كاردينيا داخلية

[@zahraa6790]

العنايه بنبات الكاردينيا الداخلي الحراره يجب ان تكون من ١٦ الى ٢٥ يجب رش (بخ )النبته من مره الى مرتين وبالصيف من مره الى ٣ مرات لانه يحب الرطوبه تسقى بغزاره كل يوم لكن بالشتا بين يوم ويوم او كل ٣ ايام الاضاءه بالصيف بعيد عن الضوء قليلا وبالشتاء تحت الصوء مباشره سماد npkمتعادل كل شهر مره او كل عشرين يوم مره وسماد الحديد المتعادل كل اسبوعين مره ضروري التربه بتموس هولندي او تركي او الماني اسود اللون

[@naderahmed3218]

السلام عليكم انا عندي بعض الاوراق تسود حوافها .. ليش ؟؟؟

[@farkadgmal2915]

عاشت الايادي اخي العزيز كان عندي كاردينيا بدت تذبل وطبقت النقاط اللي ذكرتها ولله الحمد رجعت احسن من قبل

[@مملكةالنباتات]

حياكم الله

[@rose-ci3ms]

احسنت هاي مو نبته هاي طركاعة على هيج متطلبات

[@Sooner.83]

سويت نفس طريقتك وفعلا طلعت اوراق جديده بس سرعان ماهاجمها البق الدقيقي وقضى عليها ومن بحثت كان السبب الرش المتكرر والسقي اليومي يجعل النبات يصاب بعذا النوع من الحشرات

[@مملكةالنباتات]

مال دخل لأن اكو نباتات لا تحب الماء والسقي تصاب بهذه الحشرة واكو نباتات تحب الرطوبة العالية بس ما تصاب بهذه الحشرة

[@نبضحياتي-ل1ق]

اني اشتريتها صار 5 ايام كبيره وبيهه زهور والعطر يجنن مالتها لون الزهور اصفر يجنن. وحجمها كبير. والف شكر الك. ع هاي المعلومات جنت حايره اشون اهتم بيها شكرا الك

[@نبضحياتي-ل1ق]

استاذ نطوني وياها اسمده طحالب وفوسفات.وكلي كول شهر ياله تخليلهه من هاي العناصر. صحيح كول شهر لو اقل واشون استعملهن .وشكرا الك استاذ

[@nahedhussein8337]

هل ممكن وضعها بمكان داخل البيت ووضع انارة مصباح فوقها ؟

[@faworizaxho5097]

جزاكم الله خيرا كلامك ذهب بس أحب أن تضيف أثناء الكلام ، كلمات مثل إن شاء ، بإذن الله ، وهكذا بس هاي بيني وبينك إن أضفت أو لا حفظكم الرحمن ربي

[@مملكةالنباتات]

ربي يحفظكم شكرا جزيلا

[@karrarmohammed7063]

ممكن اسباب تلف الوردة...؟ تعبتني كلش ما تورد

[@ayaborierborier9066]

بارك الله بيك....عفيه حلقه عن نبات جلد النمر وهل هوه يطول ام لا وطرق العنايه بي واي مي افضل للسقي لاي نبات كان داخلي او خارجي بس ع الاكثر الداخلي

[@مملكةالنباتات]

ان شاء الله

[@قصيقصي-ر6ن3م]

منور الغالي مبدع دائما الله يوفقك ويستر عليك ويطول بعمرك يا اصيل وراقي وتستاهل ألف الايك يا مخلص 👍🙏💯💯💯

[@taha-ru2xv]

انت معلم ابن العراق الرائع ماكو مثل شرحك الوافي يا ملك النباتات

[@مملكةالنباتات]

حياكم الله شهادة أعتز بها شكرا جزيلا

[@idolovesyria]

حقيقة المعلومات اللي اخذها من فيديواتك.. تختلف عن اي فيديوات ثاتية جزاك الله خير

[@yousifbaladawi7646]

استاذ كلامك خطأ سقي الكاردينيا بغزارة يؤدي إلى تعفن الجذور وتلفها ، وهسه النبات دايسود الأوراق وتموت

[@marahmotit2620]

لو سمحت سؤال ليش الوردة اول ماتطلع تكون بيضاء بعدين بتصير صفراء ليش

[@aymanmajid5048]

بارك الله بيك حيييل دنستفاد من معلوماتك وطريقه شرحك المفصل بميزان حسناتك ممكن تسوينه فديو عن نبات القفص الصدري ورجل البطهمع الشكر

[@مملكةالنباتات]

ان شاء الله بأجر اسوي عن رجل البطة

[@رضارضا-ق4ل4ر]

نبات قفص لصدري ماتت بقه بس لساق قطعته وزرعته ممكن يخظر بلا زحه شلو اسقيهن

[@معتركالنسور]

الله يوفقك على هاي المعلومات وربي يبارك بيك يا طيب

[@مملكةالنباتات]

الله يحفظك

[@saja3363]

عندي النبات يطلع براعم كثيرة بس ماتفتح الازهار شنو السبب؟

[@dentistgame9826]

يعني بالعراق مو ناجحه بسبب الكهرباء كل البيوت بالصيف متوصل ١٦

[@munamuna1511]

السلام عليكم عاشت ايدك على كل المعلومات.. بس ممكن اعرف الكاردينيا اني حطيتها جو المبردة صح لو غلط؟

[@مملكةالنباتات]

عليكم السلام اذا منتعشة عوفيها

[@تحريرحامد]

احسنت بارك الله فيك على هاي المعلومات المهمة

[@مملكةالنباتات]

حياكم الله

[@omarabugoush3579]

تحياتي استاذ اذا ممكن تحديث لهذا الموضوع بارفاق صور للنبتة بعد هاي المدة لان صار اشتريها ثالث مرة و وكل مرة تتساقط الاوراق والبراعم تتعفن بسبب كثرة السقي اعتقد

[@رحيمخريبط-خ9غ]

او احتمل السندانه متصرف المي

[@FatimaFA-ou1nt]

الله يرضى عليك أستاذ شرحك جداً جميل ومفيد صار 3 ايام النبتة عندي ونفس الخطوات الي نصحت جنابك بيها سويتها وان شاءالله تزهر وتبقى خضرة تحياتي لشخصك المحترم

[@مملكةالنباتات]

ربي يحفظكم ويبارك فيكم

[@redmoon9102]

مااايدك ب البخ لان البخ يسود اوراقها وتكع البراعم والسقي مايصير كل يوم ابد... والبخ ممنوع ع الدراسينا بكل انواعها ايضا

[@nadoushable]

كل معلوماته غلط ، و لا يرد على اكثر الأسئلة . لذلك لا تسمعوا كلامه ، لأن معلوماته الغلط ، ستقتل الجاردينيا عندكم

[@abed-elsalammarieibrahim6699]

شكرا لك على الاستجابة وكلنا طمع بالشرح عن القرطاسيا (الهيدرنجيا)

[@مملكةالنباتات]

تدلل

[@قرآنكريم-ق8ق]

اني سقيت النبتة ف تربة رطبة حيل انتظر تجف تربية يله ارطب الأوراق ؟

[@furqandhaferalie8410]

عاشت ايدك بس اني عندي اوراقها دتحترق وتصير صفره ممكن تنطيني السبب؟💔

[@مملكةالنباتات]

انطيها سماد عنصر الحديد

[@mrxdraktubegamingk9106]

عاشت ايدك بس البتموس دا تجمع حشرات وشغلات ناعمة شنوالسبب ارجوالرد

[@مملكةالنباتات]

اذا كان بتموس رديء يجمع الحشرات وإن شاء الله راح أنزل عن هذا الموضوع

[@salahal_saraji8360]

سلام عليكم بلازحمه عندي وحده بس اوراقهه تساقط واكو بيهن صار لونهن بني

[@سعادالخطيب-ح7ظ]

أحسنت الشرح وبارك الله بيك بس نكدر نخلي خل بمي السقي كل شهر حتى تتحول التربه حامضيه تفيد هاي النبته لو لا

[@وردةالجوري-غ9ق]

السلام علیکم ممنونه لشرحكم بس اني ماعشت عندي هاي الشتله مااعرف هي داخليه اوخارجيه لكن خليتها بلطارمه

[@مملكةالنباتات]

عليكم السلام أكو داخلية واكو خارجية لازم قبل لا تشترون تعرفون نوعها

[@وردةالجوري-غ9ق]

@@مملكةالنباتات مرحبا شكرا لردكم القيم لكن شلون اعرف

[@Mimi96356]

عاشت ايدك بلا زحمه انته دكتور كليه الزراعه ام لا عندي منها للنبته وشكرا للمعلومات 🌸🌸🌸

[@مملكةالنباتات]

حياكم الله لست دكتور

[@sosododo5475]

السلام عليكم مشكور على جهودك اخي عندي كاردينيا داخلية والله خبلتني كل 15 يوم اسمدها حديد ويومية ارش اوراقها واضائتها زينه بس تسود حواف الاورراق وتتساقط شسوي الله يخليك

[@مملكةالنباتات]

عليكم السلام احتمال تربتها ثقيلة على الجذر

[@sosododo5475]

@@مملكةالنباتات زين شسويلها رحمة الله والديك

[@yousifbaladawi7646]

نفس المشكلة غيرت التربة هسه ونفس الشي

[@MazinFadhil]

@@yousifbaladawi7646 احتراق القمم النامية لو الاوراق القديمة؟

[@nahedhussein8337]

​@@MazinFadhilالقديمة تتيبس شو السبب اذا ممكن ؟

[@غفراناحمد-ر8ط]

السلام عليكم رحم الله والديك على هذا الشرح عندي مكحلة اشتريتهة قبل 13يوم اسقيهة بين يوم ويوم اشو اكثر اوراقهة دا تصير صفرة علمآ التربة الي اشتريتهة بيهة طين احمر مو زميج ممكن مساعدة

[@مملكةالنباتات]

عليكم السلام السبب بالتربة لان تكون ثقيلة على الجذر

[@alaaalemam922]

والله كلامك مضبوط ربعنه اول شي شال الكارت وذبه

[@waelmh9682]

فعلا شرح مختصر ومفيد جدا الله يعطيك العافية ما عليك امر ممكن اضعها في مواجهة التكييف ولا خطأ وشكرا جزيل لك

[@مملكةالنباتات]

ماعليها شيء لكن حاول ان تهتم برطوبتها

[@MazinFadhil]

شرح وافي لكن فيه اخطاء علمية واهمها موضوع السقي بالغمر !!!! هذا النوع من السقي يجعل وسط نمو النبات فقير بالعناصر الغذائية.

[@moilio1977]

عندك حساب على الفيس او اي برنامج اخر حتى اكدر صوره الك وتنصحني شنو اسوي اله 💔

[@امنورالدين-ص6ع]

الله ينطيك ويرضيك يارب شكرا شكرا جزيلا والله ينطيك الصحه والعافيه استاذنا العزيز

[@نورالهدىعادلفائقيحيى]

اني النبته عندي مزدهره وحلوه بس مابيها دفع متكبر هي هي ومدا اعرف السبب

[@شناشيلعراقيه]

الف رحمه على والديك هوايه استفاديت من نصائحك عندي مطاط اتوقف النمو شنو سببها

[@مملكةالنباتات]

أكثر المطاط حاليا متوقف النمو مالتها

[@JOKER-qe9bc]

الله يبارك بيك ع هاي المعلومات ..

[@حموديالحلفي-ض6ن]

اجمل قناة والله

[@hahhu3314]

شكرا على هذه المعلومات انا اتبعت كل ما ذكرته من عنايه لكن مشكله البراعم تسود تسقط شنو السبب وشكرا

[@مملكةالنباتات]

احتمال فطريات او نقص معادن

[@alibanana7642]

متفيد هاي بالعراق صعب توفير لأجواء المناسبةالها

[@KhalidLazaar-s2p]

هل هذه النبتة تباع في المغرب ؟

[@mariamali5231]

رحم الله والديك اخويا ع هذا الشرح بس ممكن تراوينا الصوره مال كيس البتموس ممنونه الك

[@مملكةالنباتات]

ان شاء الله راح أنزل موضوع عن أنواع البتموس

[@mariamali5231]

@@مملكةالنباتات ممنونه لجوابك اخويا

[@boukhatembiba6628]

السلام عليكم تسلم أستاذ على هذا الفيديو 🌷🌼🌻 من الجزائر 🇩🇿

[@مملكةالنباتات]

عليكم السلام شكرا جزيلا

[@عباسكاظم-ض5س]

بس ردت اسال اذا نضع النبته في غرفه فيها سبلت تنجح لو تموت يرجى الرد

[@مملكةالنباتات]

اذا انطيتوها الرطوبة المناسبة ما عليها شيء

[@عباسكاظم-ض5س]

شكرا جزيلا على المعلومات القيمه الله يكثر من امثالك

[@فلهفله-ق3ر]

لكن بخ الورق يطلع الورد بني ميبس نفس الفل

[@مملكةالنباتات]

عند البخ لا تبخ الأزهار

[@moilio1977]

سلام عليكم اني عندي كاردينه فرنسيه داخل البيت وبدت توكع اوراقه ومعرف شنو اسويله لو اكدر جان صورته الك حتى تعرف شبيه ويكولولي لازم نشاره حديد ترشينه

[@mrh6361]

يصير اخليهاعلى الشباك وتحيها شمس من خلف الشباك

[@اثيراثير-ظ6ف]

رحمه الوالديك ممكن تكلي شلون اتخلص من الحلزون بالحديقه عندي بكثره .والله يجزيك خير

[@مملكةالنباتات]

والديكم الرحمة رش مبيدات حشرية خاصة بالنباتات

[@اثيراثير-ظ6ف]

@@مملكةالنباتات عادي ارشه على نعناع لو ميصير

[@اخترراحهبالكمهماكلفكالامرمنتضر]

السلام عليكم فدوه اليكدر خلي يساعدني اشتريت كاردينا. داخليا صارلها 20يوم وكل 3ايام اعطيها ماي شو ذبلت كلش ونص اوراقها يبست وطاحت

[@عليعمر-ي1ح]

تسلم وتعيش استاذ ربي يحفضك ان شاله

[@مملكةالنباتات]

الله يسلمك يا طيب

[@ahmadeng0]

السلام عليكم عندي كاردينيا الجنبدة دتموت عندي بس الاوراق دتجدد طبيعي وصحتها تمام ومطبق كل الي شرحته شنو الحل قذل ماتفتح الورده دتموت وهيه جنبدة

[@رضاويالفتلاوي-ض5ط]

سلام عليكم اني من محبين نباتات ضليه بس ماعندي حظ بيهن 😂 ياريت ترد عليه اني شتريته قبل شهر بس أوراقه صير صفره وتوكع اريد ترد عليه

[@nadoushable]

لا يوجد منزل حرارته ١٦ . سيكون باردا كالثلاجة . اقل شيء ستكون الحرارة ٢٣ درجة ، سواء بالصيف او الشتاء . الجاردينيا الداخلية طلباتها تعجيزية و مستحيلة 👊🏿👎👎👎

[@طيبهمهند-ظ8ق]

استاذ بفصل الشتاء؟هم نبخ اوراقها اولا واذا مخليتها بلاستقبال وبليل مطفين لضوء خما عليها شي

[@املالحياه-ص7ظ]

الف رحمه لوالديك هوايه استفاديت من شرحك تستاهل الف ﻻيك لطفا من جنابكم هايه النبته اخذتها صار بحدود الشهرين كانت مزهره وهوايه بيها جنابد وبديت اسقيها يوميه وابخ اوراقها الي صار الجنابد بدت تسقط وبعض اوراقها صار لونها بني بعدين خليت السقي كل 3ايام مره وﻻزالت نفس المشكله ودى تظهر اوراق جديده بيها ومخليتها على شباك وبرودة سبلت 22 اذا تعرف المشكله ارجو اﻻجابه الله يوفقك

[@مملكةالنباتات]

طبعا حاليا الداخلية والخارجية واغلب الورود حتى الجوري وغيرها تقل التزهير مالتها يعني هذا شيء عادي اما اسوداد الورق بسبب نقص التسميد

[@ندىعلي-ف5س]

كان عندي نفس المشكلة مع النبتة مالتي كنت خالتها داخل البيت لكن من خليتها بالطرمة بالظل بدون شمس مباشرة لكن ضوء قوي وسمدتها بسماد الحديد شفتها احسن حاليا

[@Ahleen0]

ماذا تقصد بالجنايد

[@nooralwasty5980]

لترشوهة من تجنبد لان يوكعن بس يلوحهن مي اني هيج صار عندي سؤال بعدهة عايشة لولا وشكد حجمهة يصير

[@dr.aminam.shakir1320]

السلام عليكم الله يبارك بحضرتك عندي كاردينيا داخلية اخذتها قبل اسبوعين كان بيها خمس جنابد بقت بس وحده الباقي وكعوا الاوراق زينه وكاعد تطلع اوراق جديدة اكو امل انه تطلع براعم جديدة شنو نوع السماد الي استعمله

[@ندىعلي-ف5س]

عاشت ايدك استاذ انا غلطت وخلطت مع البيتموس زميج هسه شلون اكب التربة مال السندانة واخلي بدالها بتموس فقط اخاف تموت النبتة اذا بدلت التربة وحاليا الجو حار بالعراق

[@مملكةالنباتات]

الله يساعدكم ويساعدنا على جونا

[@angelmalak7657]

بالنسبة للورد اذا رشيناها اشو دا يذبل الورد و يوقع ... قصدي على الوردة الي بعدها توها تكونت و حتى ما مفتحة

[@فلهفله-ق3ر]

عندي كاردينيا سوري وعندي العراقيه زارعتهن بلحديقه خارجيه العراقيه حاليآ محمله لكن السوريه قليل تحمل احولها سندانه وبضل لو شنو الحل ارجو الرد

[@مملكةالنباتات]

لا تحولوها لكن انطوها حديد

[@فلهفله-ق3ر]

@@مملكةالنباتات مشكور سمدتهن وازهر السوريه والعراقيه لكن يومين وصار الورد ذابل.

[@hassnhaasn7184]

بارك الله بيك يابطل

[@مملكةالنباتات]

آلله يبارك فيك

[@moonsun5240]

السلام عليكم ورحمه الله وبركاته سوال اول :- بالشتا ممكن رش الاوراق بالماء ؟ سوال ثاني :- ممكن استخدام الحليب كمغذي ؟ و شكرا جزيلاااا 🌹🌻🌹

[@مملكةالنباتات]

عليكم السلام نعم ممكن رش النبات برذاذ الماء بالشتاء الحليب يجمع البكتريا ولا ينفع النبات

[@moonsun5240]

@@مملكةالنباتات شكرا جزيلا .. 🌺🌺🌺

[@زهراءحسينحيدرمحمد]

عاشت ايدكم والله تنقذونّا بكُل مرة 💚

[@salam1043]

أستاذنا ألكريم حسب معلوماتي وتجربتي للنوع ألخارجي فترة ظهور ألجمبذ من ألواجب عدم سقي ألنبات إلا بنسبه قليله خوفآ من تساقط ألجمبذ قبل ألتفتيح هل ألنوع ألداخلي عكس ماذكرت وألسقي لا يؤثر عليه كما في ألنوع ألخارجي ؟ إيهما تفضل أضاءة ألنبات بمصباح أصفر أم أبيض؟ مع ألتحيه.

[@user-ol3rh8ti2o]

ااسلام عليكم الرش في الشتاء كم مره اذا مكن

[@مملكةالنباتات]

عليكم السلام كل اسبوع مرة

[@moslmmalke9329]

رحمه لوالديك عندي الاوراق تصير سوده ومحتركه

[@مملكةالنباتات]

والديكم الرحمة قلة رطوبة او قلة تسميد

[@ahmedalahmad911]

الله يحفظك دة تنزل معلومات مفيدة

[@مملكةالنباتات]

شكرا جزيلا ربي يحفظكم

[@احمدعصمت-ن1ح]

السلام عليكم اليوم اخذت وحدة من هاي الهولندية وحتى بيها الورقه اللي كلت عليها اكدر احولها هسة بسندانة اكبر لولا لان الجذور طالعة من سندانتها وشكرا على المعلومات القيمة واسال الله ان يجعلها في ميزان حسناتك ♥️

[@مملكةالنباتات]

عليكم السلام نعم تكدر تغيرها

[@احمدعصمت-ن1ح]

@@مملكةالنباتات مشكور اخويا الغالي

[@ابوحسينالساعدي-ل3ز]

والله انته انسان مبدع وربي يحفظك

[@مملكةالنباتات]

شكرا جزيلا ربي يحفظك

[@yahyaayad5908]

السلام عليكم أخي الكريم ياريت تعلمنا طريقة الخلطه npk وكم الكميه التي نسقي بها نبات الكاردينيا

[@مملكةالنباتات]

عليكم السلام منزل حلقة عن سماد NBK متعادل بيها شرح مفصل

[@MustafaMustafa-qf1ll]

عندي نفس هايه الكاردينيا واني ساكن بالمانيا ممكن اعرف سماد الحديد اذا عندك رابط من الامزون او اي موقع حتى اشتريه لان النبته جاي تيبس عندي والاوراق تصير سودة وتوكع

[@مملكةالنباتات]

رابط مع الاسف ماعدنا لكن شعجب ماكو مشاتل بالمانيا تبيع منتج عنصر الحديد

[@MustafaMustafa-qf1ll]

@@مملكةالنباتات لا ماكو هيج اسمدة عدنة npk فقط يبيعوه وبمستويات قليلة جداً مثل 2.2.2

[@حامددحامد-م1ن]

السلام عليكم هل اضائه الكلوب كافيه اوالى ضوء طبيعي انه ماعندي ضوء طبيعي بلبيت

[@emanalkarkhy9116]

البخ بماء الحنفيه لو مفلتر رجاءا وشكرا

[@hiwahiwa4361]

الله يوفقك يارب اشتريت منه والله يااخويه شنو اتنزل فيديو على كل نباتات اروح اشتري منه سؤالي لحضرتك درجة حرارة البيت 28 حاليا وحاطته يم شباك ضوه صبح ماخلي يضربه الشممس يعني مشكلتي بدرجة حراره اخاف يتلف عندي ارجو ان تفيدني رحمه الله والديك

[@مملكةالنباتات]

اذا صار فترة مشترينا وامورها تمام اذا لا تخافون عليها لان الكاردينيا اذا المكان ماوالمها مباشرة تتلف

[@nooralwasty5980]

بعدهة عدكم لوماتت وشنو طريقة العناية بيهة اذا عايشة

[@وفرمنالبيتمنوعات]

السلام عليكم اخويه العزيز .ممكن سبب اصفرار إوراق الكاردنيا وعدم نموهت

[@مملكةالنباتات]

عليكم السلام قلة عنصر الحديد او قلة اضاءة

[@وسامالخفاجي-ح9ف]

معلومات قيمه رَبّـ❤ـيٌ يحفظك

[@مملكةالنباتات]

شكرا جزيلا

[@ahmedfadhil1477]

بارك الله فيك

[@asdasdasdasd5715]

سلام عليكم اخي ياوكت نقل كاردنيا بنسبه الاشهر

[@مملكةالنباتات]

الخريف او بداية الربيع

[@ayhandolar5849]

بارك الله بيك

[@ahmednassir9123]

مشكور استاذ على هذا التوضيح اني عندي هاي النبته بس التربه العندي مخبوطه بتموس وتراب بهاي الحاله شسوي ومن ناحية السقي مي البوري يا مي معقم وعادي تسقي جميع النباتات الداخلي واخارجي مي من البوري مع الشكر الحظرتك وارجو الرد

[@مملكةالنباتات]

اذا امورها تمام لا تغيرون التربة حاليا تكدرون تسقون باي ماء

[@x_zs8]

السلام عليكم فيديو رائع كالمعتاد..هل ينجح تحويل الكاردينيا في هذا الوقت من اصيص ال اصيص آخر مع شكري وامتناني

[@مملكةالنباتات]

عليكم السلام يصير يتحول لكن اذا من اصيص إلى تربة الحديقة ميصير

[@suruqysysushy470]

السلام عليكم...عندي كاردينيا بعده الازهار مامفتحه استمر بالرش لو اتوقف

[@مملكةالنباتات]

عليكم السلام اتوقف عن الرش

[@R.J.W1975]

تسلم يا وردة.

[@مملكةالنباتات]

الله يسلمك يا غالي

[@Jasmina4]

شنو سبب تساقط أوراقه وبعدهم أخضر

[@mrxdraktubegamingk9106]

عاشت ايدك تحفةةةة متابعةجديدةالك معلوماتك روعة

[@مملكةالنباتات]

اهلا وسهلا أشرف بيكم

[@ليلىعليحسنعلي]

السلام عليكم لو سمحتم إني جبت هاي النبتة وغيرت السندانة مالتها وحطيت بالأسفل السندانة حصو وفوقه تراب هل هذا الشيء يضر النبتة وانا حطيت السندانة يم الشباك من الداخل هل تكفيها الإضاءة؟؟؟

[@مملكةالنباتات]

عليكم السلام مياثر

[@ليلىعليحسنعلي]

@@مملكةالنباتات شكرا الكم

[@فيزمنالضياع]

ستاذ عندي كاردنيه شتريتهه من مشتل ورق كثيف اكو هيج اسم لكاردينه

[@zenaemadalwindyalwindy5270]

اني خليتها جوه الدرج ذبلت والورده قبل لا تفتح تموت تيبس وتوكع خليتها بالمطبخ يم الشباك بس شمس ساطعه شويه رجعت روحها بس هم ما احسها نشطه خبلتني واني من النوع الكلش انقهر إذا يموت عندي زرع وابو المشتل كال كل ٣ ايام اسكيها من جبتها اجنن وبيها ورد كالو خلي الها مي لحم هل هذا الشي صحيح لو خزعبلات

[@مملكةالنباتات]

خزعبلات اهتمي بالرطوبة وسماد عنصر الحديد

[@روحالإبداع-ث2ه]

قناه اكثر من رائعه ومفيده عندي قاردينا واراقها الجديده مصفره والاوراق القديمه محروقه وتسقط وتكوت ارجو افادتي وماقصرت بالمعلومات المفيده جداً بارك الله جهودك وشكراً

[@MohamedMohamed-oy7xf]

رحم الله والديك

[@مملكةالنباتات]

والديكم الرحمة

[@تباركموسىحسين-و6و]

بارك الله بجهودكم 🙏🏻 اني عندي كاردينيا بس مأعرفه خارجيه او داخليه ؟ شون اعرفه ؟ وإذا خارجيه معقوله تتحمل حراره الجو ؟

[@مملكةالنباتات]

الخارجية تكون شجيرة من ٥٠ إلى متر أو اكثر اما الداخلية تكون صغيرة جدا منزل حلقة عن الكاردينا الخارجية وكيفية العناية

[@omeralnahi]

الله يبارك بيك اخوية الغالي

[@مملكةالنباتات]

الله يحفظكم اخي العزيز

[@دعاويالمرحة]

حرارة ١٦ لازم اخليها بالثلاجة عدنه بالبصرة 😃

[@نوتيلا-خ6ر]

😂😂

[@nadoushable]

كلامه غير منطقي. لا يوجد اي منزل حرارته ١٦ ، لانه سيتحول الى ثلاجة . الحرارة الطبيعية في اي منزل ، تكون اقل شيء ٢٢ او ٢٣ درجة ، الى ٢٥ .

[@maryy639]

مساء الخير عندي كاردنيا داخلي بس سندانه زميج واريد اغير زميج الى بيتموس اكدر هسه اغير زميج الى بيتموس هسه احنه شهر اب ٨/٢ تحياتي جواب

[@مملكةالنباتات]

حياكم الله يفضل على شهر ١٠

[@nnss485]

ماهو الفرق بين الداخليه والخارجية

[@user-ol3rh8ti2o]

السلام عليكم سماد عنصر الحديد شكد نعطيه للنبات اذا نفس هذا الكاردينا كم القياس

[@مملكةالنباتات]

عليكم السلام ربع كوب