Рет қаралды 147,440
آهات من طول العناء طاولتني
ونفسي من الفرقى وحالي سخيفة
جارت علي من الفراق و قصتني
غزت ولكن ما نوت بالنكيفة
بهمومها اللي شفت منها كوتني
هذا الذي خلا حياتي مخيفة
باكر يروعني وأنا فيه فتني
وأقول ليت الغيب يبخل بحيفه
خيل السعادة بالهوى خالفتني
خالفت معها عيد قلبي وريفه
هبت هبوب بالنيا عطشتني
وكم غالي قبلي ظما من وليفه
ليت الليالي عن غرامي نهتني
ولا بدا زرع الأمل منك هيفه
وإلا أنها في غايتي خيرتني
وأختار أنا مرباع قلبي وصيفه
خلٍ جيوشه بالمحبة غزتني
وأنا أسيرٍ للعيون العفيفة
أغلى هجوسٍ طول الأيام جتني
هاك الهجوس اللي تجيني بطيفه
الماضيات بغيبها ما أنصفتني
والمقبلات أرجي عدلها خليفة
أتبع ظنونٍ بالهوى ما شفتني
وأحسب حمولي بالمحبة خفيفة
واليوم ظالمة المحبة طوتني
طي الورق يوم أنطوى به خريفه
وأشباح ياسي بالهموم إعترتني
وأنا علي أسباب صدك كليفة
أشيل حتفي راضي فوق متني
وأروح نفسي من حياتي معيفة
وأقول للي بالجفاء عذبتني
عسى الشقاء من بيننا بالنصيفة
شربت من فيض الشقاء واشبعتني
دنيا مع الأحزان ضدي حليفة