Рет қаралды 32
«Қаллеки тынысы»
спектакльдер шеруі
Қалибек Қуанышбаев атындағы мемлекеттік академиялық қазақ музыкалық драма театры «27 наурыз - Халықаралық театр күні» мерекесіне орай, 2024 жылы наурыз айының 16-26 күндері аралығында «Қаллеки тынысы» атты спектакльдер шеруін ұсынады.
Елорда көрермендерін Қаллеки театр өнерінің үздік үлгілерімен таныстыру мақсатында өтетін шара аясында театр сарапшылары мен көрермен назарына 2022 жылдың наурыз айы мен 2024 жылдың наурыз айы аралығында жарық көрген премьералар көрсетіледі. Атап айтқанда, «Баян Сұлу - Қозы Көрпеш», «Хат», «Бала мерген», «Үйлену», «Қыз жиырмаға толғанда», «Кешкі...7», «Жошы хан», «Қыз Жібек», «Патша көңілім, не дейсің?!.».
Театр сарапшылары спектакльдердің толық талдауын жүзеге асырып, үздіктерді анықтайды. Көрермендер театр фойесінде арнайы анкетаны толтырып, дауыс беру арқылы үздіктерге қолдау білдіре алады.
Қатысушылар «Үздік Актер», «Үздік Актриса», «Жақып Омаров» атындағы сыйлық, «Қадыр Жетпісбаев» атындағы сыйлық, «Әзірбайжан Мамбетов» атындағы сыйлық, «Әшірбек Сығай» атындағы сыйлық, «Шәміл Жүніс» атындағы сыйлық, «Мұрат Насипов» атындағы сыйлық, «Шолпан Мұқышева» атындағы сыйлық, «Шолпан Елгезекова» атындағы сыйлық, «Үздік сценография», «Театр және ақпарат» жүлдесі сынды номинациялармен және арнайы дипломдармен марапатталады. Спектакльдер