⭕️ خاطرة عطرية ⭕️ - العطور ما بين الأصلي والمحاكاة

⭕️ خاطرة عطرية ⭕️
العطور الأصلية وعطور المحاكاة .. ما لها وما عليها

[@mouhanedkhaled609]

في نقط بردو احب ابينها لحضرتك بناء على دراستي المتواضعه في تصميم العطور اولا كلام ان العطور الاوريجنال بتستخدم زيوت طبيعية والمحاكاه او التقليد صناعي دا كلام غير دقيق بالمرة لان اصلا ٩٥٪؜ من العطور العالمية كلها بتستخدم الاروما كيميكال و دي مركبات كيميائية مصنعه معمليا و بردو ليها درجات نقاء و خلافه طيب ليه مش بتستخدم زيوت طبيعية لان معظم الزيوت الطبيعية االانتاج منها عالميا قليل جدااا بسبب صعوبة الانتاج من كذا ناحية مثلا الزعفران او الياسمين عشان تنتج كيلو واحد من الزيت انت محتاج اطنان حرفيا فدادين مع الانتاج البياخد وقت السعر بيبقى عالي جداا ثانيا ودا الاهم مش ديما استخدام العطارين للاروما كميكال بيبقى بسبب ندرة الزيت الطبيعي لا بيبقى بسبب ان فيه روايح مقدرش اوصلها طبيعيا زي مثلا ريحة الكاندي او غزل البنات او التيراميسو او الجلود و مثلا اوقات عشان انا عايز اصمم عطر قوي جدا مثلا و هنا ملحوظة مهمه ثبات الزيت الطبيعي في معظم النباتات والوروود والحمضيات ثبات ضعيف لكن نقاء عالي بعيدا عن العود ومسك الغزال والاخشاب زي خشب الصندل لان دول طبيعيا لا يعلى عليهم طبعا الموضوع فيه معلومات غزيرة ودا اختصارا ليه اتمنى الصورة تكون وضحت.

[@egyptianperfumer493]

بالظبط كلامك مظبوط وانا فعلا نسيت أشير له .. العطور الي نقدر نشتريها وف ايدينا معظمها صناعي لان المواد الطبيعية غالية جداً ومعظمها بيبقى محظور كمان .. اللي بيفرق بس جودة المكونات ودرجات النقاء .. هعمل pin للكومنت بتاعك عشان كله يستفيد ♥️

[@osamaoraby4648]

حاجه شبه صناعة الادويه كده والمواد الفعاله اللي بيصنعوها لاستحالة انتاجها بالكميات دي

[@gizoo88]

عالمي اقسم بالله ،محاضره ف الادب والاخلاق وتقبل الاخر

[@egyptianperfumer493]

ربنا يسعدك والله من ذوقك بس ♥️♥️

[@jeenaramy4526]

انت فعلا فنان... احسنت واجزت... منمق مهذب .. متزن... رائع السرد

[@egyptianperfumer493]

شكراً جزيلاً 🙏🏻 من ذوقك والله ♥️

[@mohamedabdelrahman4274]

الله ينور يا هندسه الخلاصه فعلا لازم تبقى عارف و واعى انت بتشتري ايه . ده ينطبق على الاصلى و المحاكاة و التركيب و يمكن كمان على كل حاجه ف حياتنا .

[@egyptianperfumer493]

الله ينور عليك بالظبط دة اللي اقصده وتبقى عارف انت عايز اية بالظبط م العطر

[@leader5600]

كلام منطقي وكل حد له وجهة نظر مستخدين العطور فئتين فئه هواه وعشاق محترفين ومهتمين / واخرى لا يعرف الا ان العطر رائحته حلوه وعجباه والاهم سعره رخيص الفئه دي لو كل مستخدمين العطور زيهم لن ولم تعيش دور النيش تفلس وتغير نشاطها تبيع مخلل 😅

[@egyptianperfumer493]

بالظبط والله كلامك مظبوط 😂😅

[@medoahmed1021]

كلام حضرتك منطقى و معقول جدا ... أحييك🫡

[@egyptianperfumer493]

تسلم يارب ♥️♥️

[@walidelbadry624]

كلام عقلاني جداا ومتزن 🎓🎓

[@egyptianperfumer493]

حبيبي يا صديقي بعض ما عندكم ♥️🙏🏻

[@safamreeh5785]

كلامك في منتهى الروعة والجمال استاذ أحمد وأوافقك الرأي انا شخصيا بستخدم عطور المحاكاة للإستعمال اليومي وللطلعات الخفيفة وحقول لحضرتك وبصراحة انو كمية الإطرائات الي توجهتلي اتجاه عطور المحاكاة شيء مش طبيعي اعطيك مثال عن خمرة وخمرة قهوة و 9pm دول عطور انا بحب ريحتهم وبستعملهم بانتظام تصوّر حضرتك حتى لو وجه التشابه بينهم وبين العطور الأصلية مش قريّب كثير خصوصا خمرة وانجيل شير إلاّ انو عطر خمرة كعطر مستقل طيبة ريحتو أدائو وثباتو وفوحانو ممتازين جدا وهو بصراحة أكثر عطر بجيبلي اطرائات وبحس انو تركيزو كأنو إكستريت وليس دي بارفيوم من قوة فوحانو فبالفعل ما نحكمش قبل ما نجرّب ومش مهم العطر محاكي لإيه المهم انو يعجبك ويقوم بواجبو وما يخذلكش ودي نقطة مهمة جدا من وجهة نظري

[@egyptianperfumer493]

كلام جميل ومظبوط وينم عن ثقافة عطرية كبيرة .. في عطور محاكاة كتير بحس ان بقى لهم شخصيتهم المستقلة .. حتى لو هو معمول محاكاة او قريب من عطر معين الا انه بعد فترك بياخد مكانته

[@الله-آكبر-ج2س]

اللهم صلّ وسلم على نبينا محمد 🫀🤍

[@egyptianperfumer493]

عليه افضل الصلاة والسلام

[@SaaD.kuwait]

كلام انسان عاقل جدا .. انا من انصار العطور الاصليه وطول عمري اشتري اغلى العطور من المصادر الرسميه لكن لما شفت المحيط اللي حولي يستخدمون العطور المستوحاة ويحصلون على المديح وانا لا قررت اعيد النظر نوعا ما حتى لو راح اضحي بشئ من الجوده 😂

[@egyptianperfumer493]

والله في حاجات مستوحاة بتبقى كويسة جداً وفي حاجات اوريجينال حرام يتدفع فيها المبالغ دي وهي اداء صفر تقريباً فلازم الواحد يختار بعناية

[@midomohamed7983]

كلامك منطقي جدا مش لازم ارفض عطور المحاكاة لانها من اسمها بتحاكي العطر الاصلي او بتمشي في اتجاه مشابه ليها زي كريد افنتوس من ناحية وسيدرا بوازيه ومونت بلانت إكسبلورر ونيشانيه هاشيفات من ناحية تانية. بس انا عن نفسي هاشيفات افضل من كريد وكل واحد وذوقه😂

[@egyptianperfumer493]

انا زيك هاشيفات افضل كسعر وأداء لكن بصراحة كريد اجمل كنقاء

[@yahiahamdy8363]

عطور البراندات أو الأصلية تقريبا 80 فى المئة من السعر بيكون عشان اسم الدار مش عشان تكلفة الزيوت و العطور لكن المحاكاة بتعتمد على الحتة دى و بتتحكم فى السعر و فى رأيي ساعات ريحة العطر المحاكاة يتكون فيها فروق بسيطة و تخليه احلى من الأصلي و ده رأيي فقط

[@egyptianperfumer493]

انا اتفق معاك في عطور محاكاة قريبة جداً كم الاصلي وبيختلف النقاء فقط وبيكون كمان نسبي من حد لحد

[@ahmedmaher1255]

من وجهة نظري في الموضوع ده لأني هوايتي وجزء من شغلي في تصنيع عطور المحاكة بالنسبة لبرندات الخليج زي أرماف ولطافة بيعملوا عطور محاكاة بشكل ملحوظ لاكن أكيد بيكون في اختلاف في رحلة العطر بسبب ان الشركات دي بتسوق عالميا وبتسوق ان العطور بتاعتها من أبداعها وملهاش علاقة بالمحاكاة علشان مشاكل العلامات التجارية فلازم يكون في اختلاف في العطر لو حاجه بسيطة جدا وما ننساش ان في عطور نيش بتشبه بعضها جدا لدرجة ان ممكن عطر يغنيك عن التاني اما بقي لعطور المحاكة او التركيب بمعني صريح هي هي نفس فكرة شركات الخليج زي لطافة او الهامبرا او أرماف معندهمش مصمم عطور هو عبارة عن زيت عطري محاكي وبيشتغلوا بيه علي طول عطور التركيب او المحاكاة ممكن توصل لدرجة نقاء عالية جدا جدا زي الأصلي ده ليه شروطة طبعا في جودة المكونات وده موجود فعليا ان في زيوت عطرية نقية نقاء يغنيك عن الأصلي يعني حضرتك لسه مجرب عطور فرنشيسكا بيانكي تركيب وعجبك قوي العطر وهو في الأول والأخر تركيب لاكن بجودة عالية جدا وفي جودة اعلي من كده كمان الموضوع كلة زي معامل التحاليل بالظبط بيفصصلك العطر بالكامل وهنا دور الشركة المُصنعة انها تعملها بجودة عالية او متوسطة حسب طلب المستورد من تجربتي للعطور الأصلي طبعا وانا بستخدم الاتنين بلاقي زيوت حرفياً زي الاصلي بالظبط وفي الأول والأخر حسب المقدرة الفكرية والمادية هو ال بيحدد احتياجاتك اخيرا تحياتي ليك واستمر بس تبقي اعمل مُنتاج وتقلل وقت الفيديوهات شوية 😅

[@egyptianperfumer493]

جميل ردك وكلام موزوون وجميل جداً لا المونتاج دة بطلته مم زمان بقى بتكلم مع صحابي خلاص مفيش فرق بينا 😂 الحلقات الاسبوعية دي بتبقى اطول شوية بحب اتكلم براحتي شوية .. الفيديوهات التانية يادوب عشر دقايق القصير الي يبقى دقيقة وكدة بحطه ف تيك توك

[@abdulrhmanabusoliman3843]

تسلم على اسلوب الطرح اللطيف أحسنت حبيت استشير حضرتك بخصوص عطور التركيب ترشحلي براند مصريه حضرتك تثق فيها عشان مش عايز اغامر بصراحة 😂 انا لسه مبدتئ يدوب واغلب مجموعتي لطافة وبعض عطور الدور السعوديه النيش زي العربية للعود والماجد وعايز اجرب الدور المصريه التركيب ولو حتى عند حضرتك ترشيح لدور نيش مصريه

[@egyptianperfumer493]

الله يسلمك يارب ♥️ شوف انا جربت من الدور المصرية كذا حاجة عجبوني سفيلا .. ديوان .. بلاك بيجاسوس بس كل دار من دول عندها حاجة مميزة اكتر من حاجة اعنقد تقدر تطلب منهم عينات ويرشحولك افضل حاجة عندهم وتقارن .. بالتوفيق يارب

[@rabeejarrar]

ارماف ولطافه وافنان بيصرفوا بالهبل على البكجينج والتغليف وشكل القزازه وبيتفوقوا على الاصل, لكن الزيوت اكيد 100% ليست بنفس الجوده. توقعاتي العطر كماده تكلفته على الشركه لا تتجاوز 10%

[@egyptianperfumer493]

عايز اقولك ان عندهم حاجات نقاء ممتاز .. لطافة عندهم خط عطور مميزة ومش محاكاة ونقاء عالي جداً بس سعر غالي برضه ..

[@osamaoraby4648]

انت اتكلمت في موضوع شاغلني من فتره كبيره احييييك الحاجه الاخيره اللي محتاج افهمها بعد مفهمت قصة المحاكاه ايه الفرق بين محلات التركيب العاديه حتي المشهور منها ودور المحاكاه يعني بمعني اصح محلات التركيب دي تعتبر بردو دور محاكاه بس بجودة خامات وكحول اقل من دور المحاكاه ولا في فرق في صياغة العطور يين الاتنين

[@mouhanedkhaled609]

بص يا صاحبي العطور نوعين يا اما تصميم خاص يا اما محاكاه و هنا المحاكاه بتنقسم جزئين جزء عبارة عن محاكاه بمعنى اني بشم العطر الاورجنال مثلا وانا عطار فا باخد منه الفكرة واصمم عطر من الفكرة الاستوحتها و هنا انا زيي زي الاورجنال لاني حطيت بصمتي و محدش فعلا هيحون عنده نفس الرائحة بالظبط النص التاني من المحاكاه الهو زي محلات التركيب كلها او حتى الدور البتقولك احنا محاكاه الاتنين شغلهم نفس الشغل و هو عبارة عن انهم بيروحو لشركات بتعمل محاكاه بردو لنفس العطور الاورجنال و هنا ملاحظة معنى محاكاه انها عمرها ما هتكون ١٠٠٪؜ لازم في تتش مختلف المهم الشركات دي بردو شركات اوريبية و هي نفسها الشركات البتصنع للاورجنال اساسا و هي عشان تزود مكسبها بتغير في صيغة الاورجنال و بتبيعها باسم تاني لتجار والتجار دي بتبيع لمحلات التركيب زيت عادي وصاحب المحل بيختار بقى الجودة على حسب سعر البيع النهائي الهو عايزه مع الكحول المناسب و بس

[@egyptianperfumer493]

الحقيقة الاتنين محاكاة بس التركيب بيبقى ف الغالب جودته اقل لانه بيبيع بسرعة ومش فارق معاه يعمل اسم ولا غيره بالعكس .. دة غير انه بيركز على الناس اللي مش بتهتم قوي بالعطر ونوعه ونوتاته وكل الي عايزينه حاجة ريحتها حلوة وثابتة وخلاص .. حتى هتلاقي محلات التركيب بيعملوا عطور قديمة وكلاسيكية بس بتبيع كويس .. بعكس المحاكاة بيحاول دايماً يجيب الجديد لكن ف النهاية قريبين من بعض جدا

[@osamaoraby4648]

@@mouhanedkhaled609 شكرا يا صديقي تسلملي ع التوضيح ❤

[@osamaoraby4648]

@@egyptianperfumer493 الحقيقه انت جميل ❤ بستمتع بفيديوهاتك والله وتسلملي ع التوضيح ومستني فيديو ال كوير انتنس مش هسيبك 😂😂

[@O-e5q]

انت اخي احمد شجعتني اجرب عطور بيجاجوس على ضوء تجربتك للعطر الذي يحاكي بلاك نايت

[@egyptianperfumer493]

ان شاء الله هيعجبك وجرب برضه بديل سكس اند دا سي نيرولي جميل ومقارب جداً

[@O-e5q]

@egyptianperfumer493 حسب معلوماتك عندهم توصيل على الاردن

[@n.a.s6026]

لكن استاذ اني اشوف ان اسعار العطور البراندات فيها استغلال واضح ولا تستحق هذه الاسعار المرتفعة يعني اتوقع القضية فيها احتيال تحتاج للبحث عن الكلفة في تصنيع العطر

[@egyptianperfumer493]

هو النقطة ان البراند مش مجرد بيبع لك عطر هو بيبع لك اسمه كمان .. العلامة التجارية قيمتها بتفرق برغم ان ممكن تلاقي العطر عادي جداً للاسف

[@rooodddd9877]

ولله أنا دخلت في جدال قوي مع احد الأصدقاء بسبب الموضوع هذا يحب يشتري العطور التركيب و يشوفها حلوه بس أشوفها صناعية وتصدع الرأس ايش الفايدة اوفر فلوسي عشان اشتري عطر يصدع لي راسي أزود شوي وآخذ اوريجينال وكذا كذا العطر بيطول عبال يخلص.

[@egyptianperfumer493]

في طبعاً حاجات سيئة جداً وتصدع وتبقع الهدوم .. وفي حاجات جودتها افضل بسبب اختلاف جودة الزيوت

[@rooodddd9877]

@@egyptianperfumer493 صحيح في ناس تبدع في التركيب عشان لا نظلم الكل لكن قليل.

[@O-e5q]

على العكس اتقبل شراء عطر تقليد بجوده اقل نسبيا على ان يكون سعره مناسب واتنازل عن التفخار بشكل الزجاجه وثمنها

[@egyptianperfumer493]

أنا زيك بصراحة .. يعني حتى موضوع النقاء والجودة دة نسبي بيختلف من شخص للتاني

[@amrabdelmonen8569]

جربت عطر اثينا من دار اثينا ايه تنصحني اشتريه ولا ما يستاهلش ؟

[@egyptianperfumer493]

مجربتش منهم حاجة والله لسه

[@EslamSalah-jg3rj]

بس ممكن اجرب عطر محاكاه لعطر غالى فيدينى انطباع او خلفيه بسيطه عن اتجاه العطر اللى عايز اشتريه وهل اساسه بقرر اذا هشتريه اولا ومش بالضروره يكون حلو او سئ بس بشوف اذا مناسب لذوقى او لا ممكن ابنى قرارى على كده ولا عطر المحاكاه بيفضل بعيد شويه عن اتجاه الاصلى ؟

[@egyptianperfumer493]

مهما كان هيفضل بعيد عن الاصلي بنسبة او اخرى .. لكن خد بالك ع الاقل هيعرفك العطر الاصلي اتجاهه العطري اية او صيفي او شتوي او زهري ولا عودي ولا انيمالك ولا خشبي ولا ولا اصل نش معقول هيبقى محاكاة ومش شبهه خالص .. فهمت قصدي .. لكن ف النهاية اكيد هيبقى في اختلاف

[@massimoraffaello1923]

للأسف لم أستطيع تقبُّل عطور المحاكاة لأن لدي جيوب أنفية ... وعالأصل دوّر

[@egyptianperfumer493]

انا زيك عندي جيوب أنفية بس في عطور محاكاة بتبقى كويسة ومش بتتعبني في حبن ان في عطور اوريجينال بتتعبني أعتقد بتبقى لها علاقة بنوتة معينة .. مش عارف بصراحة

[@alyfahmy]

مين مزعلك بس يابوحميد

[@egyptianperfumer493]

الدنيا كلها بصراحة الحمدلله رب العالمين

[@hamzakhaldi9842]

منورايا احسن من قدم العطور تنصحني اشتري ناكسوس او اشتري بفلوس ناكسوس عطرين او تلاته من ماركات تانيه

[@egyptianperfumer493]

نورك يا حبيبي والله على حسب هتشتري مكانه عطور اية .. لو هتجيب بفلوسه عطرين كويسين مثلا فليه لا لو هتجيب بفلوسه خمس عطور جودة قليلة يبقى هات ناكسوس احلى

[@hamzakhaldi9842]

@egyptianperfumer493 شكرآ لك

[@rabeerabee5803]

يعني دور العطور العربيةالتي تصدر العطور البديلة في أفخم بكج هي بتشتري خلطات جاهزة وليس لديها عطار يتقن المحاكاة؟ طيب ليش ما يتنازلوا عن تكلفة البكج وتدفع فلوس العطار؟ سؤال آخر: الدور الكبيرة مثل العربية والقرشي لما بتصدر عطور محاكية لعطر مشهور هل هي بتشتري زيوت جاهزة؟ وإذا كانت تجلب عطارين لماذا لا تكشف عن اسم العطار ؟

[@egyptianperfumer493]

هقولك ببساطة .. هل تعتقد ان العطرجي الي عمل عطر ديور سوفاج مثلا هيدي لشركة المحاكاة نفس العناصر والمكونات والنوتات بتاعت العطر الاصلي؟ أكيد لا لانه بيكون خاص بالدار دي وخلاص اشترت حقوقه .. فمش من حقه يبيعه والا مكان بقى في تميز .. دة غير ان تكلفة العطار كتصميم هنبقى مرتفعة بعض الشيء خصوصا لو مشهور .. لكن لو الدار بتعمل عطر اصدار خاص بيها مش محاكاة ف طبعاً بيكون العطر من تصميم عطرجي تصميم خاص بيهم .. لكن الشركات دي معظم هدفهم بيكون استثماري .. هيسوف العطر الناجح ويجيب له محاكاة بسعر اقل عشان يبيع .. لكن لو عمل عطر خاص بيه مش هينتشر ولا هيبيع بسهولة لانه هيكون محتاج الناس تثق فيه اصلا عشان يجربوا حاجته لاول مرة كتصميم خاص

[@همسالمغربي-ر7غ]

نشكورك علي تميزك🌹🌷

[@egyptianperfumer493]

تسلمي يا همس ♥️♥️

[@Dora-d8q]

حاسس اني اعرف الشركه الي اتروجلها انها معاها نفس الزيوت الي موجوده ف الشركه الاوريجنال

[@egyptianperfumer493]

مالناش دعوة بقى 😂😂

[@organdroid2023]

أنت نسيت حاجه اسم العلامه التجاريه ٥٠ في المئه بس علشان البراند في شركات معروفه زيتوها برضو صناعية بس اسم البراند بيدي ثقه اكتر ودي أذواق كلب دنوي دي تبع ارماف مش لطافه

[@egyptianperfumer493]

طبعاً بدون شك وخد بالك دة ف كله مش ف العطور فقط .. اه نسيت موضوع كلب دو نوي دي قلشت مني

[@mohamedabdelrahman4274]

😂😂😂😂😂 جون بول ف المطلق

[@egyptianperfumer493]

😂😂

[@Inthedeep55]

هل تظن فعلا إن عطور المحاكاة إللي بتعملها الدارات المشهورة المميزة تختلف ف النقاء عن ال original لا أظن هذا الحقيقة أظن إن إنهم بيستعملو نفس المكونات عادي لكن لا يتم تماثل الرائحة لأن مش بيتعمل بنفس نسب العطور ببساطة لأن إللي ركب العطر الأصلي محتفظ بالتركيبة فبيبقو عارفيين المكونات آه لكن نسب الخلط المكونات إللي ممكن تكون دقيقة هيا اللي مش معروفة فكر فيها زي خلطة كنتاكي ممكن حد يعمل نفس الجودة بس مش نفس الطعم بالزبط لاختلاف المقادير حتي لو أتعرف المكونات إيه

[@Inthedeep55]

طيب عطور المحاكاة ليه بتتعمل أصلا طالما يقدرو يصنعو عطور اصلية بوصفة خاصة بيهم لأن دا إللي بيتقاس عليه ودا ال فاشون بتاع العطور عشان يعملو إسم ويتعرفو لازم يعملو زي ال نيش عشان يبقي ف إقبال أكبر ع العطور وبالتالي أنا ليه اشتري اوريجنال طالما المحاكاة موجود بنفس الجودة مع اختلاف بسيط ف الرائحة ؟؟؟؟

[@Inthedeep55]

فاللي بيحصل ان الناس عاجبها ريحة عطر نيش فبيعملو عطر شبهو ونفس الريحة إلي حد ما والناس هتقبل عليه لإنه رخيص فادفع أقل من الثمن كتير جدا عشان الاختلاف البسيط دا ثانيا فرق السعر لا شئ غير إسم البراند فقط لا غير زي نايكي أو اديداس هل مبيتعملش نفس الجودة تقريبا من التقليد بتاعهم لا بيتعمل بس بيتباع أرخص بكتير لإنه ببساطة مش اوريجينال

[@egyptianperfumer493]

كلام جميل وموزون أتفق مع الكثير منه بصراحة ♥️

[@egyptianperfumer493]

هي بس النقطة ان موضوع التطابق الكبير دة هيبقى مظبوط في عطور ومش مظبوط في عطور تانية .. في ناس هتحس باللفرق وناس لا خصوصا لو معاك العطر فعليا .. ودي طبعا هتختلف من شخص للتاني في جزئية النقاء مثلا .. لان النقاء في اوقات كتير بشوف انه نسبي ..