Рет қаралды 70,769
姜濤今日(7日)剪了個新髮型,以HPV健康教育大使身份出席短片宣傳活動。
今日天氣都幾熱,姜admin仍然一身冬裝,他說:「我唔熱呀,反而有啲凍,因為室內吖嘛。」
姜表示生日在工作中度過,拍緊《季前賽》,劇組買了個大蛋糕給他,大夥兒一齊慶祝。晚上他落了姜濤灣打卡並感謝姜糖,結果引起哄動,姜解釋:「我都係臨時想去,嗰陣時接近夜晚11點,我以為夜晚冇乜人;覺得fans咁有心,咁落去影吓相或者點,同埋近視,離遠睇唔到原來好多人,一落車嘅時候……哈哈哈哈,想返上去嘅時候已經太遲,幾好笑幾好笑…」
話題來到姜媽媽落去打卡,姜糖高呼「 #奶奶 」,姜濤 笑言知此事:「我梗係知啦,叫佢『奶奶』吖嘛,哈哈!」
【演唱會騷手指肌 交波Jeremy做肌肉擔當】
姜admin指《 #季前賽 》尚有幾日煞科,又指刻下Mirror眾成員陸續開始準備演唱會,姜曾因為斷食不適見暈,他指:「我諗今次大家都擔心自己嘅體能嘅,始終紅館係一個更加大嘅舞台,所以大家而家開始已經操體能,一定會做得比上次更加好嘅,相信。」會唔會睇到姜Man晒肌?他扮傻問係咪Jeremy,「我未敢住喎,因為今次 #肌肉擔當 係Jeremy!」追問幾時到他,有否期待呢?他說:「我都有少少呀,手指嘅肌肉。」咁平時見唔到嘅肌肉會唔會show show?「驚嚇親你,即刻走即刻走,退票!」又發出魔音。
【有冇演唱會飛?姜admin笑姜媽「多咗好多朋友」】
MIRROR開演唱會﹐行內關事同唔關事嘅人都被問「有冇飛」﹐就連只影過一張合照的「姜叔」張堅庭也被追問,姜admin自是不能悻免,不過他好像吃了誠實豆沙包(同柳Jer一樣…),如實作答表示自己親友不多﹐需求有限。上次姜都係咁答,話自己朋友不多;當時有班兄弟幫手解圍,今次呢:「其實我親戚朋友都唔係好多(細聲講),可以幫到身邊嘅人嘅話都OK。如果有得幫佢哋買,梗係盡量啦。」姜太善良…
對於外傳票價炒到44萬一張,他嘆了口氣,搖了搖頭:「唔好呀唔好呀(買),我寧願我哋辛苦啲開多幾場,都唔好為咗睇一場半場去買,因為太誇張喇!」又笑言姜媽已經問他有冇飛,「『唔使多唔使多,十張八張得㗎喇』嗰啲,我入咗行之後佢多咗好多friend。」
【唔拍拖保持A0之身?「梗係唔會keep住啦!」】
明日母親節,姜說母親年紀越來越大,要求越來越少,「佢希望我嗰日可以放假陪到佢,嗰日都好似有時間。」姜媽被糖稱為「奶奶」,那她有催濤濤帶個「真.新抱」見家長嗎?姜說:「冇喎﹐佢反而唔係好鼓勵我拍拖,佢覺得我呢個時間拍拖唔係幾好。」話題至此,有人笑問他是否「keep住A0之身」,姜笑:「唔…梗係唔會keep住啦!」他沉思了一會,再說:「…我唔會宣佈(幾時唔係)…哈哈,等佢成為一個永遠嘅䛧﹐幾時…幾時…都市傳說,我真係好後悔當初講咗呢一個…」此時此刻姜一定好掛住班兄弟幫手解圍。
【軒公與才子】
MIRROR虛火論最近鬧得沸沸揚揚,姜說知道陶傑與蕭若元說法,他只簡單謂:「我哋都未有資格評論任何人對我哋嘅評論,始終我哋有好多地方都未做得好,我覺得,我哋會努力將呢股虛火變成『實火』,呢個係我哋喺呢一行嘅動力﹐永遠都係。」至於軒公張敬軒扮12子擺pose影海報,又執導拍短片,姜表示由衷折服:「好佩服佢,好佩服佢,齋搵晒我哋12套衫已經唔簡單﹐仲要模仿晒我哋嘅姿勢,神髓,好佩服佢,同埋真係好似,真係好似,哈哈!」魔音又來了。
#姜濤 #即時新聞 #娛壹