ჯომარდობა / jomardoba

Рет қаралды 1,719

11 жыл бұрын

აფხაზეთის თასის გათამაშება ჯომარდობაში. 26 ივნისი, 2013 წ.
2013 წლის 26 ივნისს საქართველოს ჯომარდობის ეროვნული ფედერაციის ორგანიზებით ბორჯომში მდინარე მტკვრისა და ჩითახევის შესართავთან გაიმართა აფხაზეთის თასის გათამაშება ჯომარდობაში. აღნიშნული ტურნირი პირველად ჩატარდა, რომელზეც მიწვეული იყო ორი გუნდი ისტორიული ჰერეთიდან. გუნდების „ჰერეთისა" და „ქურმუხელის" ტურნირში ჩართვას ნავთობკომპანია „გალფის" მხარდაჭერით ორგანიზება გაუწია არასამთავრობო ორგანიზაცია „ჰერეთის კულტურულ-საგანმანათლებლო საზოგადოება ქურმუხელმა".
შეჯიბრი საკმაოდ საინტერესოდ და აზარტულად წარიმართა. ყველასათვის მოულოდნელად გუნდმა „ჰერეთმა" საერთო ჩათვლაში ბრწყინვალე დრო აჩვენა, მონაკვეთი 02:51:28 წუთში გაიარა, მეოთხე ადგილი დაიკავა და პირველ სამეულს სულ რამდენიმე წამით ჩამორჩა.
ტურნირის მეოთხედფინალში, წილისყრის შედეგად, ერთ ჯგუფში აღმოჩდნენ გუნდები „ქურმუხელი", „ჰერეთი" და „თვითმართველობა", სადაც ისევ გუნდმა „ჰერეთმა" იმარჯვა და ნახევარფინალის საგზური მოიპოვა. ხოლო გუნდი „ქურმუხელი" მესამე დაშვების შემდეგ გამოეთიშა ასპარეზობას.
ნახევარფინალი ძალიან დაძაბული შეხვედრა აღმოჩნდა, თუმცა გუნდების „ჰერეთისა" და „მათემატიკას" ერთმანეთთან შეჯახების გამო, დრო იხელთა გუნდმა „სოც-პოლმა" და ფინალის საგზური მოიპოვა. ხოლო გუნდი „ჰერეთი" ხუთ საუკეთესო გუნდს შორის აღმოჩნდა და ღირსეულად გამოეთიშა ასპარეზობას მეოთხე დაშვების შემდეგ.
ტურნირის ფინალში გასულ გუნდებს შორის მეხუთე დაშვების შემდეგ გამოირკვა აფხაზეთის თასის მფლობელი გუნდი, რომელიც აღმოჩნდა სოხუმის უნივერსიტეტის გუნდი „სოც-პოლი". მეორე ადგილიც სოხუმის უნივერსიტეტის გუნდმა „ჯანდაცვამ" დაიკავა. ხოლო მესამე ადგილზე გავიდა გუნდი „ალქაიდა", რომელმაც ყველაზე გვიან გადაკვეთა ფინიშის ხაზი.
საზოგადოება ქურმუხელი დიდ მადლობას უხდის საქართველოს ჯომარდობის ეროვნულ ფედერაციას ტურნირში მოწვევისათვის და ნავთობკომპანია „გალფს" მხარდაჭერისათვის!