Рет қаралды 47,017
كلمات / عبد الرحيم منصور - تلحن / بليغ حمدي
جرحتنى عيونه السودا واللى يداوينى مين
اتارينى بيه موعودة واهرب من وعدى فين
هو صبايا هو والعمر كله هو
والحب ف قلبى جوه شايلاه مدة وسنين
محدش ف البر خالى حتى قلوع المراكب
والريح مالهش غالى والريح مالهش صاحب
يا رايح والسكة بعيدة سلملى على عيونه السودا
تجرحنى وبعدين تداوينى
يا رايح ماتقول لغزالى ف البعد يخطر على بالى
على عينى وبعده على عينى
وحدى ف رحلة طويلة والليلة بألف ليلة
جابلى الذكرى الجميلة مالية عليا المكان
سألت البحر عنه ضحكلى بضحكة منه
والناس قالولي والله السلوى ف النسيان
جرحتنى عيونه السودا واللى يداوينى مين
اتارينى بيه موعودة واهرب من وعدى فين
هو صبايا هو والعمر كله هو
والحب ف قلبى جوه شايلاه مدة وسنين