Рет қаралды 85,311
جريمة الحكومة !!
_____________________________
🛑 جريمة
_________________
إسبوع من الجحيم بيعيشه المصريين وسط درجات حرارة بتتخطي 40 درجة .. لكن الحكومة مكنتش أرحم من الشمس بالناس وكملت في جدول تخفيض الأحمال !!
📌 خد بالك الكهرباء مش بتقطع لوحدها معاها النت وحتى شبكات الموبايل وفي مناطق المياه قاطعة فيها من أيام كمان !!
وعشان تكمل خرج وزير المالية المصري، الدكتور محمد معيط يوصف دعم المواد البترولية بـ "الجريمة" !!
وقال إن عم الوقود بيُشكل عبئ على خزينة الدولة، ويُمكن استثمار الفلوس في مشاريع تحسن معيشة المواطنين !!
📌 لا والشهادة لله يا دكتور معيط مشاريع سيادتك حسنت حياة المواطنيين !!
الحقيقة إن الجريمة الأكبر هي 2 تريليون و 800 مليار جنيه مصري فوائد ديون مستحقة على الدولة ودولار وصل 48 جنيه يا دكتور معيط !!
كمان الحكومة اصلا خلاص بترفع الدعم عن الكهرباء والمياه ورفعت أسعار كل الخدمات وحررت الجنيه المصري أو غرقته في معنى تاني،
ولسه بردو مصممين نعاير الناس بالدعم للتغطية على الفشل !!
هو مين مسؤول عن إن بند مدفوعات الفوائد لوحده يبقي 47% من إجمالي
الموازنة العامة للدولة في 2024-2025 يا دكتور معيط ؟!
يعني حوالي 1.834
تريليون جنيه (38) مليار دولار)،
ومين مسؤول عن طباعة الجنيه على المكشوف وإغراق السوق بالبنكنوت والتسبب في أكبر نسبة تضخم في تاريخ مصر يا دكتور معيط ولا ظي مش جريمة !!
بالمناسبة كمان قيمة دعم المواد البترولية المتوقع في موازنة العام المالي الحالي 20242023،
حوالي 125 مليار و 419 مليون جنيه فقط و 154 و499 مليون جنيه في العام المالي القادم،
مش 220 مليار زي ما قال دكتور معيط !
الحكومة مش قادرة تحل أزمة الكهرباء زي ما وعدت خلاص تسكت لكن بدل ما تحس بالناس في جو زى ده تطلع تقولهم ده أصلا دعم الطاقة جريمة وإذا كان عاجبكوا !!
🛑 سعر الفائدة
__________________
النهارده كان إجتماع البنك المركزي لتحديد سعر الفائدة،
وزي ما كان متوقع قرر البنك المركزي تثبيت أسعار الفائدة،
عكس توقعات بنك الاستثمار الأميركي جولدمان ساكس اللي توقع يخفض البنك المركزي أسعار الفائدة 150 نقطة أساس - 1.5% -
لكن كانت 9 بنوك استثمارية توقعت يتجه البنك المركزي المصري لتثبيت أسعار الفائدة،
خد بالك إنه ورغم إنخفاض التضخم لكن فرص زيادة أسعار البترول مع تأجيل الفيدرالي الأمريكي تخفيض أسعار الفائدة بتخلي البنك المركزي يتجه للتثبيت،
كمام مستحيل اى بنك مركزى يرفع الفائدة 8% في 3 شهور وبعدين يقوم بخفضها مباشرة ويتم اتهامه بالتخبط،
جولدمان ساكس توقع كمان تحقق مصر فائض في التمويل الخارجي بحدود 26.5 مليار دولار على مدى الأربع سنيين اللي جايين،
كل ده بسبب صفقة رأس الحكمة حسب البنك وده اللي بيخليه يتوقع تخفيض الفائدة لوجود مصادر تمويل خارجية بما في ذلك صافي تدفقات بقيمة 15 مليار دولار تقريبا من بداية مارس،
كمان توقعت شركة الأبحاث BMI التابعة لوكالة فيتش ترجع إيرادات مصر من تحويلات العاملين في الخارج إلى السوق الرسمية، وترتفع إلى 10 مليار دولار،
وترتفع إيرادات قطاع السياحة 6% في 2024-2025،
لمن توقعت إنخفاض إيرادات قناة السويس 300 مليون دولار شهرياً بسبب اضطرابات البحر الأحمر.
🛑 تعويم مدار
____________________
مش كل الأخبار متفائلة !!
في تحذير لازم يتاخد في عين الإعتبار أصدر بنك باركليز لما قال إن تحركات العملة المصرية في السوق الرسمية بتقول أن البنك المركزي المصري بيُحكم إدارته لسعر الصرف،
وقال البنك إن نطاق تذبذب سعر صرف الجنيه المصري مقابل الدولار لسه محدود رغم التدفقات الداخلة الكبيرة،
وده بيؤكد توقعاتهم بأن سعر الصرف الجديد مُدار !!
📌 رغم إن معظم البنوك والمراكز البحثية بتقيم قيمة العملة المصرية عند 48 جنيه للدولار !
لكن قال البنك أن مرونة سعر الصرف لسه لا تعكس حركة العرض والطلب بشكلٍ كامل.
🛑 وصول السعودية
______________________
السعودية قررت يكون لها مكان في رأس الحكمة،
شركة المراسم السعودية بمشاركة شركة «إنرشيا» المصرية،
هتطور مشروع سياحي في «رأس الحكمة» على مساحة 640 فدان،
بإيرادات متوقعة تصل إلى 55 مليار جنيه لحد 2029،
شركة "المراسم الدولية للتطوير العمراني" مملوكة لمجموعة "بن لادن" السعودية العملاقة،
أما شركة "إنرشيا" فبتملك 1280 فدان في الساحل الشمالي،
هتدي نصها للمشروع الجديد، بجانب مشروع "جيفيرا" اللي بتطوره في نفس المنطقة،
زي ما قولتلك مصر تسلمت خلاص 14 مليار دولار من دولة الإمارات قيمة الدفعة الثانية من صفقة رأس الحكمة.
وبدأت الحكومة في إجراءات التنازل عن قيمة وديعة دولارية إماراتية بقيمة ستة مليار دولار على أن يتم تحويل قيمتها إلى ما يعادلها بالجنيه المصري.
🛑 أوبر الحكومة
_______________________
وسط مشاكل شركات التوصيل في مصر الأيام الأخيرة،
قال موقع القاهرة 24 إن الحكومة بتدرس إطلاق تطبيق نقل ذكي !!
وقالت المصادر، إن في مناقشات حاليًا بين وزارة النقل و شركة الاتحاد العربي سوبر جيت لتدشين شركة لإدارة التطبيق،
عقلية الحكومة مش قادرة تفهم إن دورها منظم يعني في مشكلة في شركات التوصيل أعمل قوانين تحمي الركاب مش أعمل تطبيق جديد !!
يعني أوبر فيه مشكلة، الحكومة هتفتح مكانه؟
ولو كارفور فيه مشكلة الحكومة تفتح مكانه ولو حد مش عاجبه الملوخية في قصر الكبابجي الحكومة تفتح مكانه ؟!!!!
#الذهب #البنك_المركزي #الدولار #البنك_الفيدرالي #أمريكا #روسيا #الصين #مصر #السعودية #الإمارات