خناقه عفش العروسه

[@MahmoudAli83]

لينك بيدج المها هوم عالفيس بوك اهو خشو شوفو العروض والحاجات تحفه وقطع الحب وسنينه 😁👇 m.facebook.com/elmahahomefurniture

[@mustafahelmy6582]

هو الاعلان عن نتيجة المسابقة امتي يا سيد محمود السيد. انا شكلي كسبت إلهي يسترك ويطعمك ما يحرمك

[@aboodshoaibi338]

المصري هو من رسم ومازال يرسم البسمة على شفاه العرب من المحيط إلى الخليج..شكرا مصر شكرا استاذ محمود انت مبدع

[@moatazhabba]

كنت في اخر سنه في الجامعة و هي كانت في سنه تانيه كنت ماشي و خبطت فيها من غير قصد و حصلت بينا مشادة و من يومها و انا بامشي وراها في كل حته و بعد سنه اتجوزنا بفضل الله و كرمنا الله بطفلين توأم

[@AyatAlnnwr]

الحب من النظرة الأولى

[@نعمةالله-ض4ك]

كنت ساكنه في الفلاحين وهو في اسكندريه وهو ابن خالتي وانا معرفش وجاي يزورنا وانا منتقبه والدنيا كنت بتشتي موت وجه يسأل علي بيتنا لحد ماجه وخبط فتحت الشراعه قالي أنا ابن خالتك فلانه قلت له ولو ..مينفعش تدخل لان مفيش حد في البيت غيري فضل يتوسل لي أنه يدخل مرضتش ..فضل ماشي في البلد يسأل علي مكانهم لحد ماقابلهم وجه معاهم البيت ولما دخل مد ايده يسلم عليا مسلمتش عليه وكسفته ..وهو كان مغرور قوي وطالع فيها لانه كان وسيم جدا ..وكان مطرب للاسف ..وكان بيشرب سجاير ومش بيصلي .وانا العكس تماما ..المهم قعد عندنا يومين ولما رجع لامه قالها هي دي مش هتجوز غيرها ..واتجوزنا واتحديت الدنيا اني هخليه شخص تاني والحمد لله أصبح أمام مسجد وحفظ القرآن الكريم كاملا وأصبح محفظ لكتاب الله وكمان مسؤل عن قطط وكلاب منطقة سيدي جابر ومصكفي كامل وكليوباتر اكل وشرب وعلاج في الشوارع ربنا يجعله في ميزان حسناته

[@fatmaalzhraa4285]

ربنا يخليكم لبعض ❤

[@EsraaHamdyKhedr]

❤❤❤

[@alsayedabdelbaqey3585]

اللهم بارك اللهم بارك ربنا يحفظكم ويبارك فيكم يارب العالمين ❤️

[@امروفيداسراج]

ربنا يبارك لكم فى بعض وفى حياتكم وأولادكم ويجزيك خيراً ويهديكى ويهدى بك

[@فارسعبدالله-ك1غ]

الله اكبر ربنا يبارك فيكم

[@samaahmad9511]

زميلتي في الشغل كانت بتحكي أنها كانت في المترو وبتكلم بنات صحباتها على سيديهات تعليم برامج عندها قبل ما تنزل لاقت واحد مركز معاهم وقالها لو سمحتي عايز السيديهات دي وفعلاً كلمها بعد كده وقابلها في المحطة تاني خدهم الغريبة إن بعد الجواز اكتشفت إن حاططهم تحت السرير ولا فتحهم حتى ما شاء الله ربنا يبارك في حياتهم عندهم بنوتين ربنا يسعدهم

[@شروحاتشرعية]

انا كفيف وهي كفيفا وتعرفنا على بعض في المصيف والغريبة ان انا ما كنتش ناوي اروح بس سبحان الله القدر ولو احكي لكم على كمية الحرب اللي حربناها مع اهلنا عشان نتخطب فده موضوع محتاج كتب عشان يضحكي حطوا لينا لايك❤❤

[@samiaalrahmani8887]

اخي الكريم في حد كتب بالنيابة عنك اكيد صح ؟؟

[@شروحاتشرعية]

@samiaalrahmani8887 لا انا اللي كتبت انا الحمد لله متعلم وطالب ماجستير واحنا بنعرف نتعامل على السوشيال ميديا

[@samiaalrahmani8887]

@@شروحاتشرعية انت كاتب انك كفيف - يعني ما تشوف- تقصد ان في صوت يقرى لك المكتوب

[@emanmahmoud3949]

​@@شروحاتشرعيةانت اللي كاتب ازاي وانت كفيف

[@HeshamHakasei666]

الي هوا ازاي يعني مش كفيف يعني مبيشوفش وله انا اتلخبط ازاي بتقرائي الكومنتات؟@@شروحاتشرعية

[@monasharawy2020]

ولا حاجة انا كنت مفركشه من موضوع طويل اخد من عمري ٧ سنين واكتر وكسر بخاطري 💔🥺 احتسبت عند ربنا امري وفوضت امري لله وقفلت الفيس بتاعي وده كان اخر يوم حرفيا ع الفيس كان ليله راس سنه ٢٠٢٠ ولغاية دلوقتي مفتحتوش للصدفه الباحته ف نفس اليوم كنت رايحة مع ماما عياده الاسنان وبعد ما خلصنا روحنا الصيدله اللي جمبه نشتري علاج اللي دكتور قال عليه صاحب الصيدله كان يقرب لماما من بعيد وماما تعرف مامته وقعدت تسأل علي مامته وهو يسأل ع العيله لاننا قرايب ومشينا وانا لاجل قلبي الطيب قولت اعدي ع بنت عمتي لان سمعت انها عيانه وبيتها كان جمب العياده ف اللحظه ديه شافني خطيبي اللي هو ساكن بردو ف المكان ده وهو كان شايفنا ومراقبنا واحنا ف الصيدليه ودخل ورانا يسأل صاحبه عليا انا مين وبنت مين شوفتوه جبر خواطر وتفويض امورك لربنا بيعمل ايه☝️🥺🤷‍♀️❤️

[@MahmoudAli83]

لينك الانستجرام بتاعي بنعمل سحلب هناك في الشتا نوروني 😁❤👇 instagram.com/mahmoud_elsayedoffical

[@Terezon2]

كنت نبطشي في الطوارئ وكان فيه حادثة، والدنيا مقلوبة، وهي كانت لسه امتياز في النسا، وجت تسأل على جدول النوبطشيات، صرخت فيها وبعد شهر لبسنا دبل

[@نسمةأحمد-ب8ص]

أنا منتقبة الحمد لله وبحفظ القرآن المهم كان بيتقدملى ناس مش ملتزمين وكدة فكان نفسي ف واحد بيحفظ القرآن أو حتى يشجعنى اكمل وكل لما يتقدملى حد مكنتش يوافق واحيانا هما اللى مكانوش بيوافقوا المهم انى دايما كانت بتتخانق معايا انى اوافث وخلاص لأن سنى بيكبر وكدة فأنا كنت بدعى ربنا كتير وكان عندى حسن ظن ف الله كبير جدا جدا فلقيتنى ف مرة هى بتقولى امتى بقا هتوافقى وترحميني وكدة قلتلها والله ياماما هيجي قريب الملتزم اللى بتمناه وهيتجوزنى ف شهر كمان طبعا أنا ساعتها مكنتش اعرف اى حاجه بس كان جوايا حسن ظن ف الله أنه مش هيكسفنى وهيبعتلى الشخص الصح اللى هرتاحله وفعلا هيسرع الزواج المهم أنه فعلا ربنا اكرمنى وبعدها بأيام جه زوجى الحالى واتقدملى واتجوزنا فشهر والله زى مابقلكم كدة وكنت مرتاحه جدا جدا ليه والحمد لله طلع افضل مما تمنيت بفضل الله وكرمه

[@fatimasbahi4651]

دي اجمل قصة🎉

[@سهامالليل-م3خ]

ربنا يسعدكم و ما يحرمكم من بعض

[@mustafahelmy6582]

انا مدرس English واتعرفت علي زوجتي عن طريق خناقة . القصة من البداية لو انتم فاضين .خير اللهم اجعله خير.٢٠١٢ كنت شغال بسنتر دروس. وليلة مراجعة ٣ ث روحت السنتر لقيته مقفول والسبب الكلون متغير واللي غيره المدرسة الجديدة لو و English .المهم كلمت مدير السنتر قالي معرفش حاجة عن الموضوع ده .قولتله مين اللي غير الكلون قالي المدرسة الجديدة وعملت لكل مدرس مفتاح وتقريبا نسيتك 😠. المهم قررت انتقم منها تاني يوم . روحت السنتر دخلت قاعتها وسألت عليها وعرفت انها جاية بالطريق سبتلها رسالة اني منتظرها بالمكتب. وبعد ربع ساعة لقيت واحدة قمر دخله عليا وبتقولي خير يا مستر . قولتلها الخير كله إن شاءالله😍 المهم مطولش عليكوا قولتلها حضرتك مين. قالتلي أنا مس ... ولقيت شعور الانتقام إذ فجأة ن تحول لشعور محن ونحنحه وسألتها انتي مرتبطة قالت نعم 🤔 المهم كانت معجبه بس بتتقل وحاليا متجوزين ومعايا أنس ومريم . ❤

[@fatmaalzhraa4285]

ربنا يخليكوا لبعض 😍

[@animeclub4654]

ماشاء الله تبارك الرحمن

[@Andealrhman]

سبت الفديو وكملت القصة 😂❤🎉

[@manal9462]

ههههههه ربنا يسعدكم و يبارك لكم في اولادكم

[@ibrahimag-arts5302]

ماشاء الله لا قوة الا بالله ❤يارب يبارك لكم ويسعدكم ويهنيكم❤ بس احب اضيف شيء مهم...أنه لو صلحت القلوب والأخلاق صلح كل شيء..لأن معدنك طيب واخلاقك كريمة،شعور الانتقام تلاشى في ثواني ..على عكس من يتجاوز الحدود في التعدي على الغير..ولأن فطرتك سليمة بتقدر جمال خلقة ربنا..على عكس بتوع البنات معندهمش ذوق ولا تقدير...واخيرا بتصون النعمة وسعيد بفضل ربنا...بارك الله فيكم ورزقكم كل خير

[@fyrouzzaki3215]

لا تنسون الدعاء لاخوتنا اللهم انصر غزه و فلسطين و مكملين في المقاطعه يا جماعه كرانشي مقاطعه تباع لشركه شيبسي اللي ميعرفيش و شيبسي و ليز الاتنين شركه واحده يعني مقاطعه و دانون و تونيكيز و جبنه ابو الولد و لافيجكيري و برزدون و كيري مقاطعه و كلهم شركه واحده بردو

[@fatimakarara9913]

اللهم امين يارب العالمين اللهم انصر اخواننا في فلسطين وغزة واحفظهم بحفظك وسدد رميهم وسخر لهم جنود من عندك يساعدوهم وانصرهم على عدوهم وامددهم بمدد من عندك يارب العالمين

[@fyrouzzaki3215]

@@fatimakarara9913 اللهم أمين يارب العالمين

[@EiadHamdy-f7h]

بصراحه مش قصتي شخصيا بس اللي حكي بيقول: اغرب خطوبة كانت خطوبتي اليوم اللي رحت اتقدم فيه كانوا بيوضبوا وينضفوا في الشقة قعدت اتكلمت معاهم شوية قالولي مش وقته قوم نفض معانا قمت رامي الشوكلاتات علي جنب وقالع الكوتشى ومشمر ودخلت امسح معاهم وانفض اكمننا قرايب یعنی وكملنا كلام وانا بمسح الشبابيك ووافقوا وشربنا الشربات بعد ما غسلت السجاجيد 😁😁

[@AlSurayah]

😂😂😂😂😂

[@meriamgoda369]

العريس يتعرف من ترويقه 😂

[@welshirbny13]

انا من المنصوره وهيا كانت من الزقازيق ف كنت رايح اتبنى منها قطه ف زى ماتقول قطه جابت قطه ومفيش اسبوعين وخطبنا

[@احمدالشيخ-ر4ث]

اتقابلنا فى فرح صاحبى وصاحبتها عاجبتنى وعاكستها نفضتلى وسابت الفرح ومشيت سالت عليها العريس والعروسة وعرفت اسمها ومرات صاحبى ظبطت يوم تكون بتزورها ويبعتلولى كانه عادى يعنى بزور صاحبى اول ما دخلت كانت هتمشى قولتلها عايز اخطبك بس محتاج اعرف رايك ايه ولا عبرتنى ومشيت بعدين صاحبى قلى توكل على الله روح اخطب البنت موافقة انك تخطبها وخطبتها واتجوزنا فى 6شهور والحمد لله بقالنا 12سنه جواز عمرها فى يوم ما غضبت وسابت بيتنا ولا عمرها زعلنا زعلة كبيرة فى يوم

[@om_Mohamed25]

كنت بودى بلح الجامع فى رمضان وهو خده منى. 😂😂

[@manal9462]

مين اللي خده الاستاذ محمود

[@salwa6862]

​@@manal9462😂😂😂😂😂

[@00style]

صدفة من كتر الوجع وضياع الحياة والعمر الذي عايشته واعايشه لم أود ذكرها ولو بكلمه

[@AlSurayah]

انسي...

[@اشرفعبدون-س5ف]

كنت عند صاحبتى النوبيه وهو صاحب اخوها وهو كمان نوبى وانا من اسكندريه شافنى والهلب شبك وقال لصاحبه عليه ولما رجع للقاهره لانه قاهرى قال لوالدته ورفضت لانها عايزه واحده نوبيه منهم عارفه عوايدهم وطباعهم قال لها خلاص وانا مش حرتبط بغيرها لحد ما والدته وافقت جه خطبنى ومعانا ٣أولاد

[@الرحمنالرحيم-ص9ط]

وياترا هو نوبى ومن فين بقا 😂وانتى من فين ف اسكندرية 😂😂😂

[@manarelsaidelbeda55]

اتعرفت علي خطيبي بعد ما اتقدملي ورفضته من غير ما اشوفه ورحت الانتخابات كان هو اللي ماسك اللجنه بتاعت الانتخابات لماما طلب ايدي مني ومن ماما ووافقت 😂اتاريه هو اللي رفضته قبل كده قبل ما اشوفه

[@KarmyRayan-kx3ws]

كالعاده استاذ محمود ملك الكوميديا وبمجرد أن نري اشعارات من قناته ترسم السعاده علي وجوهنا ادامك الله في صحه وعافيه تحياتي لك من قنا صعيد مصر ❤❤

[@إنقطععملهونحنأمله]

في خناقة مواصلات انا بقول للراجل ليه بخمسه جنيه دا كتير وهو بيقوله لأ يا اسطى مش كتير البنات بيدلعوا ،، وكان الميكروباص فاضي ما فيه الا انا وهو ،، قمت نزلت اشتري حاجه ولما رجعت كان الميكروياص مليان مافيش غير الكرسي اللي جنبه بس فاضي فركبت وانا متضايقه جداً ،،، ومش طايقاه ،، بس هو مشى وراي لغاية ما وصلت البيت ،، وتاني يوم من الفجر استناني في المحطه لغاية ما جيت الساعة 8 ههههههه و مشي معاي لغاية الجامعة و قعد مستنيني لغاية ما خلصت و انا راجعه قعد جنبي في الميكروباص تاني وقالي يااااااه عالصدفه 😂😂😂😂😂😂

[@hametwahed2547]

انتى سكتى ليه ياحبيبتى فين باقى القصه وحصل ايه بعدها ؟؟ 🤣🤣

[@monyfahd-bz6zi]

انا جوزي كان جاي مع ناس يحلوا مشكلتي مع خطيبي الاولاني عشان حصل مشاكل وسيبنا بعض ف هما نادولي عشان يسألوني لاخر مرة انتي عاوزة الشخص ده ولا لا ف انا طلعت وقلت لا انا مش عاوزاه ف هو شافني ساعتها وقبل مايطلعو من البيت قال لعمي انا عاوز اخطب البت دي 😂وبس كدة واتجوزنا

[@salmakhalil259]

أنا وجوزي جمعتنا صدفتين ورا بعض مره شافني وأنا رجعه من المعهد الازهري ومره كنا نبارك لعرسان العريس قريبه والعروسه قريبتي من هنا ولعت شرارة الحب في قلبه وجه واتقدم لي ❤❤❤❤

[@ahmedalireza-uo9vi]

جميل اوي ودمك عسل يا استاذ محمود. شكرا

[@naglaa-i7d]

كنت صحيه من النوم وطلعت بره كان بينده علي الباب بيبلغ رساله عن شغل اخويا المسافر بره كلمني كلمتين رديت عليه وقولتلو ليه جيت انت بس مشي ودعيت ان يكون من نصيبي ولقيتو بعده بيسال عليه عشان يخطبني

[@karimmekawy4379]

يعني ايه ليه جيت انت؟ كان مسافر مع اخوكي ورجع يعني؟

[@ulquiorrasama5617]

اتعرفت عليها من الشغل و بالصدفة مرة كنت شاري سنيكرز و حاطتها ف الشنط ة بتاعتي و قلت في نفسي لو شفتها هديلها الشوكولاتة , و بالفعل شوفتها بالصدفة و قلتلها صباح الخير و اديتلها السنيكرز ( مع انو الشركة فيها 100 موظف صعب تشوف حد صدفة ) و بعدين قعدت اتعرف عليها شويا شويا و ف مرة كانت اختها جالهم بيبي ف جبت شوكولاته ك نقوط وقولتلها الف مبروك , بعدين بلاقيتها بتقلي تعالى حفلة السبوع و رحت و كنت قلقان اوي و اتعرفت على كل اهلها و كانت First impression كويس جدا , و بعد كم اسبوع اعترفتلها عل واتس و بعد 5 شهور اعترفتلها تاني و روحتلها الشغل معاي شوكولاته و ورد , و إن شاء الله ف الاسبوعين الجايين هكلم اهلي و اخطب ادعولي بالتوفيق

[@آيهالله-ط8ج]

ربنا يوفقكم ويسعدكم ويجعلها زوجه صالحه ويرزقك بعدها بذريه صالحه

[@yasmeenehab6920]

عسل يامحمود والله😂😂😂😂 يارب دايما منور الدنيا وتنزلنا احلي فيديوهات❤❤

[@OmarMohamed-th7lw]

في درس الاحياء وكانت اول حب من اول نظرة 😊

[@farahomar1250]

مفيش حاجة اسمها حب من اول نظرة دة بيبقى اعجاب

[@Mia-vu8mt]

بموت فيك ياابيه محمود جاتك ضربة 😂😂😂❤❤❤❤

[@Gamal-Ali]

ايوة انا سنجل اعمل ايه يعني دلوقت يا بتاع مشمش انت والله لو مكسبتنيش لاجيبلك شاهي

[@hebahagag956]

هههههه.. باكوس... والبيطاش... تحياتي استاذ محمود... من محرم بك😍

[@hebawagdi556]

أنا انفرجت على الفيديو مرتين من جماله

[@ايمانعلي-ه8ف]

بجد فصلتنى ضحك روعه جميل جدا 😂👍😍

[@Zaynab-n5c]

كتت اشتغل وعالطريق وانا قاطعة ضربت بمراية سيارته وتزوجنا وصار عنا بنت عمرها سنة ونص

[@ahmedbarakat8920]

صحيح كل بداية قصة كان ليها حكاية بس بصراحة كل صاحب قصة مستمرة او انتهت هتلاقيه بيقول بيت واحد لنزار قباني .. لو اني اعرفُ خاتمتي ..ما كنت بدأت .. او هتلاقيه بيصدق وبيبصم بصوابعه العشرة علي مقولة ..انيس منصور.. سعيد من يجد إمرأة يحبها... تعيس من يجدها....ويتزوجها...

[@ذِآتٌآلَنِقُآبً-ر8ت]

‏﴿ قُلْ عَسَى أَن يَكُونَ قَرِيبًا ﴾ "ياربّ أجعل بيننا وبيّن حلمنا مُلتقى"🥀♥️

[@يومياتاميرهالبنا]

انا نفسي اكسب الركنه واديها هديه لماما❤

[@خالدالكملي]

❤❤❤ والله يا حوده انت دمك خفيف

[@احمدعبدالمنعم-ذ2ش]

صلوا علي جميل الوجه وبدر التمام شفيع الخلق في يوم الزحام ❤❤❤❤❤❤❤❤❤

[@سهرةابراهيم]

قصة عادية مراته الاولى اتوفت وبعت أخته تتكلم عليا وكل العيلة استغربت لانه مكانش ليه اى كلام معايا بس انا دعيت لو كان خيرا فسهله لى وان كان شرا فابعده عنى ودلوقتي جوزت كل اولاده وانا اهو متجوزاه لية 16سنة فرح وحزن والحمد لله مراعى ربنا فيا وبيقول انتى أمانة عندى

[@zayed7782]

الحلقة جامد جدا 😂❤ أنا كنت رايحة اتخانق معاه ولقيته قاللي معجبك بيكي وبحبك 😮 تنحت وجه اتقدملي وحاليا جوزي الحمد لله ومعايا ولدين شبهه من كتر حبي ليه ❤😊

[@veeismael4019]

كنت مسافرة امريكا لاخويا و لسة فاسخة خطوبتي و مش طايقة اكلم حد أصلا و هو كان بادئ شغل جديد عند بيتنا القديم و اعترفنا على بعض و قلت له مش بصاحب عايز تخطب كلم بابا قالي هاتي رقم بابا و كنت بطفشه الصراحة😂 لاقيته كلم بابا فعلا و بس عندنا نادية و سليم دلوقتي 😂😂😂 بس اتطلقنا و أنا عايزة الركنة ليا أنا 😅😂😂😂😂😂

[@سهامالليل-م3خ]

ربنا يعوضك خير

[@esraamoustafa6274]

مشييييييئه 😮❤❤ قلبى انا وحشتينى جدا ايوة بقى يا ميشو يا جاااااامد ❤️❤️❤️

[@spartaqus2207]

بقى مشمش عينيها لون الاوشن، ده انت شاهي حتنفخك 🤣🤣

[@whiterose9078]

ياحوووده ياشريييير إنته ومشمش😂😂😂

[@lolonabil5190]

منوره يا شوشو والله وحشاني بس شاهي لو طالتلك هتقطعك😂😂😂

[@_superhoba6432]

📌بالله عليكم يابنات فيديو جديد نزل على القناة يلا يابنات كله يدخل ويشوفه 😍

[@Terezon2]

المهم نفسي صفحتك توصل مليون ان شاء الله

[@momaiz2245]

عسل ياحوده😂😂 بموت فيك لما بتتنحنح وتسبل لواحده 😂😂😂

[@زوزالتركي-ظ7س]

عسل والله ربنا يحفظكم ❤❤

[@mohammedahmeda.elaziem2763]

عنيها لون الاوشن 😂😂 بس استعمال طببيب😅😅😅😅😂

[@hazzoHAZZO]

كنا فالبحر واتخنقنا علي الشماسي وكراسي البحر ورميت علي اخته رمله عشان كانت بتسخن في مامته 😅😅😅 وقري الفاتحة علي الشاطئ😂

[@maryammohammed9651]

بابي ايع يالدلعادي🤣🤣🤣🤣🤣🤣🤣🤣

[@amirarazane5544]

اهضم ناس ههههه ههههه بحبكم من الجزائر

[@اممحمدويوسف-و6ن]

ماشاء الله ولاقوة الا بالله❤

[@mahalashin9097]

طيب والي لسه ما تجوزي لحد دلوقتي ونفسه يفرح أهله وأخواته بالركنه دي خلاص كدا بخخخخ بقا ملهوش نصيب فيها والا اييييييه😂

[@shog.2023]

لما اتزوج راح اجي اكتب قصتي هنا باذن الله التعليقات فيها قصص جميلة سبحان الله عندما يحين وقت النصيب ربنا يسوقك برجلك الى نصيبك وفجاة تلاقي نفسك متزوج 😂 ولما كنت عزوبي تحس انه من سابع المستحيلات انك تلاقي شؤيك حياة مناسب وتحبه ويحبك سبحان الله 😊

[@hzorysy4519]

انو الحجاب ليش متمسكين فيه طيب الشعر والرقبة والاكسسوار تبع الادنين والايدين والاقدام وجزء من الساق .. لشو الحجاب طيب ؟؟

[@marwarashad6352]

تعليقك رائع جزاكم الله خيرا

[@hzorysy4519]

@@marwarashad6352 وإياكم يارب

[@toomhnader199]

مدام بس بس نو نو 😂😂

[@DoaaAlaa-t2l]

كنت من سنتين راحه كليتي. وتايه في مواصلات في قريتي وواقفه في مكان غلط مستنيه مواصلات راح جه راجل كبير وقالي انتي واقفه في مكان غلط مش هنا مواصلات كنت خايفه من عمو دا😅 وبعدين ابنه كان في سعوديه بيشتغل ولا كنت اعرفه بعدها بسنتين جه نفس عمو يتقدم لبابا وابنه كان في اجازه والاجازه كان قاعد فيها ٤ ايام وسافر تاني بعد ما جه عمو بيت وكنت رافضه اصلا لاني كنت لسه مخلصه متحانات وكنا بنوضب شقه اخي علشان هيتجوز جه عمو وابنه وبنته وابنه اول لما شافني كان محدد معاد فرح وخطوبتي كانت تاني يوم الي جبنا في دهب واخر يوم في الاجازه جه قعد معايا وكنا مخطوبين وبعدين وافق على كل طلبات بابا وحدد فرح واحنا مخطوبين عرفت منه انه كان خلص كل فلوسه في شقه وانه استلف فلوس علشان شبكه وفستان ونرضاش يستني يوم واحد ومازلنا مخطوبين كل شويه نتخانق ويصالحني ويقولي يا اخره صبري 😅نفسي تبطلي جنان بس حرام انسان طيب جدا ومحترم والاهم من دا كله بيحكلي حكايات ةيستحمل جناني وكمان بيفكرني بكل حاجه حتي اكلي وعلاجي 😂😂😂بس احنا متخانقين علشان مرجيحه عش العصفور في عفش 😅😅

[@tamersalah6105]

بعتلها فيديو بالغلط وانا باكل كشري بالعصيان بتاعه السوشي 😂😂😂😂😂

[@mahmoudsindi7640]

فين شاهي

[@doniamahmoud4880]

مش قصتي انا قصة صاحبتي نقلت مكان غير مكانها القديم وجوزها حاليا كان جارها حبها جدا جدا لدرجه انه بطل يشرب واشتغل والتزم رغم ان اهله مش عايزينها عشان هي مطلقه وعندها طفل كمان بس هو فضل يحارب لحد ما ربنا جمعاهم مع بعض في لاخر وجابوا طفل كمان

[@hassanmohamed3190]

عسل يا محمود عسل احنا عايزينك تمثل

[@parkjimin2827]

اتعرفت علي جوزي ازاي 😅 واحده صحبتي عملت اكونت ب اسمي وكلمته منه عشان تحببه فيها الغبيه كانت بتسالني علي تفاصيل يومي وتروح تحكيهاله ف طلع كان بيحبني اصلا واتجوزني

[@AlSurayah]

أحكي على أنهي فيهم؟ ؟؟

[@AeshaAshraf-m8j]

انا التعليق 25 اخيرا🎉😂

[@khalilmohamed1059]

عنيها استعمال طبيب 😂😂😂

[@Yasminsiri23]

انا مش من مصر و مع ذلك ساحكي ... كنت بشتغل في مطعم ياباني و اعطوني بريك تايم فروحت عشان اغير الجزمه كانت ديقه قم فتحت اللابتوب لانو تلفوني كان عطلان ..كنت عايزة اسمع اغنية فرفوشة قام جاتلي رسالة اضافهفي الفايس .. طبعا مكنش في بالي قلت اما ادخل اتونس بكلمتين لاني كنت عايشة في اليابان وحيده معظم الوقت .. قام قلي انا الي عايز اتجوزك .. قلتلو طب اسمع البريك خلص خلي الجوازة بعد الشغل كنت بهزر .. لكن بجد هو دا ااي اتجوزتو و عندي اابنت و الولد الله يباركلي فيه و فيهم 😂

[@fouadahmed6176]

بحبك يا حوته❤❤❤❤

[@doaanashat7676]

اللهم صل وسلم وبارك على سيدنا محمد وعلى اله وصحبه اجمعين عدد خلق الله ورضا نفس الله وزنة عرش الله ومداد كلمات الله 😍🥰🥰

[@ibrahimfathey5138]

يا رب اكسب❤

[@maz400]

الكاميرا مهزةزة اوي طول التصوير😂

[@mandomando6500]

عاااااااااش استمر

[@احمدكمال-ظ2خ2ر]

كان نفسى أكتب القصة بس انا مش لاقى قطه

[@hishamalnour9072]

حبيبي يا حودة

[@ocaew1]

التاني

[@qnadiyahassan7815]

❤❤❤❤😂😂

[@zoro202020]

شفتها عجبتني حبيتها اتجوزتها

[@JamalAbuFaris]

انا بقى حكايتى حكاية كنت بشتغل بعد الدبلوم وفى يوم جه مع عمه لمكان شغلى عشان عمه ليه شغل معانا ودا اول مرة يجى فيها مع عمه وكانت الكهربا قاطعه مشيو اتاريه بع ماشافنى كل يوم يروح لعمه يقوله مش هتروح هناك المهم جم تانى فكان قاعد وانا معدية جمبه ب عمل حاجة فى الشغل راح ماددرجله روحت طلعه على صوابعه وكنت لبسه حتة كعب خمسة سنتى رفيع ولا كأنى عملت حاجة وعدت و روحت عملت ليه قهوة سادة زفت وشربها ومقدرش يتكلم وبعديها باسبوعين جه خطبنى وفضلت خطوبتنا خمس سنين سابنى فيها مرتين والله هو الى سابنى بسبب اهله وفى الاخر قالهم يا هى يا مش متجوز خالص احنا كنا بنموت فى بعض اتخطبت فى الفترة دى كذا مرة وكل مرة تتفشكل و محدش يعرف السبب لكن كان النصيب انه يرجعلى وفى الوقتى ده كان واحد متكلم انه هيتقدملى لكن قولت لاء حبيبي اولى بى وانا اولى بيه ورجعنا لبعض بشبكة وكل حاجة من اول وجديد مع انه كان سابلى شبكته الاولانية ومرضيش ياخدها وقال هى مزمبهاش حاجة وبابا حكم الشبكة والجواز فى خلال شهر كنا قبل رمضان بيوم واتجوزنا تانى يوم العيد الصغير ودلوقتى معايا منه اربع اولاد الاول اولى جامعه كلمة ذكاء اصطناعي والتانى تانية صنايع وبنوتين توءم اولى اعدادى ورغم المرار الى شوفته من اهله لاكن.مكملين مع بعض عشان حبنا اقوى صحيح شوفنا كتير وعدت علينا مصاعب ومصايب اد عمرنا لكن الحمد.لله على وجودنا مع بعض ونعمة ولادنا الى ربنا انعم.علينا بيها ادعولنا ربنا يفك.كربنا دلوقتى لاننا فى ظروف مادية صعبة وادعوا لابنى الكبير ربنا يشفيه مريض سكر نوع اول بقاله سبع سنين معلهش طولت عليكم وختمتها ضراما بس يلا معلهش سامحونى

[@أمانيالشاذلي-ك1ح]

صباح الخير

[@ايمانمحمود-ي9ح]

😂😂😂لسة ولا حبيت ولا اتخطبت 😂😂😂فعلا قطع الحب وسنينه 😂😂😂

[@hishamalnour9072]

ملك الضحكة

[@hishamalnour9072]

🤣🤣🤣🤣🤣🤣🤣🤣🤣

[@user-wf8tr9ts6h]

😂😂😂🎉🎉🎉🎉🎉🎉🎉

[@doiyeskasles4396]

😂😂😂😂😂😂😂😂😂

[@mostafaelgammal]

التصميمات سيئه جدا جدااااا معلش يا حودة والله

[@hassanmohamed3190]

فينك يا شاه

[@AnoosBoody]

ف محل ملابس 🙄

[@صابرينعيد-ه1ه]

اول مرة التصوير ميكونش حلو الكاميرا مهزوزة

[@ahmedthapet8095]

ماتسترجل ياسطا 0

[@Yasser-vf2hj]

متقمص دور القرموطي

[@EmanAtif-o8h]

المحل جميل بس الحلقة معجبتنيش احنا بنتفرج عشان نشوف حاجة حلال بتضحك وتدخل السرور على قلوبنا مش راجل وست بيعاكسوا بعض

[@marobaro4764]

😅😅😅

[@اممحمدويوسف-و6ن]

😂😂😂😂😂

[@amalmoustafa3272]

😂😂😂😂😂😂😂😂

[@MahmoudMohammed2020]

😂😂😂😂😂😂😂😂😂😂😂😂

[@hishamalnour9072]

😂😂😂😂😂😂😂😂

[@ايمانالمدني-ج1ب]

😂😂😂😂😂