Рет қаралды 7,403
БІЗДІҢ KZbin АРНАҒА ТІРКЕЛІҢІЗ: / @informburo31kanal
---------------------------------------------
Еліміздің солтүстігінде екі жүзге жуық үй қызыл судың астында қалды. Аймақта жағдай күннен күнге ушығып барады. Қазір Петропавл қаласы мен Қызылжар ауданында ахуал күрделі. Өйткені топан су облыс орталығына жақын ауылдардағы бөгеттерді бұзып, жолдарды шайып жатыр. Ал облыс орталығында тасқын су тарату станциясының электр бағаналарын бұзып, қала таңертеңнен тіршілік нәрінсіз тарығып отыр. Соған байланысты қала дүкендерінде суға кезекке тұрған қарашаның қарасы көбейді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
РУСЛАН ЖАСҰЛАНҰЛЫ, тілші:
- Бұл Боголюбово ауылындағы қазіргі жағдай. Көріп тұрсаңыз судың деңгейі бір метрден асып кетті. Кейбір үйлердің терезесі де көрінбейді. Тұрғындардың айтуы бойынша ағын су оң жағымдағы бөгетті бұзып өтіп, ауылға кірген.
ПАВЕЛ ТОКАРЕВ, Боголюбово ауылының тұрғыны:
- Халық үреймен отыр. Өйткені мұндай тасқын бұрын-соңды болмаған. Соңғы рет 1950-ші жылдары Есіл өзені осылай тасыпты. Содан бері өзеннің соншалықты жайылуын бірінші көруім.
Сағат сайын көтеріліп жатқан өзен суы ауылдағы 29 үйге кірген. Баспаналарын тастай қашқан тұрғындардың кейбірі жиһаз бен техникасын да шығарып үлгермегенін айтады. Енді бірі ауласында ілулі тұрған киімдерін де ала алмаған. Азаматтардың дүние-мүлкі шылқыған судың бетінде қалқып жүр. Ал жан-жаққа жайылып жатқан судың кететін түрі жоқ. Сондықтан жалғыз баспанасының жағдайына алаңдаған қараша, бір апта судың ортасында тұрған үйіміз құлап, қирандыға айнала ма деп көздеріне жас алды.
Ал ауыл әкімі осыдан 4 жыл бұрын тұрғызылған бөгет қатты ағынмен келген суды ұстап тұра алмады дейді. Яғни, судың деңгейі үш метрден асып, ауылға жайылған. Жақын маңдағы Надежка, Приишим, Семиполатный ауылдарында да осындай жағдай. Барлығы үш ауданда екі жүзге жуық үйді су басқан.
ЛАРИСА БОРИСЕВИЧ, Куйбышев ауылдық округінің әкімі:
- Бөгет суды біраз ұстап қалды. Ол болмаса одан да көп үй суға кетер еді. Су қатты келіп жатыр. Деңгейі әлі көтерілуде.
Қазір Есіл өзені тасып, Бескөл, Тепличный ауылдарындағы саяжайларға кірген. Прибрежный елдімекенін де жан-жағынан су қоршап аралда қалды. Ол аздай Петропавлды сумен қамтитын станцияның электр бағаналары қирап, қала таңертеңнен бері тіршілік нәрінсіз отыр. Дүрліккен жұрт дүкендерден суды жапа-тармағай талап алып жатыр. Жергілікті билік ертеңге дейін жағдайды реттейміз деп сендіреді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық