Рет қаралды 3,903
Қайрат Баекенов - көпшілік мойындаған музыкант, әнші, композитор. 16 жылдан бері ән шығарумен айналысып келеді. Авторлық әндерін өзі өңдейді. 2006 жылы өзінің жетекшілігімен “Формат” вокалды- инструменталды тобы құрылды. Содан бері оның әндеріне инструменталды сүйемелдеуді “Формат” тобының музыканттары жасайды.
Қайрат Баекенов пен оның “Формат” тобы тек жанды дауыста орындалатын шоу программалар жасайды. Әр әннің музыкалық өңделуі жаңартылып отырады. Сондықтан Баекеновте “бірдей концерт” жоқ.
Астана қаласының мерейтойына қала басшылығының қолдауымен ашық аспан астында 60 000 көрерменге тірі дыбыста концерт өткізді. Жалпы осы күнге дейін Қайрат Баекенов 100-ден аса ән жазды, 2 жеке шығармашылық кеш пен “Формат” тобымен 3 шоу-концерт жасады.
Бұл жолғы ашық аспан астындағы концертте Баекенов шығармаларын қазақ эстрадасының жұлдыздары да орындады. “Формат” инструменталды тобының сүйемелдеуімен… Олар: Нұрлан Өнербаев, Сәкен Майғазиев, “Бәйтерек” тобы, Маржан Арапбаева, Мадина Сәдуақасова, Дос, Әли Оқапов, Airi, Рухия Байдүкенова, Еркеш Хасен, “101” тобы.