Рет қаралды 8,173
家常便飯爭霸戰|李思捷帶媽媽母子檔做評判 聯家燕姐為關楓馨現場招親
李思捷呢日帶同媽媽馮筱儀一齊作客由薛家燕、三姐蕭秀香、關楓馨、冼靖峰、阮浩棕主持嘅廚藝比併節目《家常便飯爭霸戰》擔任嘉賓評判,節目已經進入最後階段,民間廚神即將誕生。同樣廚藝了得嘅李媽媽對食好有研究,亦不時同參賽者互動交流心得。
李媽媽大讚阿仔非常得,令思捷當堂變得怕怕醜醜,謙稱如果有媽媽十分之一嘅水準已經好好,而平時節日就有媽咪在旁教路下廚。
呢集其中一位參賽者就係27歲任職藥劑師嘅阿Ken,見佢下廚時非常細心,家燕姐同思捷就乘機為單身嘅Fabienne招親,主動叫阿Ken留個聯絡方式,同Fabi交流交流。
幾位主持喺做節目期間,除咗可以品嚐到唔同款式家常菜,除亦可以食到唔同風味菜式,真係食到冇停口。家燕姐笑言由於各位手勢太好,所以就算Cut咗機都停唔到口繼續食。Fabi就話做呢個節目根本唔洗放飯,放飯嘅時候大家已經滿足已經好飽,唔洗再食。三姐就覺得最辛苦係食完之後要決定誰勝誰負,因為每位參賽者差距不大。
《家常便飯爭霸戰》星期一至五 22:30 翡翠台播映
#家常便飯爭霸戰 #李思捷 #關楓馨 #三姐 #蕭秀香 #冼靖峰 #阮浩棕 #民間廚神 #廚神 #招親 #烹飪 #家常菜 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0