«Кітапхана - білім мекені» ашық есік күні

Қарағанды технология және сервис колледж кітапханасында «Оқуға құштар колледж» жобасының аясында 04.09.2023.- 15.09.2023 күндер аралығында «Кітапхана - білім мекені» атты оқуға жаңа түскен 1 курстың барлық топ білімалушыларына ашық есік күндері өтті.
Іс-шараның мақсаты: Кітапхана ережелерімен таныстыру, білімнің кілті кітап арқылы берілетінін түсіндіру, білімалушылардың кітапқа деген құштарлығын арттыру, кітапты сүюге, оны күтіп, уақытылы өткізуге, жоғалтпай, ұқыпты ұстауға тәрбиелеу.
Кітап туралы ғұлама Жүсіп Баласағұнұлының «Күллі дана сөзі түзілген, інжу-маржан тізбегіндей терілген» деген асыл сөздері дәл бағасын беріп тұрғандай. Кітап оқудың кез келген тұлғаны дамытудың қайнар көзі екенін түсінесің. Кітап беттерінде адамзат тіршілігінің сан қилы құпия сырлары сақталған. Бүкіл адамзат сұрақтарына керекті жауапты, тек кітаптан ғана таба алады.