【節節有星】龍貫天/陳詠儀/鄧美玲/呂珊/陳鴻進 - 游龍戲鳳 (友星有聲．粵唱粵友)

Рет қаралды 42,473

3 жыл бұрын

游龍戲鳳
曲/詞：吳一嘯
原唱：任劍輝/紅線女 1953)
(龍)白︰嘩，你把聲唱得好好喎，Er…
(鄧)白：Er咩唧，關你咩事唧
(龍)白︰我知，見到咁靚嘅人，梗係會望吓㗎嘛，我想請問你一啲嘢啫
(鄧)白：咩貴幹呢
(龍)白︰請問你，龍鳳店喺邊度呀？
(鄧)白：龍鳳店…吖…就響呢度
(龍)白︰哦就喺呢度，唔該晒吓
(鄧)白：咁你自便嘞
(龍)白︰好，唔該唔該
(鄧)白：拜拜 (Kiss)
(龍)白︰拜拜，嘩嚡
咁樣畀佢啜一啖都真係犀利呀吓
唔…咦乜龍鳳店入面，我聽講有一個鳳姐個樣好靚嘅，
點解一個人都無嘅呢吓？有無人呀？
(龍)唱︰嚟啦
(進)接唱：嚟啦
(龍)白︰你…你係邊位呀？
(進)白︰你叫姨媽，咁呀，我咪嚟囉
(龍)白︰你…你係咪鳳姐呀？
(進)白︰係呀
(龍)白︰咁…我走先嘞
(進)白︰喂，喂
(呂)白︰喂，喂喂喂
且慢呢位阿Xiang
喂阿姨媽你做咩走出嚟唧
(進)白︰佢叫㗎嘛，「阿姨媽」咁我咪姨媽…
(呂)白︰唉
(龍)白︰我叫「嚟啦」呀
(進)白︰啊「嚟啦」
(呂)白︰環境唔好，洗碗人好貴呀啲人工，你快啲入去洗碗先啦
(進)白︰我嗱嗱聲…
(呂)白︰唔好立亂走出嚟呀
(進)白︰戴返個手套洗碗啦咁
(呂)白︰唔該晒姨媽，
喂呢位客官啱晒嘞，而家呢個時間呢，
就啱啱過咗呢個限聚令，
呀，就無堂食，對唔住啦吓，你要Er…外賣
(龍)白︰呀…咁…咁…有咩好呢？
(呂)白：你食咩吖？
(龍)白︰有咩好介紹呀？
(呂)白：呀…呢度呀…整個…呢個咩呀…
Ai…你坐吓先呀嗱…客官
Ai…坐吓先
(龍)白︰坐坐坐坐…
(呂)白：我地有…
(龍)白︰請問…
(呂)白：…呢個透明睡袍嘅…
(龍)白︰…有咩好嘅嘢…食呢？
(呂)白：…雪紡…呀呢度呀…
呢度最好就係呢個…當紅炸子雞，包你紅呀食完之後
(龍)白︰當紅炸子雞
(呂)白：唔
(龍)白︰好，一於咁話
(呂)白：Ai飲咩呀
(龍)白︰Er…
(呂)白：Er唔駛諗啦，Er咩吖，
飲我地呢度最出名嘅「百利達紅酒」啦，嗱，喺度
(龍)白︰「百利達紅酒」…喔，紅酒配炸子雞，相當好㗎噃吓
(呂)白：呢個…
(龍)白︰咦…咦…真係
(呂)白：特別為你調製嘅
(龍)白︰聞吓先
(呂)白︰聞一聞先
(龍)白︰真係好香喎
(呂)白︰索嘢你最叻㗎啦…聞吓先啦…哈哈哈
(龍)白︰多謝你吓，多謝你吓
(呂)白︰喂你隨便吓，我入去準備吓啲嘢呀
(龍)白︰好好好好…
呀，奇怪嘞，出完一個又走一個，
一個人都無嘅？吖…真係奇怪嘞…
(龍)唱(戀之火)：
為嬌依戀熱心待獻
不勝仰慕她意若金堅
默祝蒼天望天護眷
登仙界望盼無使捐秋扇
(龍)白︰呀…嗰個鳳姐，真係咁靚？
等我再叫吓佢至得，喂喂喂
(龍)唱：嚟啦
(詠)接唱：嚟啦你為乜喺處亂咁敲唧
(龍)接唱：你又為乜無個在店前
(詠)接唱：人家個心柳咁亂
(龍)白：咩事唧？
(詠)唱：事關我阿哥佢有病染
(詠)白：做咩呀你？
(龍)白︰你阿哥有病？係咪確診呀？
(詠)白：唉吔放心…佢檢測咗，係陰性呀
(龍)白︰哦，係普通唔舒服咋係咪呀…
(詠)白：係呀
(龍)白︰咁我都可以話畀你聽，
頭先我入門口嘅時候，都嘟咗…
(詠)白：呀…嘟咗…體溫正常嗎？
(龍)白︰正常…我都檢測咗，係陰性嘅
(詠)白：咁就好嘞…咁就好嘞
(龍)白︰Er…係嘞，嗱其實我嚟龍鳳店呢，
我係想睇吓邊位係鳳姐，請問你係唔係呀？
嘩嚡…你揈呢吓頭髮真係幾好㗎喎
Er…咁請問你係唔係鳳姐呀？
(詠)白：唔…H…
(龍)白︰係定唔係呀？
(詠)白：唔…梗係係啦
(龍)白︰你真係鳳姐呀！
(詠)白：係呀！
(龍)白︰個樣又幾好㗎噃…
(龍)唱︰
真係甜甜甜乜你叫鳳姐咩確係甜
可惜個店名咩都欠自然
呀鳳與龍亂配真係笑話
應該孖我結鳳鸞
今日龍鳳店擺下龍鳳宴
我地兩家至係龍鳳噃配得好啱線
(詠)接唱：
乜你禮教全唔念有心點菜就快啲
我唔願聽等到你埋年
(龍)接唱：
任你龍腸鳳翅我一概不要
只要鳳姐你將心獻
(詠)接唱：
躝開躝開乜你個口得咁賤
咁耐唔扯真討厭
你隻採花粉蝶莫再癡纏
(龍)接唱：我地奇逢萬里緣牽一線
我做到當今帝主至係龍
(詠)接唱：龍你就會飛上天啦
(龍)接唱：何必存心瞞騙
(詠)接唱：你家陣確係確係發咗癲
(龍)接唱：有憑據當今寶印在目前
(詠)白：阿Xiang，咩嚟㗎？
(龍)白︰呢個就係玉印
(詠)白：吓？
(龍)白︰呢個玉印呢，大嗰個呢，就躉喺安全嘅地方，
呢個呢，出行嘅時候，叫做…易袋呀
(詠)白：即係翻版呀？
(龍)白：唔係翻版，係容易袋咁解啫
(詠)白：呀，爭個字…容易袋…
(龍)白：嗱咁樣呢…
(詠)白：點呀？
(龍)白：難得今日同你相遇，咁老實講嘞，
Er…我想請你出去行吓唧…
(詠)白：吓，去邊呀？
(龍)白：呢，嗰便呀，有個公園呢，
我成日見到有啲人呢，喺度等女仔，追女仔嘅
(詠)白：咁，咁，有無登記…安心出行唧？
(龍)白：梗係有啦，去到邊度都可以嘟
(詠)白：咁，咁，你嘟，咁我就同你去嘟啦
(龍)白：咁，鳳姐，請…
(呂)白：咳…喂喂喂喂喂…呀呢位客官，
阿妹你真係唔啱嘞，
你知唔知都未曾畀錢就走咗去嘅？
(詠)白：哦哦，畀錢喎，係喎
(呂)白：佢畀咗錢未㗎？呀唔係…
(詠)白：唔怕…唔怕唔怕
(呂)白：要嘟嘟嘟…
(詠)白：我陣間同佢去出行完之後呢，我叫佢PayMe
(呂)白：記得呀吓
(龍)白：知道知道
(呂)白：唔好走數呀
(龍)白：知道知道
(詠)白：嚟啦嚟啦
(呂)白：呀，好聲行呀吓
(呂)白：咦喂，嘩嚡，咦老細，阿老闆你好…老闆
(進)白：點呀
(呂)白：嘩嚡，老闆，梗係叫你啦
(進)白：你點知道我係老闆呀？
(呂)白：嘩嚡你西裝畢挺咁，
又揸住枝大雪茄，嘩睇嚟又大叠水咁喎
(進)白：裏面嗰啲唔好𢲡出嚟睇吖…
(呂)白：哈哈哈…Er…老細，招呼唔到，有咩幫到你呀？
(進)白：喔…無…
(呂)白：呀，而家唔可以兩個人，
多過兩個唔得，你要咩食呀？叫邊個嚟食吖？
(進)白：你同我搵個…靚女嚟招呼我咁就得㗎嘞…咁呀…
(呂)白：我呢度叫龍鳳店，咁但係呢度無鳳可以叫過嚟…哈哈哈
(進)白：無鳳…
(呂)白：哈哈哈…叫龍鳳店…但無鳳可以叫過嚟…
老奉叫…叫雞…即係食就得…係嘞
(進)白：得嘞…你整隻妙齡嘅嚟食吓啦
(呂)白：妙齡鴿啦…
(進)白：係咁喇
#呂珊 #呂珊LiveShow #游龍戲鳳 #龍貫天 #陳詠儀 #鄧美玲 #陳鴻進 #RosanneLui #友星有聲 #節節有星 #粵唱粵友