Рет қаралды 56,410
زمان العام
روض خضر في قافر وشبه وفتق في سحاب
ودراجة المصغر وتنعومه و سجده في فلا
المنظر الي ودي اسري له ذهاب بلا اياب
يا سلوت اللي من زمان العام عيا ما سلا
من كثرة الاصحاب ولا من كثير الانسحاب
اثر الليالي بالعجايب و المصايب حمّّلا
وينك يابو جابر ترا الرفقة تعلق في الرقاب
وانت الرفيق الي تجمل رفقته وانت العلا
احد من حد القنا واكرم من فعول الرباب
والى نصيته يلتمخ كنه يصاليه الصلا
استغفره واتوب له يا ويش جاب لويش جاب
يكرم عن اللي تجحد الرفقه وفي الجاه بخلا
يا علي بن فاضل ليا من فتح للشعار باب
والله ما تقبل ولا اقبل في الشواعير بدلا
هييت لي فرصه على ربعي عزيزين الجناب
والله يعطر قبر ابوك ولا عدم ولا خلا
اهل البيوت اللي تبرك عندها وني الركاب
واهل الجهام اللي يبوج الارض بأنواع البلا
يضرب دبشهم كل ممنوعه بمصقول النصاب
من بير فاضل من جنوب الين تاصل كربلاء
واهل الحمايا والنوايا البيض وصياغ الخطاب
واهل النقاء واهل المراجل كل ابوها من الى
الى زعلوا كنك تشوف الجور وأنواع العذاب
والى رضوا حي الشلا في ذمتي حي الشلا
لا راحت الدنيا بعينك مثل خافية الغراب
ولا عاد تسمع كون الاول بس والثاني ولا
عليك باللي كن مبانيهم مثل سود الهضاب
عذبية كنهم على الامجاد في الارض وكلا
اليا غزوا تهرف عيال الذيب ويحوم العقاب
لا دخن البارود وانجا اهل المقابيل قبلا
وسيوفهم من تحتها تحانت طوال الرقاب
ووجيهم فيها المهدد و المجلين دخلا
عند الطويل معقلين ارجيلهم شيب وشباب
ما والله يخلا للنسور الطير وسباع الخلا
وجموعهم قامت تحادا مثل هييج الركاب
حتى تفانوا دون ولد العود جرحى وقتلا
في مدحكم يا لاد بن عذبه لو اولف كتاب
والله ما يحصي فعل ربعي مقابيس البلا
عسا تشيب عيوني الثنتين كان القاف شاب
لكن يابن فاضل هل الصفرا من الارض دخلا
نبي نعلمهم صحيح الزين و ملاحا المهاب
الذود صدرن يدهر والشعر شر منزلا
كل قعسا كنها ترشف من مراويح السحاب
الى مشت تقطر حلا وان وقفت تقطر حلا
تو الرعايا تطرق البيد وتغرشا في السراب
لا هايفت شمس العصير انا اشهد ان فيها بلا
بنت افدغ متسند من مقدمه واهزع عقاب
يصايد الريعان لا درهم ويتلى ما تلى
ما هرمنوه المجرمين اهل النواميس الهباب
اللي ورا التورات بأنواع العقاقير انزلا
اهل العبث ودك تحط خشومهم وسط التراب
ويقومون من المجالس للخلا غير الخلا
والله لا احاربهم ورزقي عند من ينشي السحاب
اما كذا ولا فلا اما كذا ولا فلا
اشره علي الى حسبت لهم على الدنيا حساب
هذي عوايدنا من اهلنا عوارف وجهلا
كلمات :
فارس الحشار
اداء :
خالد ال بريك
تنفيذ :
اهتمام الدوسري
..
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : اهتمام الدوسري
______________________
للتواصل والاستفسارات :
الحسابات الرسمية لـ قناة اهتمام الدوسري .
SNAPCHAT : P.5BF
Whatsapp : 050 608 9787
#زمان
#العام
#خالد_ال_بريك