Рет қаралды 82
"Қарасай жастары" театрмен кездесу кеш
Жетісу - жер жәннаты. Бұл жер қаншама өнер саңлақтарын әнімен, жырымен тербетіп, өнер аламанына қосты. Сонымен қатар, өнер дүлдүлдерінің алтын бесігі екені баршаға аян. Президентіміз Қ.К.Тоқаевтың «Оқуға құштар колледж» тұжырымдамасы аясында Қарасай аудандық мәдениет үйінің қолдауымен С.Жандосов атындағы Қаскелең кәсіптік-техникалық коллджінің ұйымдастыруымен "Қарасай жастары» театры өнер саңлақтарымен кездесу кеш өтті. Жүргізуші тізгінін ұстаған колледждің 3 курс студенті Каипбаев Арман.
Кеш Аудандық мәдениет үйінде өтті. «Қарасай жастары» театрының режиссеры Алишер Мұқашев, театр актерлері Жанар Берік, Рақымқаш Жарқын және Абдіхан Абзал. Актерлер алдымен театрдың тарихына тоқталып өтті. Өнер майталмандары өздері еңбек етіп жүрген саладағы өмірінің қызығы мен шыжығы мол өнер жолымен ой бөлісті. Кеш барысында қатысушылардан қонақ кәде сұрады. Онда қонақтар домбырамен керемет ән салып берді. Бірі ойнаған ролдерінен үзінді оқыса, бірі поэзия өлеңін көрермендерге паш етті. Театр актері Абдіхан Абзал «Қадырдың бақыты» ертегіден өзі ойнаған ролін көрсетті.
Адам өміріндегі өнердің маңыздылығы туралы мәліметке көбірек тоқталды. Себебі, студенттерді казірге таңда өнер саласында жүрген азаматтардың шығармашылығы көбірек қызықтырды. Театр актерлері өнер саласындағы көрген білгендерін, түйгендерін жастармен бірге бөлісті.
Қатысушылар көкейде жүрген сұрақтарына толыққанды жауап алды. Студенттер кештің құрметті қонақтарына шоқтығы биік тұлға болуына тілек білдірді.
Кеш соңында студенттер естелікке суретке түсті. Бұндай кездесу кештер жастардың санасына ой салады деген үміттеміз. Себебі, жастардың өмірлік тәжрибеден өресі биік болатыны анық.