Рет қаралды 2,376
КӨКТҮБЕК
Ақсуаттың бір ауылы - Көктүбек,
Қыздарының жанарында оты леп.
Жігерленіп кесек-кесек сөйлейді,
Жігіттері төбесімен көк тіреп.
Ақсуаттың бір ауылы - Көктүбек,
Әр тұрғыны шежіреші, текті, бек.
Бұл ауылдан ұзай қалсаң сәл алыс,
Сағынасың кеуде тұсың тепкілеп.
Ақсуаттың бір ауылы - Көктүбек,
Қара да тұр, көркейеді тек түлеп.
Еліктердің қарасы да көбейген,
Қалың шидің арасына көп түнеп.
Ақсуаттың бір ауылы - Көктүбек,
Күні жарық, көгінде жоқ көк түнек.
Жері жайлы, елі ойлы болған соң,
Айтатұғын атан түйе шөкті деп.
Ақсуаттың бір ауылы - Көктүбек,
Көшесінде қоңыр салқын өпті леп.
Кең далаға көктем шыға келгенде,
Төбемізден қалың нөсер төкті кеп.
Ақсуаттың бір ауылы - Көктүбек,
Адаспадық, аттың басын дөп тіреп.
Өмірімде алғаш келдім, бұл елге,
Көңілімде сайрап жатыр көп тілек..!
© Мерей Қарт
#ән
Жұбаныш Жексенұлы - Ауылым
#Ақсуат #Көктүбек