Рет қаралды 16,444
«Қаңтар оқиғасы» кезінде Қызылордада қатардағы жауынгер Мадияр Қайсаровты Камазбен ажал құштырған күдіктіге қатысты тергеу аяқталды. Оның қылмысы аса ауыр санатта сараланып, "терроризм бабымен" қаралатын болды. Бас прокуратураның мәліметінше, 5 қаңтар күні Қызылордадағы жаппай тәртіпсіздікте күдікті сыбайластарымен Ұлттық ұланның КамАЗ жүргізушісін соққыға жыққан. Артынша әскери техниканы иемденіп, көліктің газ педаліна кірпіш қойып, оны әскерилерге қарай бағыттаған. Өзі көліктің кабинасынан секіріп үлгерген. Ал жоғары жылдамдықпен жүйткіген автокөлік әскерилерді қағып өтеді. Солардың ішінде небәрі 19 жастағы сарбаз Мадияр Қайсаров мерт болған еді.
Бас прокуратураның ақпаратынша, бас-аяғы 721 адам қаңтардағы тәртіпсіздікті ұйымдастырды және қатысты деген күдікке ілінген. Оның 281-і қамауға алынған, сотқа 288 іс жолданған екен. Сондай-ақ, Шымкенттегі тәртіпсіздіктер кезінде бейнебақылау камераларын бүлдіріп, істен шығарған сезіктілер де ұсталған. Ресми дерек бойынша, екі ер азамат қала көшелерін аралап жүріп, кездескен камераларды сындырып отырған. Алғашында «Газель» жүргізушісі кінәсін мойындамапты. Бірақ бейне айғақтар көмегімен күдіктінің көлік төбесіне мініп, бейнебақылау камераларын бүлдіргені дәлелденген. Ал Алматыдағы «Көк Төбе» телемұнарасын басып алуға тырысқан күдікті, сот санкциясымен қамауға алынды.
ЕЛДОС ҚИЛЫМЖАНОВ, ҚР Бас прокуратурасы бірінші қызмет бастығының орынбасары:
- Стратегиялық нысанды басып алудағы негізгі мақсаты жалған ақпарат тарату арқылы азаматтарды көшеге шығуға үгіттеу үшін теледидар мен радиоарналардың жұмысын бақылау болған. Құқықтық тәртіп күштері стратегиялық нысанды басып алуға жол бермеді.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#ҚаңтарТрагедиясы #тергеу