Рет қаралды 32,889
Атырауда шаруа қожалық иесін атып өлтіріп, денесін құдыққа лақтырып кеткендерге қатысты сот үкімі шықты. Бақташыны қасақана атып өлтірді деп айыпталған 39 жастағы Серік Теңізбаев 15 жылға бас бостандығынан айырылды. Ал осы қылмысты жасырды деген 54 жастағы Жұматай Масабаев 5 жыл, оның 22 жастағы ұлы 4 жыл жаза арқалады.
Тергеу кезінде Серік Теңізбаевтың бұрын да кісі өліміне қатысты сотталғаны анықталды. Еске сала кетсек, қоғамдық резанонс тудырған оқиға Атырау облысы Жылыой ауданында былтыр қыркүйекте болған еді. Малын іздеп шығып, үйіне қайта оралмаған бақташыны туыстары мен полиция 7 күн бойы шарқ ұрып іздеген. Алайда, іздеу нәтижесін бермеді. Осы кезде аудан тұрғындары талай жылдан бері шаруаларға қоқан-лоқы жасап, зәбір көрсетіп жүрген ағайындылардан күдіктенетіндерін, бірақ құзырлы органдар оларды ұстамай отыр деп алаңға шығып шу шығарған. Сөйтіп, тоғызыншы күн дегенде Құлсары қаласынан 70 шақырым жердегі су құдығынан шаруаның денесі табылды. Осыдан кейін ағайынды үш күдікті қамауға алынды. Енді үш сотталушы да жәбірленушілерге 14 миллион теңгеге жуық өтемақы төлейді. Ал, сотталушылар үкіммен келіспей, наразылық білдірді.
ЗАРЕМА ХАМИДУЛЛИНА, судья:
- Бүкіл халық болып іздеген жәбірленуші Нұртілеуовтың мүрдесін жәбірлеушінің баласы басқа да адамдар бетін ашып қарап кеткенін өздеріңіз де естідіңіздер. Бетіне салынған көптеген тастардан, бөшкілерден жәбірленушінің денесі қандай жағдайда шығарылғанын өздеріңіз көрдіңіздер. Оны сотталушы Хасанғалиев тауып бермеген жағдайда жәбірленушінің денесі табылмайтын еді.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#қылмыс #қатігездік #жаза #Атырау