Քիմ Քարդաշյան. Մեգաաստղի Երևանյան 3-րդ օրը

Կառավարության շենքում Նիկոլ Փաշինյանի հյուրը ռեալիթի շոուի աստղ Քիմ Քարդաշյանն է: Զրույցի ընթացքում վարչապետը նշել է, որ Հայաստանին աջակցելու Քարդաշյանի պատրաստակամությունն իր արդյունքը տվել է:
Քարդաշյանին հիացրել է մեր երկրում կին ձեռներեցների ակտիվությունը, նա խոստացել է ավելի հաճախ այցելել Հայաստան:
Քարդաշյան քույրերը՝ երեխաների և ռեալիթի շոուի նկարահանող խմբի հետ հասցրել են նաև Գառնիում լինել: Ավելի վաղ էլ սոցիալական ցանցերում երկու հարյուր միլիոնից ավելի հետևորդ ունեցող հայուհին իր հյուրանոցի համարից տեսանյութ էր հրապարակել, ցուցադրելով Հայաստանում ստացած նվերները և շնորհակալություն հայտնել:
Քիմ Քարդաշյանի հայաստանյան այցը միջազգային մամուլի առաջին էջերում է: Երևանում ռեալիթի շոուի աստղը բացառիկ հարցազրույց է տվել Ռոյթրզ լրատվամիջոցին: Պարզվում է, որ բիզնեսվումն Քարդաշյանը միայն արտադրական փուլի ավարտին է իմացել, որ իր Սքիմս ներքնազգեստի շարքի արտադրութամբ զբաղվող հինգ երկրներից մեկը Թուրքիան է:
Հայաստանում արտադրություն բացելու Քարդաշյանի պլանները գործնական փուլ են մտել:
Քարդաշյանը խոսել է նաև իրավաբանական կրթության մասին, որն իր զբաղվածության պատճառով իսկական մարտահրավեր է դարձել: Ապագա փաստաբանը հստակ որոշել է` աշխատելու է դատապարտյալների ոտնահարված իրավունքները վերականգնելու համար:

[@АссГоо-н2о]

КЭЦЦЭ МЭР ВАРЧАПЭТ 🇦🇲👍👏 У КИМ 🌹