Рет қаралды 231,990
Бәріңізге Ассалаумағалейкум!
Баяғыда бір диктатор патша өзін «мен - Құдаймын» деп жариялапты. Ол диктаторға пайғамбар келіп, «сен - Құдай емессің. Сен - тек Құдайдың жаратылған пендесі боласың. Тез тәубеңе келіп, нағыз Жаратушы Құдайды таны» депті. Анау диктаторда айтқанынан қайтпапты. Сонда пайғамбар: «Құдай - деген бәрін жаратушы. Адамдардың жанын алып, оны қайтадан жан беріп, тірілтуші. Бұлай істеу қолыңнан келе ме?» депті. Диктатор түрмеде жатқан екі қылмыскерді алдына алғызып, «бірін өлім жазасына үкім етіпті де, екіншісіне бостандық беріп жіберіпті». Сонан пайғамбарға: «міне көрдіңбе, мен мынаның басын шауып, жанын алдым. Ал ана қылмыскерді өлтірмей тірі қалдырғаным - оған жан бергенім емес пе?» депті. Достар дәл қазір төменге түсіп подписаться деген қызыл тетікті басып және қасында шыққан қоңыраушаны баса салыңыз өтініш! Бастыңыз ба? Әп бәрекелді ары қарай кеттік.
Тура сондай, Рамзан Қадыров дейтін диктатор билеген Шешен елінде, адамның тағдыры мен өмірі оның қолында. Ешбір соттың үкімінсіз адамды жазалау немесе босату; Қарсыласын қапысын тауып қақпанға түсіріп көзін құрта салу; Адамдарға сөз бостандығын бермей, ойын айтқызбау; Өзінің атына сын пікір болдыртпау; Маңайына тек өзін мақтайтын жағымпаздарды жинау - оның істеп жүрген қылығы. Ол кісі - «орыстың босағаға байлаулы иті» деген керемет атақ алған адам. Шешен халқының алдында қадыры қашқан - Қадыров мырза, 2014 жылы Ресей Қырым түбегін аннекциялап алған кезде, екі өкпесін қолына ұстап, бірінші болып барып, Қырым түбегін «орыстың қолаңса сасыған сасық құшағына оралуымен құттықтаған» еді. Татарстан, Башқұртстан сияқты елдер орыстан бостандық ала алмай, жылап еңіреп, көз жастары көл болып жүргенде, мына мырзаның Қырымның алдынан шығып, жағымпаздықпен құттықтау сөйлегенін ешкім ұнатпаған.
Жалпы диктаторлардың ішінде, жағымпаздыққа бой алдырмағаны кемде кем. Әсіресе «патшаны - Құдайдың жердегі көлеңкесі» деп санайтын мұсылман елдерінде, жағымпаздықтың жағымсыз иісі бүкіл ислам қоғамын жегі құрттай тамырлап алған. Ол құрт - Шешен елінің басшысын да тасада қалдырмай, тұтастай өн-бойына еніп, жүрегінің мың қуысын мекендеп алған.
Басшысы Сталинның соңғы мұрагері, қызыл коммунист диктатор Путин болғасын, оның қолбаласы - Қадыров қайдан қадырлы де қарапайым болып, оңған тірлік қылады дейсің?
Шешен халқының жағдайы қазір қатты мүшкіл. Шешенстан орысқа бір тиын салық төлемейтін, керісінше орыстың берген дотациясымен өмір кешетін республикалардың бірі. Екі реткі орыс-шешен соғысында, ештеңесі қалмай күйреп қалған елді оңалту мақсатында, орыстар жыл сайын онсызда түбі тесік бюджетінен қыруар қаржы бөліп отыр. Шешенстан астанасы - Грозныйды біздің Нұрсұлтан қаласынан да нұрлы етіп, жарқыратып жайнатып тастады. Қадыров мырза дотацияның ақшасын түгін қалдырмай, тек елдің құрылыс саласына салып жатыр. Ал экономиканың басқа саласы үйдің кенже баласы сияқты тұралап тұр.
Путинмен кездескен бір әңгімесінде Қадыров мырза, «енді бір қанша жылда, Шешенстанды дотациялы республикадан донорлы елге айналдырамын» деп көсілгені бар. Әрине, шешен елін дамытқаны, халқының әл ауқатын көтеріп, байытқаны жақсы ғой. Бірақ, бөлінген қаржыны тек биік-биік ғимараттар мен қымбат-қымбат құрылыстар салуға арнап, әкесіне арнап мрамрдан мешіт салдырған Қадыровтың сөзіне сену қиын. Қазірден халқының күйі кетіп, қыстан әзер шыққан көктемдегі көтерем сиырдай, аспанға ыңыршағы шығып тұрған елін «Мәскеуге салық төлейміз» деп езіп, сансыратып жібермесе болды.
Шешен халқының Қадыровке өкпесі қара қазандай. Олардың айтуынша: «бөлінген ақшаны дұрыс пайдалана алмады. Елдің игілігі мен халықтың қажетіне жарата алмады. Тек атақ үшін аспанмен тілдескен ғимараттар ғана тұрғызды. Біз тентіреп басқа жақтан жұмыс іздеуге мәжбүрміз» деп мұңын шағып жүр.
Қадыров мырза бір сұхбатында: «сіз ақшаны қайдан аласыз?» деген журналисттің сұрағына, «маған ақшаны Алла береді» деп жұртты таңдандырғаны бар.
Мейлі не істесе соны істесін. Өз еркі өзінде ғой. Бірақ Путин көкесі оған барынша «мүмкіндік беріп» отырғаны болмаса. Әйтпесе, Қадыровтан басқа губернаторлардың шалқып, шекесі қызып жүргендері шамалы. Олар осы Қадыровке қызығада, қызғана қарап жүрген шығар?
Екі-үш қатыны бар, Рамзанның ресейдің сұлуларымен қарым қатынасы жақсы екенін бәрі жарыса жазып жүр. Грузин ұлтынан шыққан ресей аруы Тина Канделакидің Қадыровпен қарым қатынасы біраз жерге дейін тереңдегенін көп жұрт біледі. Біреудің қойнында жатқан қатындарын санап не қыламыз? Бес жүз қатын алған Шыңғысханда өз дәуірінің Қадыровтарі шығар?
«Менің сарбаздарым - Путинның сарбаздары» деген ерекше тәмсіл сөзді айтқан Рамзанның «ертең украинамен арада қақтығыс бола қалса, бірінші болып әскерін жібермесіне кім кепіл? Путинге де алдымен шешен сияқты өзге халықтардың жауынгерлерін құртып алғаны абзалырақ. Осылай етсе, орыстардың ыдырауына қауып төндіретін халықтарды жеңіл ауыздықтауға болады. Толығырақ Видеода...