Рет қаралды 239
Қозоқбойда мактаб даражасида илм йўқ, журналистда объективлик йўқ, Варварда нафс чегараси йўқ, Президентда сиёсий мустақиллик йўқ, реал олимда эса паспорт йўқ?!
Жонлида кузатинг ва фаол улашинг.
Президентга!
Миллатлар бирлашганда мамлакатлар мувофақиятли ривожланиши ва тарқоқ бўлганда тараққиёти сустлашиши тарихий хақиқат.
Миллатни бирлаштиривчи қадриятларининг энг муҳими бу ҳар қандай миллатнинг умумий мулоқот тилидир.
Бунинг муҳимлигини билган ташқи душманлар миллатларни нафақат географик бўлишга, балки унинг етакчи тилларини қадрсизлантиришга ҳаракат қилган.
Бугунги геосиёсий вазият эса Турон халқларини, айниқса тарихий Туркистон халқларининг нафақат иқтисодий, балки мафкуравий интеграциясини янада кучайтиришни тоқозо қилади.
Бунда Туркистон халқларининг тиллари, жумладан МО да энг кўп гапирувчиси бўлган Ўзбек тилини фундаментал тадқиқ қилиш давр талаби экани ўз-ўзидан тушунарли.
Бундай фундаментал тадқиқот натижаси тилнинг нафақат ички истемолчилар олдидаги обрўсини кўтаришга, балки унинг дунё тиллари ривожланишидаги тарихий ўрнини юксалтиришга ҳам ҳизмат қилиши мақсадга мувофиқлиги мантиқан тўғри.
Салкам тўрт йил аввалги аммо ҳануз жавобсиз, демак эътиборсиз қолган мурожаатим:
Ўзбекистон Республикаси Президенти Ш.М. Мирзиёевга мурожаат.
Жаноб Президент, Мен Маҳмуджон Кучкаров, айнан тилимизнинг дунёдаги обрўсини оширадиган ва умуман Одам Тилининг келиб чиқиши борасида дунёда биринчи бўлиб эмпирикал, тажрибалар орқали тилнинг Европа, Осиё ва Америкада моногенезлигини исботладим.
Тилнинг семантик ва прагматик нуқтаи назаридан товушлар даражасида элементар сртуктурага эга эканини, яъний ҳар бир товуш ўз мустақил маъногаcига эга эканини, дастлабки вербал тил бу кўчманчилар тили яъни туркий эканини илмий асосладим.
Тадқиқот натижалари кўрсатадики, тилнинг пайдо бўлишидаги атамалар табиий асосга эга. Унинг асосидаги янги назария, бугунги тилшуносликдаги тил ва атамаларнинг келиб чиқишидаги тасодифлик парадигмасини инкор этиб, этимологияда катта илмий мувофақиятларга олиб келади.
Ўз маблағим билан амалга оширган бу ишни бир неча халқаро конференцияларда маъруза қилдим ва дастлабки патент сертификатини олдим.
Аммо бу иш давом этиши ва тизимлаштирилиши керак бўлган катта ҳажмли иш бўлганидан Инновация вазирлигининг илмий грантлар лойиҳасида қатнашмоқчи бўлдим.
Бироқ, мустақил изланувчи сифатида, уларнинг расмиятчилик талабларига мос келмадим. Аниқроғи, бирор ташкилотга бириктирилмаганим, уларни қаноатлантирмади.
Савол билан қилган мурожаатим эса жавобсиз қоляпти.
Жаноб Президент, мен Маҳмуджон Кучкаров Сиздан илмий грантлар лойиҳасида қатнашишдаги расмиятчилик тўсиқларида ёрдам беришингизни сўрайман.
Маҳмуджон Кучкаров
“Одам Тили” назариясиниг асосчиси