Рет қаралды 80,240
bit.ly/osloop-animation-cours...
تقدر تتعلم من الصفر للإحتراف طريقة عمل فيديوهات كارتون أنيميشن إحترافية زي الفيديو ده من الكورس الخاص بتعليم طريقة عمل فيديوهات كارتون أنيميشن والتربح منها مثل قنوات أسلوب من الرابط التالي:
bit.ly/osloop-animation-cours...
رابط انستاجرام الخاص بأسلوب:
/ osloop.life
أهلا بيكم في حلقة جديدة من أستديو أسلوب
في البداية احب اشكر كل أصدقائنا اللي شاركونا بعجلة حياتهم للسنة الجديدة و عملوا لينا منشن علي إنستجرام و لوانت بتتفرج علينا دلوقتي و مش فاهم احنا بنتكلم عن ايه؟ يبقي انت لسه ماشوفتش الحلقة اللي فاتت! ياريت تشوفها حلقة بعنوان "عام جديد , بداية جديدة"
و ما تنسوش تعملوا الواجب اللي موجود فى الحلقة. و دلوقتي هنعرض عجلة الحياة للسنة الجديدة لكل اصدقاءنا اللي عملوا لينا منشن علي انستجرام ..( عرض للستوريز اللي اتبعتت لنا زي سلايد شو بال emojis اللي حطنهاها علي الستوريز)
النهاردة هنطرح فكرة جديدة او تكنيك جديد لبناء عادات سليمة في حياتناللسنة الجديدة و دي فكرة مخصوص لأصدقاءنا اللي عايزين ياخدوا الامور واحدة و احدة و حاسيين انهم مش هيقدروا يبنوا عادات كتير مرة واحدة او حتي فكرة انهم يحسنوا جوانب كتيرة في حياتهم مرة واحدة فكرة صعبة عليهم و هتخليهم يتشتتوا او ما يكملوش! خلي بالكم احنا في اسلوب بنعرض ليكم افكار متنوعة و ممكن تكون افكارمختلفة لنفس الموضوع و اساليب و خطوات مختلفة لنفس الموضوع, وده لان مش كل فكرةاو طريقة بنقترحها عليكم ممكن تنفع كل واحد فينا. ما عليك غير انك تجرب و تشوف الخطوات او الطرق اللي انسب ليك. المهم توصل للنتيجة المطلوبة. سواء خطوات عن المذاكرة او طرق لتنظيم للوقت او بناء عادات سليمة و غيره من المواضيع اللي بناقشها في اسلوب. ما عليك غير انك تجرب و تختار الانسب لك
و انهارده فكرتنا لبناء العادات الجديدة في حياتنا مختلفة وتتلخص اننا ممكن بدل ما نبدا فى بناء كذا عادة فى نفس الوقت نركز علي بناء عادة نجاح واحدة فقط كل شهر يعني فى الاخر نكون بنينا 12 عادة نجاح في 12 شهر
و تبني كل شهر عادة مختلفة .. و بكده علي مدار سنة كاملة هتكون كونت عادات مختلفة كثيرة .. و هتحس بالتغيير أكيد.
بعد ما عرفت ايه الجوانب اللي فيها خلل في حياتك بعد مشاهدتك للحلقة اللي فاتت حدد أولوياتك السنة ديه.
ايه العادات الاولي انك تبدا فى بناءها فى حياتك!
أسلوبي : حضرتك عمالة تقولي بناء عادة بناء عادة .. و احنا مش فاهمين هي ايه العادة ديه أصلا ؟؟
أيوة صح يا أسلوبي .. هو يعني ايه كلمة عادة ؟؟ ..
العادة هو انك تعمل شيء معين او تمارس سلوك معين بصفة مستمرة و بدون تفكيير.
مثال .. لما تدخل البيت كل يوم و تحط المفاتيح علي الترابيزة ديه اسمها عادة autopilot يعني بنعملها بدون وعي او إدراك و تاخد حيز حتي من تفكيرك
لما تغسل أسنانك كل يوم او تشرب القهوة اول لما تصحي دي برده عادة autopilot.
لما تبص علي موبيلك اول لما تفتح عنيك من النوم دي اسمها عادة برده بس عادة سيئة