KİŞİ SÖZÜ. HACI MƏHƏMMƏD

Hacı Məhəmməd müəllimə gözəl ifayə görə təşəkkür edirik. Video üzərindəki adı səhv gedib texniki səhvə görə müəllifdən və oxuculardan üzür istəyirəm.
Nərman Kərimzadənin Qarlı aşrım roçanından.
"Axırıncı aşırım"ın həqiqi Kərbəlayı İsmayıl'ı
Kərbəlayı İsmayıl, 1930-cu ildə bolşeviklərin təqibi ilə Arazın o tayına keçəndə, hamilə gəlinini, qan düşməni və düşmənçilik apardığı Usuboğlu'nun evinə gətirir:
Gəlinim sənə əmanət, onu o tərəfə keçirə bilmirəm, - deyir.
Usuboğlu, Kərbəlayının yanındaca öz arvadını çağırıb deyir:
Bu, Kərbəlayının gəlinidir. Düşmənçiliyimiz öz yerində, amma gəlini sənə tapşırıram, onun başından bir tük əskik olsa, başını kəsərəm.
Usuboğlu öz oğlunu da girov kimi Kərbəlayı'ya verir. Deyir ki, qayıdanda oğlumu gətirib, gəlinini sağ-salamat apara bilərsən.
Ən əsası: Kərbəlayı geri dönəndə İrandan Arazı keçərkən ruslarla gülləbarana düşür və qan düşməninin oğlu, o atışmada ölür. Kərbəlayı meyidi götürüb, kəfəni də geyərək gəlir qan düşməninin qapısına ki, buyur öldür məni, sənin oğlun şəhid düşdü və mən sənin əmanətini saxlaya bilmədim..
Qan düşməni Usuboğlu cavabında deyir: "Gəlinin oğul dünyaya gətirdi. Əmanətini al götür, amma bir şərtim var ki, nəvənə mənim ölmüş oğlumun adını qoyasan."
Bәli, Azərbaycanda bu cür kişi kimi düşmənçilik aparan ərənlər olub.
P.S. Yusif Vəzir Çəmənzəminli, Cəlil Məmmədquluzadəyə məktubunda Azərbaycan xalqını niyə bu qədər aşağılayırsan, deyə irad tutur və bunları yazır: "Elimizin ərən kişiləri, atla hansısa bir kəndə girən kimi atdan düşər, atın cilovundan tutub aramla kəndi keçərmiş ki, at üstündə kənd camaatına yuxarıdan aşağı baxmasın. Hər kəsə hörmətlə salam verib keçərmişlər."
#Paylaşaq ki, xəbərləri olmayan dostlarımız da oxuyub məlumatlı olsunlar.