Рет қаралды 34,545
Маңғыстау облысында бүтіндей бір отбасы қара жамылды. Мұнайлы ауданының 38 жастағы тұрғыны үш баласын асып өлтіріп, артынша өзіне қол жұмсаған. Полиция ер адамның соңғы сәтте өзін және балаларын өлтіретіні туралы айтып, әйеліне аудиожазба жібергенін анықтаған. Әрі бұл қайғылы оқиға отбасылық жанжалдың кесірінен болған деп отыр. Бақилық болған азаматтың туыстары да бұл ақпаратты растады.
Балаларын өлімге қиып, артынша өзі де асылып өлген азамат Мұнайлы ауданының Атамекен ауылында пәтер жалдап тұрған екен. Қыршыннан қиылған балалардың бірі 8 жаста, екіншісі 4 жаста болса, кенжесі небәрі 10 айлық болған. Марқұмның мұндай жантүршігерлік әрекетке баруына не түрткі болғаны белгісіз. Ал оқиғаға орнына барған жедел тергеу тобы, ол азаматтың телефонынан әйеліне аудиохабар жазғанын анықтапты. Соңғы хабарламада азамат өзінің және балаларының өмірін қиятынын айтқан екен. Ал көршілері бұрын соңды жас отбасының оғаш әрекеттерін байқамадық дейді.
ЛИЗА МУЗЫКА, көршісі:
- Арасында жанжал да болатын. Жалпы жақсы, қарапайым отбасы еді. Балаларының да киімі бүтін, тамағы тоқ жүретін. Біз тек амандасатын едік, жақсы араласқанымыз жоқ.
Қайтыс болған ер адамның туыстары болған жәйттен әлі де өздеріне келе алмай, есеңгіреп отыр. Олар сұмдық оқиға өткен жексенбіде, отбасылық кикілжіңнен соң болғанын айтты. Қара жамылған отбасы марқұмдарды жер қойнына тапсырған. Ал полиция департаменті қазір Қылмыстық Кодекстің 99-бабы, яғни "адам өлтіру" бойынша іс қозғап, тергеу жүргізіп жатыр.
ЖАННҰР ТАҢАТАРОВА, Маңғыстау облыстық Полиция департаменті Ішкі және сыртқы коммуникация бөлімі бастығының міндетін атқарушы:
- Бұл оқиға отбасылық жанжал негізінде орын алғандығы және бұл адамдардың ажырасқалы жатқандығы белгілі болды. Ерлі-зайыптылардың екеуінің де тұрақты жұмыс орындары болған.
Полиция бұдан өзге ақпарат тергеу мүддесіне байланыста жарияланбайтынын айтып отыр. Ал күйеуі мен балаларынан бір күнде айырылған әйелді тауып, тілдесу мүмкін болмады. Туыстары да ол туралы жақ ашпады.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал