جريش أبيض لذيذ بقدر أديسون لذيذ وذااايب ب45 دقيقة بسس👌🏼👌🏼😋

جريش أبيض بقدر الضغط الكهربائي(أديسون)
من السيف غاليري
أشغل القدر وأضغط على خيار (حاشي)وأزبد الوقت 5 دقايق يطلع المجموع نص ساعة
احط بالقدر بصل أبيض مقطع صغار وقطعة لية خروف وأحمسهم زين بعدين أضيف لحم غنم بعظم (وممكن دجاج أو لحم حاشي بعظم أو بدون) وأحمسهم زين وأضيف ملعقة صغيرة كمون وملعقة صغيرة كزبرة وبعدين أضيف كوبين جريش أبيض مغسول ومنقوع من الليل بماء حار وأضيف الماء الحار( كل كوب جربش يقابلة ثلاثة أكواب ماء) يعني أضفت ستة أكواب وأضيف الحباحر 🌶🔥وأضبط الملح وأسكر القدر وبعد ماينتهي الوقت أفتح الغطاء وأضيف كوبين لبن دافي (مهم علشان مايتكتّل )
وأضيف شوي كشنة بصل وزبدة مع ملعقة صغيرة كمون مطحون وعصير نصف ليمونة أطحنهم سوا بالخلاط ( وهذا سر يعطي الجريش طعم مميز ولذيذ🤭) وأحركهم بعدين أسكر القدر ربع ساعة وبعدين أفتح الغطاء وأطلع العظم والحباحر وأدق الجريش بعدين أغرف الجريش بصحن التقديم وأحط عليه كشنة الجريش
طريقتها: أحمس بصل أحمر مع سمنة أو زبدة أو زيت زيتون بعدين أضيف تمر هندي وشوي معجون طماط وممكن بس أضيف مسمنة
أرش على الوجه مسمنة بعدين أحط الكشنة والحباحر وبالعافية🔥🔥😋😋👌🏼👌🏼
#جريش#جريش_أبيض#قدر_أديسون_مشاعل#شعبي#أديسون#قدر_أديسون

[@fowzalaqeel6379]

ماشاء الله انت فخر لكل سيدة سعودية تقدم خبراتها للجميع بكل صدق واخلاص بصراحة فيديوهاتك مرجع لنا كسعوديات وخليجيات بارك الله فيك اخت مشاعل 👍🏼

[@صالحهالغامدي-ل4غ]

الله يعطيك العافيه انسانه راقيه ومرتبه ومحترمه وهاديه الله يوفقك ويكثر من امثالك ..شرح وافي وكافي بدون مقدمات طويله وكثرة كلاااام...انا من اشد المتابعين لك ودعواتي لك يالغاليه❣

[@tawlifat_zhoor]

صالحه الغامدي حياكم في حسابي المتواضع❤️

[@عائشهالمالكي-ن6ل]

@@tawlifat_zhoor ابشري

[@wejdanshati6528]

الله يسعدها صارلي سنين معتمده طريقتها وفعلاً لذيذه ❤

[@لاعبالكراتيهعمر]

جعل أيدك ماهي لنار والله يزيد ويبارك ماشالله تبارك الرحمن ربي يزيدك من فضله 🤩

[@shaddad6959]

مع الحجر اضطريت لتعلم الطبخ ووجدت متعه في ارشاداتك واستفدت منها كثيرا، شكرا كثيرا لكِ

[@rihamabdullah1568]

شرح كافي و وافي ما عمري سويت وصفه من وصفاتك و لا ضبطت ماشاءالله تبارك الله

[@mohamadtaalb267]

جزاك الله خيرا كل ما تقدمينه اري فبه الاخلاص والبساطه وانا استفيد كثيرا

[@فاطمهالغامدي-ش3ج]

الله يوفقك ويسعدك ويسخر لك القلوب الطيبة يارب العالمين

[@nokia5552]

تسلم يدك ما شاء الله حبوبه ومتواضعه الله يحفظك

[@alsoos4728]

خرافيه تسسلم يدينك مضبوطه الطريقه خصوصا للمبدتدئين

[@ammaallah4193]

شكراً يا استاذتي العزيزة علي المعلومه احبك في الله اختي بارك الله فيك امه الله مصر 🌹❤️🌹❤️👍👍👍👍👍👍😋

[@toto254509]

الجريش من الذ واشهى الاكلات في العالم خاصة اذا عمل بطريقة الجدات الاصلية من اهل نجد وشكرا لك

[@سلوى-ظ8م]

مشاءالله بارك الله لا قوه الا بالله

[@bedoalharbie3966]

احب اشكرك على طباختك الجميله وشرحك الوافي

[@user-Om-asem]

أذكر أني شفت للأخت مشاعل طريقة إعداد المسمنة بالسناب كانت كاتبتها ياليت اللي عندها ينزلها لنا الله يجزاها خير ❤️

[@toto254509]

تمر ناشف وفوقه بهارات وو احسن اشتريه جاهز

[@omhagermasria4146]

ماشاء الله جريش رووووووعه سلمت يمينك

[@khlodghamdi3057]

الله يعطيك العافية يامشاعل وتسلم يدك ❤️❤️ كل الطبخات المجربة من حسابك مضبوطة ولذيذة❤️❤️

[@الخنساء-س1ن]

ماشاءالله تبارك تسلم ايدك الله يجزاك خير و يسعدك في الدارين ويحفظك 👍👍 وين القى المسمنه 😘 راس بنت 🇸🇦

[@asmaaahmad8330]

ماشاء الله شرح مبسط ومفهوم

[@fmbs1239]

روعه تسلم يدك انا جربته بطريقتك الله يوفقك ويسعدك لان تعلمت منك الجريش ولاكان احد يعلمني اياه شكرااااااااااا

[@afnanasiri182]

تسلم يدك شكله لذيييذ

[@dalal612]

بارك الله لك

[@عبيرالورد-ط2ح]

ألف شكر على الشرح الوافي ممكن سؤال لو بسوي جريش قدر ضغط عادي هل أخلي النار عالية طول وقت الطبخ ؟ أو مجرد ما ينضغط القدرأقصر عليها ؟ .لأنه سبق وانحرقت معي بقدر الضغط وما عرفت السبب ومرة صارت تطلع من صمام الأمان وما عرفت ليش للحين ورجعت اسويها بقدر عادي رغم طووووول وقتها وتعبها .

[@lamaalshrif2608]

اي أكله بالضغط اول ماينضغط توطين النار مرة ولا تبينه ينفجر بوجهك!!!

[@hebasobih5986]

مجرد يصفر قصري عليه

[@hessah381]

خطر تصليح الجريش أو الشوربة في قدر الضغط إلا إذا بتنتظرون لما يهدا وتفتحون القدر . أما فتح الصمام لأجل خروج البخار فهذا خطر

[@ميمو-ح7ض]

مشكور يعطيك العافيه ماقصرتي شرحك وااافي جداً وممتع وسهل احبك ❤️استمري

[@Majedabdully]

بسم الله ماشاء الله تبارك الله جد شغلك مرتب ونظيف الله يسعدك ويوفقك دنيا وآخره ومزيد من التقدم والنجاح. بصراحه تذكرت شغل امي 🌹🌹 تحيه تقدير وأحتراااااام حفظك الله من كل سواء

[@ZinabCook]

تسلم الايادي يافنانة جربت الطريقة بالدجاج والنتيجة روعة

[@هياءالمطيري-ح6ك]

كم تاخذ دقيقة بالدجاج لانها حطت نص ساعة للحم

[@1234eera]

الله يجزيك خير كفيت و وفيت

[@omthamer7954]

يعطيك العافيك بس عندي سؤال بعد ما تحطين اللبن يكون على تسخين ربع ساعه؟ أو كيف

[@MANALIIISAOD]

Om thamer القدر توقيته ١٥ دقيقه قالته هي ربع ساعه واللبن دافي عشان ماينفصل ♥️

[@moobyali7480]

مرحى لك مشاعل والف شكر متابعه جديدة لك ام عبدالله من الرياض مدينة السلام

[@hanoreema]

تسلم يدك بكره باذن الله بطبقه راحت تنقع الجريش

[@omrashash]

جعله عافيه ❤️

[@YAZEEDKSA4]

سويت جريش بالقدر بس طلعت لي حكاكه كيف ماطلع لك ماشاء الله 😭😭

[@فاطمهمحمد-ط9ن]

لانك تحركينه الجريش مايتحرك الا يوم تضربينه بس

[@tomem3044]

يعطيكم العافيه لبن مو حليب ولا اهو اللبن الحليب

[@Nada-kr4xw]

مثلك

[@nanoos_]

نفس الشي وطعم مو حلوو خرب الجريش

[@aziz.1.1.]

الله يجزاك خير

[@أمعبدالسلام-ح6ض]

تسلم الأيادي لايك ربي يحفظك ❤️

[@mamdouhalotaibi8011]

اشتهيت اللحم يارب يرزقني ربي ب٦٠٠ ريال واشتري

[@amal.m.h7712]

ماشاء الله تبارك الله😋، سويت الجريش بكذا طريقة، في قدر اديسون وما يطلع معي ذايب😓..

[@saraalsu3987]

كم نقعتيه؟

[@شذىمحمود-ط3ص]

مشكور ❤❤❤❤❤

[@ورود-ز3خ]

تسلم ايدك الله يعطيك العافية

[@صنتبنحوكه]

اخني الكريمة مشاعل اذا طبخ الحم ونضج اضعط على الغاء التسخين بعد ما تصير الوحه اصفار بعدين افتح الغطاء واضيف الجربش بعد ايش اضغط من الازرار لاهنتي

[@ababidoob6595]

بسويها بس بقدر غير قدر اديسون ....

[@hessahf3385]

تسلم ايديك

[@روتينفوفوالمتنوع]

تسلم يدك 😘

[@amera4225]

تسلم ايدك

[@عائشهالمالكي-ن6ل]

يممييي انا سويت غير حطيت عليه كل بهارات طلعت حلوه و زاكيه واحسن من شوراع و مطاعم عندي الدفاتر حقت الماكولات و مشروبات بنزل لكم مشروب الاوريو روحو شوفو

[@Bebe-iv3jw]

تسلم يدك ، طريقتك ف الكلام روعه👌🏻صوتك جميل😂❤️

[@reemalkhaldy]

في مقطع قايله مايصير ننقع الجريش قبله بيوم لازم كم ساعه بس 🙂؟؟

[@sososami4697]

سويته طلع برتقالي الجريش وطلعت له حكاكه وشلتها على جنب وللامانه ماضبط معي لا القوام ولا اللون حتى الطعم تغير طعم اللبان

[@nanoos_]

صحيح القدر الظغط العادي افضل 👍🏻🇸🇦🇸🇦

[@dr.dolittle4606]

المقادير لأي مقاس من قدر الضغط؟

[@azizalmtiri6747]

سويته ويطلع طبقة تحت ؟

[@khawlaah90]

الله يجزاك خير 💕

[@sami34223]

ينفع كل الخطوات لكن بصدور الدجاج ؟

[@أميرةخلف-س4ج]

كيف اخلط كشنتة الجريش مع الكمون واليمون مافهمتها ممكن توضيح

[@dhoomyandaboody8467]

بطبقه انشاء الله

[@tnatenmoon]

هل خطوة ضرب الجريش راح تثقل القوام؟؟.. لأني اسوي الجريش لكنه يطلع خفيف وسائل

[@AaAa-kp2km]

ايه يثقله

[@hessah381]

جريشها لين

[@reemksu11]

تسلم ايدك ،،

[@هياءالمطيري-ح6ك]

طيب اخت مشاعل واذا دجاج كم ياخذ وقت بالبداية

[@testqubbb4231]

لازم الجريش يتحطيه بفرامه البقدونس

[@alhanoofalharbi4441]

القدر جرانيت ولاتيفال يعطيك العافية

[@لاالهالاالله-ق3ر4ف]

هل عندك دورات طبخ استاذه مشاعل وكيف اشترك فيها

[@فجرالرفاعي-و1د]

يعطيك العافية عادي استخدم السمن او الزيت بدل لية الخروف وكم كمية الجريش اللي اقدر استخدمها في قدر ضغط اديسون 6 لتر

[@toto254509]

لاتزيدين عن كاس نصيحة لانه يتضاعف مثلا كاس جريش مع ربع كاس رز مصري منقوع ومغسول وعليه اربع كاسات مرق وكاس لبن وبالعافيه وقطعه زبده صغيره وبهار ابيض وكم قطعه جبن كيري او بطريقة الاخت مشاعل

[@mamdouhalotaibi8011]

ممكن زيت

[@dr.dolittle4606]

@@toto254509 هذا ما صار جريش! رز مصري و جبن كيري

[@lulualdakhil2297]

انا طبخت بهذا القدر كبسه دجاج ولحم ومندي ومقلوبه وكبسك مكرونه. وكلهن يطلع فيه حكاكه كبيره احيانا تميل للسواد مع اني اتبعت نفس التعليمات وانا ياختي مابيه يحكك. وش الحل برايك يالغاليه

[@norhal9691]

قللي الوقت ياغالية ١٠ ق تقريبًا من الوقت المعتاد وبعد ماينتهي لاتفتحيه مباشرة اتركيه ١٠ ق تقريبًا.

[@user-Om-asem]

مافيه حل للأسف ههههه هذي مشكلة التيفال والجيرانيت 💔أنا أفضل الأستانلس ستيل👍🏼

[@Huoff-i2k]

@@user-Om-asem قدري جرانيت ولا قد صار حكاكة معي يمكن انكم تقللون الموية

[@hessah381]

قللي مدة إشعال النار لقدر الضغط العادي وطفي النار وخليه يهدأ بدون فتح صمام الأمان مثلا لوكنت تخلين النار ربع ساعه خليها ١٠ دقايق وطفي النار ويكمل وقت الاستواء بدون نار ..عساك فهمتيني

[@nanoos_]

@@hessah381لاء هاذا القدر الكهربائي لازم يسوي حكاكه من تحت يلذع الاكل سويت كل الطرق صرت اخليه لاسلق الحم وبعدها احط في قدر عادي اطبخ والقدر الظغط العادي افضل حسيت حتى بطعم يفرق وسوي فيه كل شي عكس الكهربائي 🇸🇦🇸🇦

[@aabdullah3815]

وش افضل نوع جريش اخواتي الله يسعدكم

[@NOna-hw7wk]

استخدم الكويتي حلو

[@JoJo-xd2ps]

الجريش التركي يجي لونه أبيض

[@أممهند-غ6ض]

نوع الجريش جريش تركي

[@fatimaju2645]

لازم انقعه من الليل

[@razanll7841]

ما في زر جريش !! كم دقيقه اخليه !!

[@ftm4883]

كيف تسوين الليه؟

[@رجائيربي-ص5ي]

تعرفين احد يبيع مسمنه زينه انتي مجربتها؟

[@fofoabod2291]

امي تسويها وتبيعها والله لذيذه ✌🏼

[@رجائيربي-ص5ي]

Fofo Abod22 كيف اطلب المسمنه من امك. كيف اتواصل معها

[@ft1479]

انا عندي انا ام معاذ تواصلي معي خاص

[@ft1479]

رجائي ربي بكم العلبة وبكم وزنها

[@للكرامةعنوان]

الهريس منقوع ولم ينضج في قدر اديسون القناص المنيوم. والكيك يحرق

[@lulualdakhil2297]

هلا اختي الغاليه ارجوك ردي علي سوالي لانه مهم عندي

[@hkjnuouo4069]

ماشاء الله . روعةة

[@salhaali5428]

ايش افضل جريش ؟

[@hessah381]

التركي (مكتوب نوره) على الكيس

[@dr.dolittle4606]

الهاون

[@4foryou4_46]

اذا بدون لحم اي خيار احط

[@hudasaleh4054]

ممكن اعرف كيف طريقة الليه حق الخروف

[@صالحهالغامدي-ل4غ]

اللي حاطه دسلايك مقهوره وحقوده الله يكفي الاخت مشاعل حقدك

[@4foryou4_46]

ماحطيتي لبن

[@Mesosha]

👀

[@ibrahimAljabri]

الجريش يعني الهريس افكرة دنجو 😅

[@meee258]

اذا بتسوين دعايه لاي شى مالها داعي تحطين الاسم عنوان يكفي تعرضينه بالفديو اثناء الطبخ كذا يجذب المتابعين اكثر خصوصا اذا اعجبتهم الطبخه اما عرضه بالعنوان صراحه منفر للفديو .. لان تعرفين كره الناس للدعايات ملاحظه من محبه لك

[@Love90Light]

فيه ناس عندها القدر تبحث عن وصفات له فكذا اسهل لهم يوصلون الفيدوات المطلوبة

[@user-oc7qj9ep1j]

بالعكس انا احيانا ادور بالمسميات

[@randag5405]

بالعكس انا ادور وصفه للقدر الكهربائي.

[@امكرم-ك8غ]

رووعاتك بعشق هالأكله من اي السعودية عم بدور عليها من زماان يسعدك مشاعل🥰😘😘😘😋

[@سارةأحمد-ظ2و]

تسلم ايدك