Рет қаралды 19,770
Елбасы жоспардан тыс елорданың тыныс тіршілігімен танысты. Әдеттегідей Президент жанында артынып-тартынған әкім де, таспасын асынған журналистер де болмады.
Өйткені бұл тексеріс тосыннан болды. Алдымен оң жағалаудағы теміржол вокзалының қызметін көріп, вокзал маңындағы алаңда тұрғындармен жүздесті. Әңгіме барысында оларға табыс пен бақ-береке тілеп, қаланың коммуналдық қызметінің жұмысы туралы ойларын тыңдады.
Мемлекет басшысы шаһардың қысқы маусымнан жақсы шыққанына тоқталып, елорданы абаттандыру, тазалықты сақтау жұмыстарын жалғастыру қажеттігін атап өтті. Сондай-ақ көлік кептелісінің мәселесі мен оны қоятын орындардың жетіспеушілігіне назар аударды.