Рет қаралды 529
خۆێندنەوەی شیعری چەمەڕا
ئازیز خەیلێوەن چەمی دڵ بڕیان
نە تووتیای گەرد پاڵای دیدەی گیان
خەیلێوەن مەنەن تاریکاوای(تاریک ئاوای) دڵ
نە ڕای ڕۆی ئامای گیانی دڵ ماتڵ
نە وشکارۆی دڵ مەزرای محبّت
مەنەن چەمەڕای بارانی رەحمەت،
خەیلێوەن چەمان سەرچەمەی ئاوات
چەمەڕان هاکا لێڵاویش داهات
ــــــــــ
تەن تەنیاش وستەن سەرمایەی شادی
هەمیسان خزیان نە انفرادی
وێنەی یانەی دڵ چوڵەن یانەی تەن
تەنیش تون چوون دڵ وە تەنیا مەنەن
ئەر نەبۆ کورەی دڵ ماوەرۆ کوڵ
هیچ نیەن تەنیا مەنّەی تەن بێ دڵ
دڵ بانتر جه خەم دووری ئازیزان
سووچیان وەسە بوون دووری چەمەی گیان
ـــــــــ
توخوا با پەڵەی ڕەحمەتت وارۆ
پەی کوێراوای دڵ موژدەی گیان بارۆ
بە کوێرایی چەم چەمتەنی تەنی زەبوون
تەمی تەنیایی بەرشۆنە دەروون
دڵ تاوێ تاوان قورخ جە جەردەن
بێگانە نە گیان یانەش بەر کەردەن
سا فرسەتەن سای رحمەتت دیسان
نە سەر دڵ وارۆ گیان بارۆ پەی گیان
پەیکی ڕەحمەتەن لیلعالەمینت
نازۆ وە تەنیا بەنّهی خەمینت
سەردەسەی خاسان حەیفەن بۆ ڕازی
وێڵ کەرۆ شێوەی بەننە نەوازی
ــــــــــ
یاخوا کڵەی چەم گەردی پاڵاش بۆ
سەرم هەزار جار سەرگەردی ڕاش بۆ
بەهاری ۶۵
آدرس های میزان در شبکه های اجتماعی
www.mizan1342.wordpress.com
/ mizan1342
Telegram: t.me/Amizan
/ mizani1342