خالد ال بريك & دمع الحزين | الله من الخوة براسه وقو الحزام 💔2023 حصرياً

طلب التصميم رابط الواتس مباشر 👇🏻‬
‏api.whatsapp.c...
تصميم
الساطي - القناة الرسميه
سنابي حياكم الله شرفوني
t.snapchat.com...
#الساطي
#خالد_ال_بريك
خذت لي فنجال ثم جاء للأفكار ادحام
كن رآسي عد بدوٍ على جاله قطين
اعتليت أروّق الراس في راس العدام
مايروق الا على العزلة وهمس القرين
سبحتي دلوٍ للأفكار وأحياناً خطام
دين ماهي دين لو كنت اخير المسلمين
ارسم الصورة وأسوي للأفكار انسجام
شيب دقني ماظهر لين شابت كل عين
مال غصنٍ من غصون السَّلَم فوقه حمام
وإنتبهت لصوت حنّة مجروعة الحنين
وطارت أسرابه مع الجو من فوق الخيام
واعتلت يم السحاب وتنطحها الغشين
واستدارت للسلم والجبل تبغا السلام
لين نقّط كل غصنٍ مثل دمع الحزين
كيف ما اصف القوافي وانا شاعر مقام
والشوارد كل فكرة تولد فكرتين
فكرتي ماهيب مطروقة وطرقي وسام
مختلف لو كانوا اشباهي اربع واربعين
بصمتي بصمة قريحة ماهي بصمة دوام
والمواريد الثمينة تبي فكرٍ ثمين
نرجسية كل شاعر تعرضه الحرام
لين يقرنها بقولة عسى ربي يعين
كيف اببدأ سيرة المدح في نص الكلام
انتقال وربط فكرة وتمريرة ذهين
يا خيالي لا يجي في مثايلك انهزام
لين تارد كل عوصا على الحصن الحصين
ساير الفكرة تجي كنها ريشة نعام
ساير المعنى وجنّب عن المعنى الهجين
حي الاسم اللي يجي في مطاليع الكلام
كن ربي قاصده مايجي في كل حين
حي ساير بن سهو لا غطى الدنيا عسام
لا اختفو هراجة الفعل واللازم يبين
أرجحٍ لا بلشوا اللي يردون الجهام
إعتزوا به لأنهم يعرفون الوضع زين
مالكٍ قولة ونعمين من صوب الحشام
ويتناخونه ليا عودت واحد ثنين
يصرف علاج المشاكل تقل دكتور عام
ولا عطاك علاج زوّد عليها "حبتين"
الله من الخوة براسه وقو الحزام
يغني عن السيف الاجرب وخشم المارتين
يفعل من الفعل أعزه وألزه كل عام
طينته مخلوق من نوعها طينة عرين
و"الوعد" على لسانه وعينه ماتنام
لين بكرة بإذن ربي يحط "الواو" "سين"
ما سهى عن كل ميقافٍ يزوده مقام
كنه يسوي للأمجاد لامرت كمين
كن فـ حجاجه بشاير وفي كفه غمام
من كثر ما يعطي الناس ماكنها يدين
وقفته يشبه لها الماء عقب طول الصيام
وجزلةٍ مثل العزيمة على سمن وسمين
لو يعدّون الشياطين سلّم فالظلام
يسرقون السمع والوحي عند الفرقدين
ما أحدٍ ياصل مواصيل ساير فالأنام
عند خوّته وحماياه ماحوله قرين
كلهم جنب ومناكب وهو ذروة سنام
موقعه لو يزعلون المطانيخ اجمعين
الكريم الطيب أمدح مواقيفه شمام
والأكارم شانهم شان عند الغانمين
وفوق معروفه عليه عليه بالحرام
إنه تشرّف مساعيه مدح المادحين
سلمولي كل يومٍ عليه ازكى سلام
ما مدحت ابغى جزاها هذا العلم اليقين
وكل ما دار الزمن واصبحت وضحه جهام
سلّموها ابوه الأصوك وابو جنب متين
سيرة ابوه الكريمة مثل بدر التمام
يسري الغادي على نوره مع المهتدين
بين عتق وبين عزٍ و جودٍ مستدام
عطر لصدور المجالس واذان السامعين
تفرح ابه ارقابٍ تنوّخ لـ سيف النظام
يوم زيروم المواقف سهو ذرب اليمين
ربعه اللي تحتزم به لعسرات المهام
ما يعرفون الصعايب ولا جور السنين
جاعلينٍ راسه الصلب تقبيل ومقام
من كثر ما كل حبة يخليها طحين
سيرته عطرة ليا مرّت سموع الكرام
كنها مقريةٍ من رياض الصالحين
حاول تطبق مسيرة سهو بين الانام
واستعن بالله ولا تلتفت للشامتين
خل صيتك مسك حتى يجي مسك الختام
لا تعود من الحياة ومعك خفي حنين
-عبدالهادي الضميّان ..