Рет қаралды 19,153
Қазақ құдайға жол таба алмайтын халық па?
Қазақты мұрнын тесіп жетектеуді қажет ете ме?
Қазақтың өресі төмен ел ме?
Әрине жоқ!
Қазақтың тереңде жатқан дүниетанымы бар, ол дүниетанымды танып білуге біздің шамамыз жетпей жүрген жайы бар осы күнде.
Тәңірін таныған, әруағына сыйынған, салт-дәстүрін ұстаған, тектілікті ұмытпаған елміз.
Онан артық не керек?
Халықтың сауатын арттыру арқылы, қоғамдағы демократиялық үрдістерді жылдамдату арқылы прогрессивті қоғамға айнала алатынымыз шындық.
Қазақтан шыққан пайғамбар туралы айтар болсақ, Мағжан Жұмабай атамыз, өр тұлғалы, еркін ойлы, қайсар тұлға.
Қазаққа жол көрсететін тұлғаның бірі - Мағжан ақын.
"От" өлеңінде Мағжан атамыз керемет өр мінездің нұсқасын көрсетті.
***
Күннен туған баламын,
Жарқыраймын, жанамын.
Күнге ғана бағынам.
Өзім - күнмін, өзім - от,
Сөзім, қысық көзімде - от,
Өзіме-өзім табынам.
Жерде жалғыз тәңірі - от.
Оттан басқа тәңірі жоқ.
Жалынмен жұмсақ сүйеді,
Сүйген нәрсе күйеді.
Жымиып өзі жорғалар.
Ұшырағанды шоқ қылар,
Шоқ қылар да, жоқ қылар.
Мұның аты От болар.
Мен де отпын - мен жанам.
От - сен, тәңірім, табынам.
Әдемі отпен аспаның,
Бәрі жасық басқаның.
Жалын жұтам - тез тоям.
Әулием, ием, құтыма,
Теңсіз тәңірім отыма
Әлсін-әлсін май құям.
Май құямын - өрлейді.
Құлашын көкке сермейді.
Кейде жылан арбайтын,
Кейде аждаһа жалмайтын.
Сескенбес, сірә, кім сенен;
Шынында, менің өзім де - от,
Қысылған қара көзім де - от.
Мен - оттанмын, от - менен,
Жалынмын мен, жанамын.
Оттан туған баламын.
Қараңғылық бұққанда,
Қызарып күн шыққанда,
Күн отынан туғанмын;
Жүрегімді, жанымды,
Иманымды, арымды
Жалынменен жуғанмын.
Жүрегім де, жаным да - от,
Иманым да, арым да - от.
Жарқырап от боп туғаннан,
Белімді бекем буғаннан,
Қараңғылық - дұшпаным.
Сол жауызды жоюға,
Соқыр көзін оюға
Талай заулап ұшқанмын,
Әлпіге барғам Алтайдан.
Балқанға барғам Қытайдан...
Күннен туған баламын,
Жарқыраймын, жанамын.
Күнге ғана бағынам.
Өзім - күнмін, өзім - от,
Сөзім, қысық көзім де - от.
Өзіме-өзім табынам.
Жерде жалғыз тәңірі - от,
Оттан басқа тәңірі жоқ.