدء يامسك الختام
ماوالله اسوق التعازي في غياب الراحلين
مادام مشعل فوق الارض وبشت فضله مايضام
انته ملكت النعم يامشعل مثل ملك اليمين
وفرضت معروفة مثل فرض الزكاوي والصيام
اربع سنين اداحم الدنيا بجنبٍ مايلين
واشبه بطراد الذهيب اللي مواريده حيام
نقرت حملي فوق متنك مثل نقل المارتين
وقلطتني على نواميسي مقاليط الغمام
اصغر معاريفك تعز الحر ويعود رهين
يطاوع امرك لا زهمته مثل مطواع الخطام
اسرفت في فعلك ماكن الله عدو المسرفين
واجحفت في حق الهلامه و الضعيف والخمام
ويوم الجمايل بابها مفتوح والطيب يبين
شهرت مثل الحر الاشقر لاطلق سبوقه وحام
لاجاك من كثرت على روحة صواديف السنين
وجلٍ صويب منهري والنور في عينه ظلام
شرحت صدره مثل ما تشرح رياض الصالحين
ولا جليت الهم عن قلبه وعبّر لك ونام
ياكبر هم زياد يبو زياد لاجا الاربعين
يشوف فعلك ويغدي سيفه مثل عود الثمام
اسهله انه ينقل العارض بلاد الرافدين
ولا يجيك مومرٍ بوتين في مركز سنام
اله الفخر لا ناطح بصيتك مديح الاولين
واله الفخر لافرّج فعولك على عقول الانام
والعمر مره مير ودك انك تعيشه مرتين
والعز ساعه وانت فالساعه تقدملك بعام
ولاحدٍ يوصيني على حسادك المتغطرسين
كن البيوت اليا اظهرت فصدور حسادك سهام
واللي يواصل نهج جدانه ماتقصر له يمين
وانته خدمت الورث لكن بالمناصب والنظام
مبادراتك مع ولاه الامر في حرزٍ مكين
اذكر على اثرها فعل جدك مع صفوف الامام
قسمك يشابه قسم جدانك عذاب الاحمرين
يوم القضا بالسيف ابو حدين قصاص العظام
ويوم انها عسره وكان القل عوق المسلمين
الجود واجب مثل ما التقصير فالواجب حرام