جروس مدرب الزمالك ؟ يبدو انها نهاية علاقتى بالزملكاوية 😁 .. رحلة بـ آلة الزمن لسنة 2019 | فى الشبكة

[@fishabaka]

نتمنى دعمكم لينا بـ Like و Share لـ الفيديو عشان يوصل لأكبر عدد من الناس وتقدر تشترك فى القناة من اللينك ده bit.ly/2AJtCxg

[@بولاميلاد-ح6خ]

بجد انت من احسن الناس اللي بتحلل الكوره وانا مش فاهم ازاي لغايه دلوقتي انت مش موجود على اي قناه تلفزيونيه في ناس موجوده على التلفزيون عماله تهبد وخلاص في التحليل

[@fishabaka]

حبيبى تسلملى على كلامك الجميل ده بجد وعلى ثقتك

[@abumazen3917]

جروس معاه لاعيبة متسواش كانوا نجوم ومن بعدها اختفوا او نجوميتهم قلت جامد زي عبدالله جمعة اللي اتحول لباك ليفت رهيب كهربا افضل فترة فى مسيرته كانت مع جروس بداية تطور الونش وتحوله بعد كده لواحد من افضل مدافعين القارة محمود علاء المدافع الهداف فرجاني ساسي افضل فترة في مسيرته كانت مع جروس الاداء الرهيب لطارق حامد معاه اوباااما الفترة الوحيدة اللي لعب كورة بجد وكان مؤثر كانت مع جروس جنش اللي بقى يتقال عليه حارس مرمى ودخل منتخب

[@Chemistry.lab333]

انا بتفق معاك ف عدم التفاءل مع جروس بس بختلف معاك شكلا وموضوعا انت بتقول معاه فرقه كويسه جدا مع احترامي ليك هي فين الاعيبه دي الفرقه الي انت ذكرتها مفهاش غير جنش وساسي وكهربا والونش الباقي كله ولا شيء انا عمري مقتنعت باوباما انه لعيب ولا محمود علاء بيعرف يباصي طارق حامد مسمار ف خط الوسط بس اكتر واحد ف الزمالك يخلي الزمالك يفقد الاستحواذ انه بيعمل فاولات علي الزمالك مكنش معاه هجوم خالص مين عمر السعيد ولا كاسونجو ولا ولا وحتي مع الفرقه دي فيه لعيبه بستغرب انها بتلعب للزمالك انت ازاي بتقول علي حسام عبد المجيد سوبر ياشريف اكبر مكسب للزمالك ان عبد المجيد يمشي لانه مش بيعرف يلعب كوره فاي ضغط عليه بيرتبك ويلعب طوليه فيفقد الاستحواذ بس ممكن ينجح لانه عنده لعيبه الاهلي تنجحه تخيل عبدلله احمد حمدي ناصر ماهر دول لعيبه بتعرف تطلع بالكوره وعندك زيزو وبنتايك وفتوح لعيبه كوره صدقني مشكلته هتكمن ف دونجا وشحاته وعبد المجيد وعواد علشان الزمالك يبقي كبير اوي لازم لعيبه تعرف تباصي تحت ضغط ومتلجلش للطوليه ده رايي وطبعا فيه لعيبه تمشي النهارده قبل بكره زي ميشلاك وانا حاسس ان شلبي بمهارته لو طوره هيبقي لعيب جامد بس يكون فيه مرونه فكر عند شلبي لو عاوز يبقي حاجه كبيره

[@aliallahhammam5877]

قد يكون جروس مش هو الإختيار الأفضل لكن لايقاس على دورى ٢٠١٩ لاسباب كتير اهمها تفصيل المؤجلات للأهلي بلعب الفرق الضعيفه للاهلى لحين التعاقد مع صفقات ابرزها رمضان وبعدها تهريب كهربا وقبلهم ان مرتضى مشاه اضافة لاصابة جنش واللعب بعماد السيد وعنر صلاح وبالنسبه لجون او بالمعنى الادق الشك فى جون ناسى ان فى نفس الماتش اتلغى جون لابراهيم حسن فياريت يكون فيه موضوعية حتى لو انا مش حابه ولا حابب طريقة لعبه واعتماده على عدد معين من اللاعبين

[@waleedabdallah9423]

احسنت

[@solimanmahmoud1656]

لو هو فضل عالى فنيا و عمل تدوير بين اللاعيبه كان كسب الدورى مش كل حاجه نخترعلها مبررات عشان كسب بطوله بضربات الجزاء

[@eslam_emad14]

فعلا👏

[@khaledzamzam9703]

كلامك فنيا صحيح .. بس في حاجة ادارية كدة حساسس انها هتنفع معانا .. اولا عقده لنهاية الموسم .. يعني هو مطلوب منه يعمل قوام اساسي للفريق بطريقة لعبه اللي هي بتعتمد على 13 لاعب ونبنى عليها الصفقات الجديدة المطلوبة في المراكز الناقصة.

[@mahmoudsaid7000]

اولا بقالو سنتين فقط وعلى حسب روايه المقربين من الزمالك الراجل عندو الشغف وعايز بطوله وكان ليه اشتراطات قبل تولى المهمه.. انا شايف أنه ممكن ينجح لخبراته ف الدورى المصرى .

[@ahmedmosad8380]

بقاله 4 سنين مبيدربش من سنه 2021 مع شالكه وبعدها كان مدير رياضي لنادي بازل مش مدير فني

[@elmoshmohands9329]

😂😂😂😂

[@tareq70704]

كلامك صحيح ميه ميه وانا مقتنع بيه بس الأمر بقى واقع خلينا نستنى ونشوف ممكن يغير قتاعاتو ويلعب لعب حلو ونطلع كلنا غلط ومافيش احسن من ماتش سيراميكا نشوف افكارو الدفاعيه والهجوميه ويارب ينجح 🤍 كل احترامي يا احسن محلل رأيته عيني😅🤍

[@fishabaka]

شكرااااا يا صدييييقى

[@محمدعادل-ب2ص]

على العموم انا شايف انك مايل شويه على نقاط الضعف وجوميز قلتوا عليه كدا قبل مايجي

[@AhmedAhmed-jq7ki]

دا متكلمش عن كهروب وبطل المحيط الهادي 😂

[@memo1217]

انا عن نفسى مش متفائل بجروس كان رافع ضغطى زمان وماصدقت انه مشى يا جدعان كان معاه اسكواد قوى وكان بيلعب ب ١٣ لاعب بالضبط يا جدعان ماكنش بيعمل تغيررات فى بعض الماتشات سيئ ومش هيكمل ٣ شهور على بعض

[@fishabaka]

فعلا كان معاه تشكيل كويس وفيه نجوم عشان البعض بيقول ماكنش معاه لاعيبة

[@ahmednawassany5356]

@@fishabakaيا شريف انت ناسي بس شوية لان لو تفتكر في الكونفدرالية ساسي كان اتصاب و مكانش موجود مصطفي فتحي فا الزمالك كان بيلعب ب طارق حامد و محمود عبدالعزيز و اوباما و ابراهيم حسن و عمر السعيد و كهرباء بالله عليك عايزه يلعب كورة ازاي لكن لو تفتكر بقي الدور الاول لما كان ساسي موجود بس كان الزمالك متصدر الدوري بفرق كبير وكان اقوي هجوم و بنكسب كل ماتش سكور بالاربعة و الخمسة وبدليل يا شريف علي كلامي ان في الاخر الزمالك جاب مع جروس ٩٠ هدف في حاجة و اربعين ماتش و اسمه كان بيدافع فقط في الكنفدرالية (لما فرجاني اتصاب)

[@SamSulek-ni3vq]

دايما بتفتكره كره جنش في حسنيه اغادير ولا تتذكروا هدف ابراهيم حسن الملغي زورا في نفس الماتش والكره في كتفه واتحسبت في إيده ...حاجه غريبه

[@ihabmassaad6621]

شريف الشيتانى حكاية ان جروس عنده سبعين سنه فهو عجوز،عجوز في مصر،هنا في اوروبا الانسان اما يبلغ السبعين بيكون طلع عالمعاش وبيلف العالم(آسيا،افريقيا وامريكا الجنوبية ) عادي وبيكون بكامل قواه العقليه والبدنيه..و على فكره سمعنا نفس النغمه دي اما فيريرا رجع،انه آخر فريق مسكه نتائجه كانت سيئة وانه مادربش آخر تلات سنين وبعدين شفت فيريرا عمل ايه بأقل امكانيات..جروس دلوقتي خبير كروي وبروفسير تاني وكلنا نتذكر انه عمل من الفسيخ شربات في ولايته الاولى

[@abdowahed5149]

بجد تحليل تحفة يا شريف ❤️❤️ من زملكاوي انا شايف نفس رايك بالضبط بالاخص ان كل المعطيات بتقول كده بس اتمني الراجل يطلعنا كلنا غلط

[@fishabaka]

نتمنى والزمالك يلعب كورة حلوة

[@خيريمحمد-ج3ق]

نفس طريقة كولر ماتش القمة هيبقي ممل عن السنين الي فاتت الاتنين بيدافعوا😂

[@fishabaka]

هيبقى عذاااب ههههه

[@خيريمحمد-ج3ق]

@fishabaka اكتب كلام عماد السيد عن جروس واسمعه بعد اذنك

[@mohamednopy8640]

اول تعليق لأحلى محلل ❤😊

[@OmarIbrahim-hc2ck]

حرفيا الاداره ضحكت ع الجمهور

[@fun_guranteed]

يا اخي للاسف انتا بقيت بتعوم في بحر من عدم الحياديه والموضوعيه لما بتيجي تتكلم على اي حاجه عن الزمالك اولا : جروس كبير سنا ايوه بس انت مقولتش ليه ان في اللي اكبر منه ومسك فرق وحقق نجاحات عادي جدا ثانيا : اصل هوا بقاله كام سنه قاعد ف البيت برضو مش اول ولا اخر مدرب يبقى مريح من فتره ويرجع وينجح النقطتين بقى دول بالذات عندنا امثله قريبه مننا جدا زي فيريرا اللي كان اكبر من جروس ورجع باقل الامكانيات وحقق دوري وكاس وبرضو مسكته سلخته وقتها لا مش حلو لا كبير لا مكنش بيدرب بقاله فتره يا اخي كولر نفسه كان بقاله سنتين مبيدربش قبل ما يجي الاهلي وهو برضو مدرب كبير سنا مش شاب يعني وعادي مشوفناش الكلام دا ثالثا : اصل كان له تجربه كارثيه مع شالكه وخسرهم معرفش 9 متشات من 11 وكلام حمصي للاسف طالع من حد مش متابع ولا عارف حاجه لان اصلا هو كان ماسك شالكه ف المركز الاخير ومليان مشاكل وسواء قبل او بعد جروس شالكه كان بيخسر وهبط دي مكانتش مشكلة جروس بالعكس دي مشكلة فرقه كانت بتغرق محاولتك انك تحصر المشكله ف جروس دي ريحة عدم الموضوعيه فايحه منها بشكل غير طبيعي رابعا : نيجي بقى للانتقادات العجيبه اللي انت بتقول عليها ف فترة جروس مع الزمالك اولا الكونفدراليه متش اغادير يا حج شريف يا حمصي الكوره اللي بتتكلم عليها مفيش زاويه عموديه ع الخط تجزم انها دخلت وفي صور لكور بالهبل زي الصوره اللي متاخده تبان انها دخلت من الكاميرا الاماميه وتطلع مدخلتش زي كورة الليفر والسيتي الشهيره اللي غيرت مسار الدوري للسيتي ف انا مش عارف انتا بتعجن ف اي غير اننا لو افترضنا انها جون في هدف اتلغى لابراهيم حسن ف نفس المباراه بداعي التسلل وهو صحيح مليون % ف انا مش عارف انتا مذكرتوش ليه اكيد سقط سهوا طبعا الكونفدراليه خدناها بكل استحقاق ويكفي ان الزمالك كان صلب جدا جدا دفاعيا وهجوميا انتا بتحاول تلبس الراجل العقم الهجومي رغم ان الزمالك ساعتها لم يكن يمتلك سكواد هجومي قوي اللهم الا كهربا اللي كان بحالات انا بقى عايزك تقولي كدا مين اللي كان عند الزمالك .. يا راجل خليك منصف دا غير ان اخفاقات الدوري كان وراها مرتضى منصور اللي كان حاطط نقره من نقر الراجل واي متش يحصل فيه تعثر كان يثير المشاكل جوا الفريق وكلنا عارفين الكلام دا ومشى الراجل وكان لسه الدوري ف الملعب عشان ميديلوش مكافأة الفوز بالدوري لو فاز الدوري دا كلنا كزمالكاويه محملينه لمرتضى منصور اولا واخيرا مش عارف ازاي وبناءا على اي انت مصمم تطلع اخفاقات لجروس عشان تثبت وجهة نظر غير محايده وغير موضوعيه انه هيفشل بالعافيه

[@gaberbelal42]

عيال لا درست ولا عملت ويجي يقيم مدربين ٥٠ سنة كوره اكبر فتايين المصريين

[@fishabaka]

طيب بعد الزمالك مانجحش ليه ؟ يعنى عادى فيه مدرب ممكن ماينجحش

[@mohammedelbaz2167]

كوره حسنيه اغادير مدخلتش يا استاذنا وعندي صوره من خلف المرمي واضحه زي الشمس لو تحب ابعتهالك

[@fishabaka]

انا مش بجزم دخلت ولا مادخلتش وماحدش يقدر يجزم بالعين المجردة بس كان ممكن تتحسب

[@ForeverLiving-Products-Gulf]

انا دايما بثق في رايك اختياراتك وعمري ما انسى انك اول واحد قال ان الزمالك محتاج لاعب زي ناصر ماهر وان هو ده المكعب الناقص في الزمالك ربنا يستر

[@shadyabdalazeem]

يا كابتن جايز انت ناسي بدايات جروس كان بيقدم كوره هجوميه جميله جدا لكن النتايج كانت ضده ف الدوري وافريقيا لذلك الراجل بواقعيه شديده بدأ يلعب بتوازن وتنظيم باعتبار ان ده أنسب من الهجوم الكاسح لكن للاسف انت مش هتلاقي ماتشات قديمه علشان تتأكد ان كلامي صح

[@Bassem-abrag]

انا لما مشي جروس فضلت اشكر ربنا والله العظيم . يقوم حسين لبيب بيه جايبه تانى

[@mohammedreda3143]

فى ماتش حسنة اغادير فية جول صحيح للزمالك اتلغى لإبراهيم حسن يعنى كان الزمالك صعد برضة ومتنساش ان كولر قعد سنتين فى بيتهم قبل ما الاهلى يتعاقد معاة ونجح جامد مع الاهلى ،، ع العموم نصبر ونشوف وتحياتي لك ياشريف وشكرا على مجهودك

[@MostafaAbdelaziz-jm4mi]

اللهم صلي وسلم وبارك علي سيدنا محمد

[@MrZizo1981]

يابني انت حتي لو اهلاوي تستاهل كل خير و الله

[@fishabaka]

❤❤

[@اسامهالسيد-ي8ص]

للأسف ؛؛ حصل اللى كنت متوقعه ؛؛ وتم إختيار سىء ؛؛ اختيارات المجلس دا بصراحة ماتفتحش النفس ؛ لا للاعبين ولا المدربين ؛؛والمرة دى مش مشكلة فلوس ؛ لأن مايُقال انه حياخد هو والجهاز المعاون85 الف دولار ؛؛ بينما كان جوميز بياخد 65 الف بس وعجزنا عن دفعهم !!كنت اتمنى يكون اللى بيختار عقلية متجددة ؛؛ تراعى طبيعة اللاعبين الموجودين وإيه نوعية المدرب اللى تتناسب مع امكانياتهم ؛ والطموح إيه لقُدَّام ؛؛ عايزين نبنى فريق قوي هجوميا ودفاعيا ؛؛ نرمم الموجود بالصفقات اللى تنقصه ؛؛ لكن واضح إن الكلام دا مش فى الحُسبان ؛؛ عموما التجربة قصيرة فيما يُقال ؛؛ التعاقد سيكون لمدة 6 اشهر ؛ يعدوا ؛؛ ونشوف بعدها إيه حيجرى

[@fishabaka]

وهى دى النقطة اهدار دولارات طول الوقت

[@Mamdohhakkar]

😂 ده بنسبة كبيرة

[@SamirRefaat-l8h]

تحليل هاءل

[@fishabaka]

حبيبى

[@3BaaCtt]

يابنى الراجل بدأ 4141 و فكره كان هجومى فشخ و بعدها غير لـ 4231 و كان مكسر فرق الدورى لحد ماتش جورماهيا و بعدها غير شكله و طريقته عشان يقدر يواكب و شوفنا نسخه دفاعيه ملهاش مثيل جاب أغلى بطوله و كان واقف على 3 ماتشات فى الدورى يكسبهم ياخد الدورى و مرتضى باع الدورى و مشاه الدورى اللى اتفصل للأهلى أساساً .. و كان أول موسم بس تخيل كان كمل مع لعيبه زى مصطفى محمد و بن شرقى و امام و فتوح كان ممكن الفرقه توصل لفين معاه لما يمزج الفكر الهجومى القوى له مع الفكر الدفاعى الرهيب والصلابه كان ممكن يعمل نسخه عامله ازاى ؟ صباح الفل يا عم شريف

[@fishabaka]

جروس خسران ١٤ نقطة فى اخر ١٠ ماتشات قبل ما يمشى يبقى مين اللى ضيع الدورى ؟

[@3mo_3bhady-47]

تحليل ممتاز 👌🏽 برافو عليك غير اني متفق تقريبا مع كل كلامك، ضيف عليهم ان الزمالك فعلا ممعوش فلوس، كان لازم يوفر اكتر من كدة 😮

[@fishabaka]

تسلملى وبالظبط كده عشان ماتهدرش دولارات على الفاضى

[@3mo_3bhady-47]

@ لازم نقتنع ان خطة احسن مدرب في الدنيا بيدرب لاعيبه مش عارفه تدفع اقساطها مش منطقية ومش مقبولة ومش ناجحة ابدا 😅

[@hallakhnasr873]

تحياتى ليك يا شريف احب ابشر جماهير الزمالك الراجل ده بيقدم كوره عقيمه و م بيقتنعش باللعب المهارى ذى ناصر ماهر و عبدالله السعيد ..... ياراجل مكانش مقتنع ب زيزو ... وارجعوا للتاريخ ....

[@fishabaka]

صحيح وهنستنى نشوف فى الملعب

[@MrAhmedsallam]

اللهم صل وسلم وبارك على سيدنا محمد

[@modesalah7607]

طول عمرك بتكرهه وانا اختلفت معك ولكن انت طلعت صح مدرب عنيد ولا شكل ولا منظر للفريق ولا تدوير للاعبين ربنا يستر

[@fishabaka]

مش بكرهه 😀 بس مش بحب طريقته واداءه

[@hosamfarouk1073]

ع فكره عقده جوميز ٦ شهور بس لإنقاذ الموقف حاليا وإخراج الزمالك من ورطه خطهروب جوميز لكن لو ما عجبش مش هايتعمله عقد تاني

[@fishabaka]

ماعتقدتش جروس هيجى عشان يعمل عقد 6 شهور

[@ForeverLiving-Products-Gulf]

بس في نقطه الأسماء اللي انت قولتها تقيله لدرجة انه صعب اللي بره يلعب

[@Messi10691]

عاش❤

[@fishabaka]

حبيبى

[@AliSubhi-xs4rn]

متفق معاك في معظم كلامك مع اني بحب جروس بس نقطة اللاعيبة الي كانت معاه جزء مش قليل منهم ملعبش كوره غير معاه زي محمود علاء وجنش واوباما و عبدالله جمعة وحتى كهربا كانت احسن فورمه له ولو انا فاكر صح مصطفى فتحي كان مصاب جزء كبير من الموسم ده 😅

[@fishabaka]

بس كورة تقليدية جدااا

[@Ahmadabddelmageed7009]

الحاجه الحلوه اللى انت بتفكر فيها دى عايزه بداية موسم أو فترة توقف محترمه المدرب يقدر ينفذ فيها أفكاره مش وسط موسم و ضغط مباريات

[@fishabaka]

يبقى كان مدرب مصرى حاليا يكمل الموسم افضل من جروس وحرق دولارات مع مدرب اجنبى

[@رمضانالحفني]

ليه جمهور الزمالك بيحبك ويحب تحليلك يا شريف

[@ahmedelshamy4388]

اهم نقطة كمان ان الاسكواد الحالي مش مناسب تماما لفكر جروس اغلب اللاعبين عاوزين الكورة في رجلهم عكس فكرة

[@fishabaka]

بالظبط كده

[@ruperduckify]

ربنا يطمنك هههههههه

[@anasmohsen4716]

قرار غريب جداً من الاداره

[@mohamedosama8330]

يصحبي انت بتقول مدرب بيعمل هويه ؟! هيعمل هويه ازاي وهو جاي في نص الموسم دا جاي بشكل موقت لحد اخر السنه وبعدين تفكر في مدرب يعملك هويه انت بتحلل كويس بس لازم تاخد بالك من التفاصيل الصغيره دي عشان توصل وتبقي حاجه كويسه انشالله

[@AhmedHamZa331]

معرفش ليه انا حاسس ان جروس هيقدم نسخه احسن من اللي فاتت لانوا كان بيشتغل في جو زي الزفت ومرتضي كان ضاغط عليه وعلي اللعيبه وجروس عندوا حته كويسه ممكن تمشي شويه مع الزمالك هو بيلعب علي الاطراف هتبقي مريحه لبعض اللعيبه ولاعيبه لا وكل مدرب وليه ضحايا واللعيبه كمان لازم يبقي عندها مرونه ..انا بحب اتفائل ولما نشوف هيعمل ايه وربنا يستر وبعدين يا عم شريف انت عشره قديمه مع الزمالكاويه وواخدين عليك وعارفين طريقتك وبيحبوك علي كدا 🫡 🤍 حبيبي يا برنس 🤍

[@fishabaka]

نتمنى وهنستنى نشوف ههههه

[@pody1089]

طب هي ديه طريقة اللي لعب بيها في كل الفرق قبل و بعد الزماللك او عندو تيكتيكات غيرها و بصراحه تحليلك منطي و جميل انت واحد من افضل المحللين في مصر معرفش انت ازاي مبتطلعش علي المشاهده التليفزينيه و ممكن تعمل مقارنه ما بين جوميز و جروس في الكونفدرالية من حيث الهداف الي هجوم الزمالك قدر يسجلها و الاهداف اللي دخلت دفاع الزمالك و شكرا اتمني ترد عليا

[@fishabaka]

تسلملى على كلامك الجميل ومتفق فيه فرق فى الشكل الهجومى كبيير

[@pody1089]

@fishabaka طب هل ديه طريقتو في كل الفرق اللي دربها اعتمادو علي 14 اللاعب فقط و الفوز علي علي شعره

[@Abdelrahman-xi8jc]

الفريق الصراحة فى الاول معاه كان شكله الهجومى فيه طفرة جدا بعد قلب مرة واحدة الجب بم تخ 😂 مجلس إدارة عقيم فى كل حاجة و جايين يحصدوا إللى زرعه مرتضى منصور مجلس فاشل و يفتقد للإبداع و الابتكار

[@khaliled6591]

هو في محلل محترم ومخضرم يقول "اشخر" ولا ده مصطلح جديد في علم التحليل الحديث😂😂😂

[@ziadmohamed2903]

الإدارة دي بتهزر 🤬

[@MohamedAlshabrawy-g1p]

لما تكون معترض على حاجة قول بديل وده فى ظل أنك فى نص الموسم ومفيش رفاهية أنك تجرب مع حد جديد على الأجواء

[@fishabaka]

البديل كان مصرى لو مش هتعرف تجيب مدرب كويس احسن ما تهدر دولارات

[@MohamedAlshabrawy-g1p]

@fishabaka مصرى مع النجوم دى كلها ! أقسم بالله انت ملكش فيها

[@mahmoudgaballa3869]

طول عمرك مش بتحب جروس 😅😅😅😅😅😅 بس مختلف معاك المرة دي شايف انه كان اختيار صحيح الفترة دي لانه عارف الأجواء هنا وفي أفريقيا انما هتجيب واحد لا يفقه شيء عن الملاعب المصرية والأفريقية مش معاك بصراحة اللي مش عاجبني بصراحة انهم هيمضوا معاه فترة كبيرة المفروض لنهاية الموسم بس لحد ما نشوف

[@fishabaka]

كل شىء وارد 😀

[@alyzakaria3927]

انت لازم تسأل اللي اختار جروس كوير بيفهم كورة لاأظن فيه واحد من الادارة بيفهم كرة قدم لو يحلو عن النادي يكون خير

[@fishabaka]

هما ريحوا نفسهم باسهل اختيار الجمهور مش هيعترض عليه

[@samehsamy18694]

نفسي ف مره اشوفلك فيديو الايق بتشكر ف حاجه ف الزمالك كل ماتفرج عليك ف اي حاجه تخص الزمالك بتكون بتقطع فيها يعني مفيش مدرب جه ف اخر ١٠ سنين عجبك ودايما تحلل وتطلع فيه القطط الفتسانه وكلهم بالنسبالك وحشين 😂 حتي اللعيبه مهما كان نجم او كويس نيجي نسمعك ف تحليل تحس ان لاعب دا معندهوش فكر 😂😂 دا ع مدار وجودك ع اليوتيوب شوف بقالك كام سنه نفسي تجبلي فيديو ليك بيشكر ف حاجه تخص الزمالك

[@fishabaka]

فيريرا وناصر ماهر وعبد الله وزيزو والجزيرى ودونجا والونش وفتوح وبنتايك وقبليهم كتير كل دول ومش بشكر خالص فى الزمالك ؟ 😀

[@yosefsheref8226]

انا بتابعك من وانا ف تالتة اعدادي او تانية اعدادي وحاليا انا ف اولي كلية هندسة وبحبك جدا وكنت مهون عليا فترة تالتة ثانوي وانا زملكاوي ع فكرة 😂😂

[@AliSubhi-xs4rn]

امال لو عرفت ان الادارة كلمت باتشيكو عشان يبقى منها مدرب اجنبي ويحلوا مشكلة مستحقاته 😂

[@fishabaka]

😅😅

[@omarmoustafa6981]

تفردك في رأئي ميزة تتحسد عليها الهم لا حسد كمل دايما حتى لو مفيش مشاهدات ولا شهرة الباقي انت بتقدم حاجة كبيرة اوي جمهورها مش كبير

[@fishabaka]

كلام محترم جداا ❤

[@hishamheikal9313]

و كان يقول احرزوا هدفين و كفى..

[@SuperFayry]

مشكلته انه بيعتمد علي ١٤ لاعيب لحد ما اللعيبة تجهد ويخسر مباريات. كان جابوا طارق مصطفي .او مدرب برتغالي طالما ماشيين مع الفريق

[@fishabaka]

صحييح

[@samehsamy18694]

ف مصر حافظين جمله بقاله مش عارف قد ايه قاعد مش بيدرب ع كدا زيدان بقي ملط ومش بيدرب وقاعد ف بيتهم 😂 ياجدعان بقي متتعبناش

[@fishabaka]

زيدان هيبقى زى مدرب عنده ٧٠ سنة ؟

[@samehsamy18694]

@fishabaka فيريرا لما راح السد كان عنده ٧٠ سنه وعمل كل حاجه السن مش مقياس خالص هو مش قاعد منعزل يعني وكمان كان مستشار فني ف بازل يعني موجود ف الاجواء

[@omarbelal16020]

اولا الموضوع كلة عندة جروس هو شخصيا لو شايفاللاعيبةدى مش هتندم طريقة لعبة كان رفض التدريب من الأساس ورايي هيحصل حاجة من اتنين ياما هيغير طريقة لعبة بناء علي القماشة الي عندة ودة انا بستبعدة يا اما هيختار اللاعيبة الكفحتاجية الجراية الي هتخدم طريقتة زى شحانة وزيزو والجزيزى وميشالاك ودونجا وهكذا وهيردم علي الباقي

[@زملكاوي-ث5ي]

قبل ما اسمع الحلقه جروس هيفشل لانه مكنش الجامد اوى اجمل شيء فيه البدنى

[@fishabaka]

ماحدش يقدر يجزم هيفشل ولا هينجح

[@Dr..Eslam.Gomaa212]

في هدف صحيح للزمالك اتلغي في نفس الماتش يا اخي الفاضل ارجوا مراجعة المعلومات مرة اخري الهدف كان ل ابراهيم حسن مع اني معاك في وجهة نظرك علي جروس بس اختلف معاك في النقطة بتاعة الماتش وجنش زي ما قولت دي المفروض تقول علي هدف الزمالك الصحيح اللي اتلغي

[@fishabaka]

احنا مش بنناقش الحالات التحكيمية يا اسلام القصد انك دايما كنت بتفوز بالعافية

[@Dr..Eslam.Gomaa212]

@fishabaka عارف والله اننا مش بناقش الحالات التحكيمية ومتأكد من كده بس معلش يعني اللقطة بتاعة جنش كتير هيفهموها أن الزمالك كسب البطولة بالتحكيم ودة سبب تعليقي وذكر الهدف الملغي للزمالك اما بخصوص المدرب المعجزة اللي مجلس الزمالك تعاقد معاه قولتلك اني متفق معاك في كلامك وبكل صراحة مش متفائل به نهائي وربنا يخلف ظني اتمنى ده اكيد أنه يطلع عكس احساسي

[@AmrAdelAboEl-Hassan]

ردي عليك ان هعددلك كام لاعب حاليا عملوا اعلي مستويات ف تاريخهم فترة جروس .. كهربا اوباما محمود علاء حمدي النقاز طبعا عبد الله جمعة حتي الونش طارق حامد قبل جروس كان بيلعب لورا بس ! ثانياا.. جروس بدايته مع الزمالك كان بيهاجم جدا و كان ييكسب 3 و 4 .. ماتش جورماهيا الكيني كان فارق حتي الراجل نفسه قال كدا و غير شكل الزمالك خالص و لجأ انه يفكر ف الدفاع قبل الهجوم . اتفاقي معاك ف شئ واحد بس هو انه بعيد عن * التدريب * فترة طويلة لكن مش قاعد ف بيتهم زي ما بتقول

[@fishabaka]

وجهة نظرك تحترم

[@MohamedAbdelmgeed-f6b]

ازاي يا جدع والزمالك في الدوري الموسم ده اقوي خط هجوم

[@fishabaka]

ووقع فى الاخر

[@samehsamy18694]

ان شاء الله هينجح بس لما ينجح هتطلع تعتذر ولا تقاوح علشان وجهة نظرك اللي بشوفها ناسيه حاجات او هي عايزه تنسي حاجات وبتذكر للراجل حاجات بس ع فكرا احنا كسبنا الاتحاد ٥ و انبي ٤ و ماتش بيراميدز ٣-٣ واحنا مطرود مننا لاعب اي ماتش بيبتدي بعد اول خمس دقايق تلاقي الزمالك سيطر ع الماتش مهما كان اسم المنافس حاجات انت مش عايز تحكيها

[@fishabaka]

اعتذر عن ايه ؟ انا ماقولتش هيفشل دى حاجة فى علم الغيب انا بتكلم عن تجربته السابقة

[@محمودعلىالشريف-ض2ك]

اللهم انصر اهلنا فى غزه على المحتل الصهيونى السافل وكل من يدعمهم امين اللهم فك كرب اهلنا فى السودان امين يارب العالمين(اتفق معك )

[@fishabaka]

امين يارب

[@mohamedkaissy2236]

وده المتوقع بدايه من ماتش بكره

[@eslamuwk937]

متفق معاك فاامور كتير وعن نفسى مكنتش بحبه ، بس اتمنى بس يكون معاه جهاز فنى يضيف حاجه للفريق

[@fishabaka]

مظبوط

[@ahmedsalah8396]

ما كانش كويس اصلا قبل كده. و البطولة اللى اخدها قبل كده كانت بالعافية. ده الزمالك ماكنش بيجيب أجوان ايامها.

[@fishabaka]

صحيييييح

[@amratta8141]

طيب يا ريت تتكلم عن كولر بالطريقة دي وكان قاعد كام سنة في البيت قبل تعاقد الاهلي وايه الفضيحة الكروية واسباب اقالته!؟ ياعمي بلاش كلمة حق يراد بيه باطل !؟

[@fishabaka]

مانا بنتقد كولر كل ماتش على الطريقة الدفاعية

[@hishamheikal9313]

لا إله إلا الله الحليم الكريم العلي العظيم لا إله إلا الله رب العرش العظيم لا إله إلا الله رب السموات والأرض وما بينهما رب العرش العظيم

[@كريممحرم-ض2ف]

لسه فاكر لجروس متش الاهلي ٠/٠ ده والاهلي كان في اسوأ فتراته وكان بيلعب جيم دفاعي بحت وانا قدام الشاشه بقوله والنبي ياسطاا زود واحد قدام 😅

[@fishabaka]

مافيش فايدة فيه ههههه

[@mahmoudgaballa3869]

وحاجة تانية معلش كلامك صح جدا انه كان بيحلب اللعيبة بس لو انت فاكر فعلا مكنش في بدلاء كويسة مين كان بديل طارق حامد مين كان بديل ساسي مين كان بديل لكهربا ومصطفى فتحي البدلاء كلهم كانوا مش ع المستوى

[@3BaaCtt]

هيكسر الدنيا يا شريف و برده هتطلع تهاجمه و خلاص عشان تثبت وجهة نظرك العقيمه

[@fishabaka]

👍

[@YouseefEssam-r9c]

مع كامل احترامي ليك انت نسيت ان جروس هو الي طور الونش واوباما وحمود علاء وعبدالله جمعة جروس هو الي طور الاعيبة انت ناسي ان جروس كان بيتهاجم من الادارة وكنا طالعين من موسم كارثة قبليها موسم 2018 و 2017 الراجل جبلنا اول بطولة قارية من عشرين سنة

[@fishabaka]

وجهة نظر تحترم بس طورهم بمعنى ايه ؟ ما احنا بعديها شوفنا مستوى اوباما وعبد الله جمعة عامل ازاى لو طورهم تطوير حقيقى كانوا كملوا

[@YouseefEssam-r9c]

@fishabaka انت بتأكد كلامي مستوي عبدالله جمعة واوباما قبل جروس غير مستواهم في ولاية جروس غير مستواهم بعد ولاية جروس فاهمني ولا لا

[@MahmoudSamy-zs3ej]

جروس فاشل فاشل انا فاكروا كويس كرهنا في الكورة عقيم فكريا كلامك مظبوط يا كابتن .

[@fishabaka]

❤❤

[@عادلخيري-ز1ث]

وكان معاه احمد رفعت وحفنى وما كنوش عاجبينه

[@fishabaka]

صحيح

[@YousefMohamed-se4qg]

عبدالله السعيد مش هيلعب مع جروس

[@ahmedmostafa-uk1fg]

ملكش دعوه بالعراب ي شريف 😂 و بعدين هما فين اللاعيبه ال عندنا علشان يغير فيهم دول هما ١٣ لاعيب بس عندنا 😂 و جبنا بتاع الكوره الحديثه اوسوريو و منفعش برضه و بعدين انت بتتكلم ع دوري مصري صباح الفل عليك 😂 و يعني كولر مع الأهلي هوا ال بيقدم كوره ، مهو بيكسب بالكلاحه برضه😂

[@aymanmezar9829]

متتكلمش نتايج يا شريف المدرب مش نتايج يا شريف المدرب اداء وفكر مثلا جوارديولا دلوقت بنفس حسبتك دي مينفعش فريق يتعاقد معاه لانه اخر 10 ماتشات مكسبش غير ماتش ممكن يكون في مدرب كبير لكن مفيش لاعيبة وهكذا

[@fishabaka]

طيب ماهو جروس ماكنش فيه اداءه الصراحة كان اداء عقيم

[@يوسفالديروطى-ف2ز]

مع احترامي الكامل ليك انتا بتقول اى كلام وانتا محلل على قدك اوى لأن مستر جروس مدرب هجومى وخططى من المستوى الاول وانتا أقل من انك تتكلم على كوتش

[@fishabaka]

اوك تمام مدرب هجومى

[@elkassar1977]

الحكم لم يحتسب هدف صحيح للزمالك فى مباراة حسنية اغادير

[@galalnasser]

عمرك ما قولت ايجابيات دايما بتركز علي السلبيات ..

[@Saikoaboali]

اللى عنده طموح اكبر بيروح السعودية على طول اعتقد جايبين جروس علشان مايبقاش مطمع لأخوانا

[@mohamedelsheikh5241]

مقتنع بنسبة صفر

[@fishabaka]

هههههه

[@3BaaCtt]

ياصتا أنا كل مشاكلى معاك كانت بسبب الراجل ده و طبعاً هتقعد تقطع فيه قبل ما اشوف الفيديو متاكد هجوم بلا هدف و مش عارف كنت مشخصن الموضوع معاه ليه 😃

[@fishabaka]

كلامك كانه اخد ٥ بطولات مثلا قبل ما يمشى 😀

[@RamyMo7amed]

مع احترامي ليك بس اصلا اسلوب جروس اول ماجه النادي كان الاستحواذ بس بعد مالقي الدنيا هتضيع منه عشان اللاعبيه مش مساعداه غيرها للدفاع

[@fishabaka]

كل التشكيلة اللى معاه دى مش مساعداه يلعب قدام فرق الدورى زى الانتاج والمقاولين ؟

[@HamadaAshry-b6m]

بقولك اية مش بهزر هوانت كنت بتتفرج علي الزمالك ايام جروس فعلا؟

[@fishabaka]

طيب اسأل زملكاوية بلاش انا 😀

[@محمدأشرف-ه7خ]

انا معاك في كل اللي قلته عن جروس بس حته أن احنا نجيب حد اصغر بيتهيالي انت عارف مستقبلها ايه مع ازمتنا المالية

[@fishabaka]

مستقبلها من حيث ايه ؟ القصد مدرب اصغر شوية فى السن وعنده طموح يشتغل حتى لو مجهول شوية زى فايلر لما جه الاهلي

[@محمدأشرف-ه7خ]

@@fishabaka ما هو لما ينجح هيتعرض عليه عروض في السعودية زي جوميز

[@abdelhamidzahran2837]

وجهات نظرك دايماً موجهة ضد الزمالك .. وسبحان الله ياأخي عملتلك بلوك علي الفيس قابلتك ع اليوتيوب ..

[@fishabaka]

👍

[@MohamedAhmed-fw8je]

اسوء اختيار هو جروس انا معرفش في ايه في الاداره دي جروس مين وزفت اداره فاشله

[@mohamedkaissy2236]

جروس غير شخصيه الزمالك للدفاع فقط وادارته للمباريات زباله منهم للله المجلس

[@MohamedAbdelaty-t6p]

يا صديقي انت بتحلل غلط تحليلك مش موضوعي انت مجرد قاري شوية ارقام وجاي تحللهم

[@Dr..Eslam.Gomaa212]

والله من وقت ما عرفت انه جاي الزمالك وانا مش متفائل به بالمرة ربنا يخلف ظننا

[@fishabaka]

نتمنى

[@مصطفيمحسوب-م1ل]

بلاش العناوين المستفزة لأنها تأخذ منك مش تعطيك ليه تقدر البلاء قبل حدوثه تفاءل خيرا تجده والغيب فى علم الله

[@fishabaka]

انا ماقولتش بكره هيحصل فيه ايه خالص انا اتكلمت عن تجربته السابقة

[@مصطفيمحسوب-م1ل]

@fishabaka يا عزيزى كل شئ بيتغيروطول ما الانسان عايش بيتعلم ونتعشم خيرا ان شاءالله

[@YassinYasser-gt5kl]

كلام مزبوط جروس دفاعي بحت جوميز استحواذ اوسوريو استحواذ بحت فيريرا متوازن مائل للدفاع باتشيكو دفاعي كارتيون دفاعي ميتشو هجومي مفيش نمط محدد و انت معندكش المرونة التكتيكية لكدا

[@fishabaka]

بالظبط كده وكل مدرب يجيب صفقات حسب دماغه وبعدين يمشى

[@YassinYasser-gt5kl]

@fishabaka بعد ما بقى في كلام أنه يمشي ميشالاك و الجزيري دلوقتي ممكن يجيدوا في المساحات و المرتدات

[@عمرابوعجمي]

والله مع احترامي ليك انت مابتفهم حاجه اصلا جروس جه عشان عارف الضغط في مصر والمنافسه وطبيعة الاجواء ياذكي

[@fishabaka]

الكلام ده قديم خلاص عفى عليه الزمن وبنكرره وخلاص .. ضغط ايه واجواء ايه فايلر جه ونجح وجوميز جه وحقق بطولات وكولر جه الاهلى ونجح وكلهم مايعرفوش حاجة عن افريقيا اصلا